DEMOSTRANDO SU KOMPROMISO KU SEKTOR DI KONSTRUKSHON KOOYMAN BONEIRU TA ANUNSIÁ SU ORARIONAN NOBO

Kralendijk: Demostrando su kompromiso na kliente i gradisiendo sosten di komunidat, Kooyman Boneiru a ekstendé su orario entrante 1 di yüni 2026.

E establesimentu lo ta habrí awor di djaluna pa djabièrnè di 7:00 AM pa 6:00 PM, miéntras ta mantené su skema di fin di siman, djasabra for di 8:00 AM pa 6:00 PM i djadumingu for di 9:00 AM pa 1:00 PM.

E ahuste ta bini komo kontesta direkto na e petishon di kliente, partikularmente di profeshonalnan di konstrukshon ku a pidi akseso mas trempan n’e tienda pa kompranan di último ora promé ku nan dia di trabou kuminsá.

“Na Kooyman, nos ta duna oido na nos klientenan i ta buska maneranan pa mehorá nan eksperensia di kompra,” asina mènedjer sr. Emanuel Rosinda a bisa.

“Dor di habri mas trempan den siman, nos ta brinda mas komodidat, sosteniendo e sektor di konstrukshon, i segurando ku nos klientenan tin akseso na e produkto- i solushonnan ku nan mester i ora nan mester di nan.”

E orarionan ekstendé ta reflehá e dedikashon kontinuo di Kooyman pa duna servisio eksepshonal, miéntras e ta kontribuí na kresementu i desaroyo di Boneiru.

Pa marka lansamentu di e orarionan nobo, Kooyman a organisá un selebrashon di apertura djaluna último. E evento a konta ku un diskurso di bon biní di mènedjer sr. Emanuel Rosinda, sigui pa un ‘konteo’ ofisial p’e apertura. Kònfèti, miembronan di tim entusiasmá, i un ambiente kaluroso tabata e paréntesis dje mainta.

A yama klientenan bon biní na entrada, miéntras ku e promé klientenan di dia a risibí un desayuno grátis. E selebrashon a destaká Kooyman su apresio pa su klientenan fiel i su kompromiso kontinuo pa sirbi Boneiru ku servisio di kalidat.

FUENTE: KOOYMAN BONAIRE/LIVE99FM