PROMÉ DI YÜLI DOS GRUPO

Kralendijk,- Promé di yüli dos grupo; desendiente i kulpabelnan di e sistema feros di sklabitut ta rekordá 163 aña ku katibunan a haña un fam i e kulpabelnan a haña kompensashon di dosshen florin pa kada katibu.

Kralendijk,- Hulanda despues di ofresé diskulpa i pidi pordon, manera ku Grupo di diálogo Bonaire for di inisio a pordoná Hulanda, a pone bastante sèn ku lamentablemente a bira un modelo di ganashi pa gruponan elitario.

Desendientenan ta keda lep. E sèn ta pa proyektonan mará na e konsepto: “Kontinuashon di sklabitut den komunidat aktual”.

Pues sklabitut ta kontinuá. Grupo di diálogo Bonaire for di prinsipio a trese dilanti ku nos no ta neger ni afrikano, pero hende liber ku ta na altura di e sistema feros yamá sklabitut i ku promé di yüli ta pa dialogá riba: “Kontinuashon di libertat den sosiedat aktual” Hulanda no ta rekordá okupashon di Alemania riba 5 di mei pero Libertat i no kontinuashon di okupashon.

Grupo di diálogo ta konstatá ku si sigui keda rekordá pasado di sklabitut sin tin ningun señal di e kurpanan ku tabata propiedat di kulpabelnan Bonaire ta un sosiedat morto sin historia.

Nos antepasadonan tabata mineral for di Afrika, dirtí na Bonaire pa hasi ganashi na Hulanda. Promé di yüli mester dia pa hasi e promé stap konkreto pa yega na un sosiedat inkluso, sin ansha, sin miedu, sin distinshon entre koló, sin keda ripití pasado, sin keda hunga víktima i elogiá pasado na lugá di traha riba libertat.

Na 2024 riba promé di yüli den charla di kordinadó di Grupo di diálogo a trese e siguiente ekspreshon dilanti “Nos mester eksihí hende pa aseptá bo manera bo ta i no manera nan ta kere bo ta”di James Baldwin, un homoseksual.

Di Colá Debrot, un héroe boneriano, e poesia “Talbes”: Talbes ta bolbe e dia ku kadushi i pal’i sia ta brasa otro na Bonaire ku kariño di famia”.

E aña aki riba 4 di mei Representante di Reino na Bonaire tambe a resetá for di e poesia “Talbes”.

FUENTE: ARTHUR SEALY