MESTER SAKRIFIKÁ VARIOS DIPUTADO DURANTE E PERIODO 2011–2015 PA KUMPLI KU E EXIGENSIANAN DI PARTIDO UPB DI E TEMPU EY.

Kralendijk,- Boneiru meresé respeto, stabilidat i gobernabilidat Direktiva di Partido Pro Hustisia i Unión (PHU), huntu ku su presidente Rafael Santana, ta ekspresá su gran preokupashon pa e insiguridat polítiko ku ta sigui afektá Boneiru. 

Nos pueblo i nos famianan meresé respeto, stabilidat i un lideraship responsable.   Durante hopi aña, algun sektor polítiko a purba di hasi Hulanda karga ku problema ku, den gran parti, ta resultado di falta di bon implementashon di e rekursonan i oportunidatnan ku a wordu pone na disposishon di Boneiru pa desaroyá nos komunidat. 

Rafael Santana ta konsiderá lamentabel ku e mester rekordá loke a sosodé entre 2011 i 2015. Segun  na e gobièrnu di e periodo ei santana mantené su funshonamentu, e a mester sakrifiká varios diputado. 

Santana a asumí e costo polítiko aki pasobra semper e a pone e bienestar di e famianan di Boneiru i e kontinuidat di un gobièrnu serio i responsable na promé lugá. 

Durante e mesun periodo ei, varios representante públiko tambe a bira víctima di atakenan personal i preshon polítiko.

Entre nan tabatin e diputada di e tempu ei, Servilia Janga, un Diputado  komprometé ku Boneiru, kende su reputashon personal i su trabou komo miembro di Kolegio Ejecutivo a wordu cuestioná Su funshon komo diputado.

Sin embargo, durante e tempu di e koalishon di gobièrnu, e otro miembro di upb  koalishon tabata sigui pone preshon pa remplas’é. Esaki tabata krea un situashon polítiko difísil, . Situashonnan similar tambe a afektá otro DIPUTADOS. 

A pesar di tur e sirkunstansianan aki, Rafael Santana ta afirmá ku semper el a pone na promé lugá e stabilidat di gobièrnu, e transparensia atministrativo i e bienestar di e famianan di Boneiru. Su konvikshon tabata mantené un gobièrnu ku por tuma desishonnan den benefisio di henter e komunidat. 

Rafael Santana ta wak ku gran preokupashon ku algun práktikanan polítiko di pasado ta mustra senial di sigui presente, inkluyendo preshonnan den koalishonnan ku ta hasi un gobernashon basá riba respeto institushonal i interes general bira mas difísil.

Ku mira riba elekshonnan di 2027, Santana ta hasi un yamamentu pa konstrui un etapa polítiko nobo na Boneiru, basá riba respeto, transparensia, independensia den toma di desishon i kompromiso ku tur famianan di nos isla.

FUENTE: PARTIDO PRO HUSTISIA I UNIÓN (PHU) RAFAEL SANTANA