1 di mei nos ta rekordá lidernan sindikal i trahadónan balente ku na 1889 a uni i para abuso i eksplotashon kontra e klase trahadó. Awe 2026, 137 aña despues ta na nos lidernan sindikal i trahadónan pa den union sindikal sigui karga e bandera pa protehá e klase trahadó kontra abuso i eksplotashon, pero tambe sigui mehorá kondishonnan i sirkunstansianan laboral i den diálogo ku gobièrnu i dunadó di trabou karga nos desaroyo den un forma balansá i hustu.

P’esei awe mi ta para ketu na 4 punto pa ilustrá ku AFBW si ke sigui karga e bandera di 1 di mei 1889.

Awe mi diskurso lo trata 4 punto:

1. Gobièrnu lokal i gobièrnu di reino.

Boneiru mester di gobièrnunan stabil tantu lokal komo di reino. No mester ta asina ku kada bes gobièrnu ta kai òf tin kambio den esaki. Nos por a mira e 2 añanan ku a pasa. Mester di gobièrnu ku ta traha, resultado di gobernashon ta konta. Mester por mira i eksperensia ku gobièrnu ta gobernando na benefisio di e pueblo.

Papia ménos i hasi mas. Kue tur e rapòrt nan i ban ehekutá esakinan.

I pa e gobièrnu di reino tambe, no keda papia i keda bisa esei no ta mi responsabilidat pero di e gobièrnu lokal. Si di bèrdat bosnan ke yuda, yuda i no buska preteksto pa no yuda. Na mi tuma SELIBON I LANDFILL komo ehèmpel, stòp di keda manda hende pa traha rapòrt i mas rapòrt.

Si bo ke yuda di bèrdat manda e ekiponan i ku hende pa yuda traha konhuntamente huntu ku nos hendenan lokalnan, pa por yega na e solushon ku nos tur ke.

“Niet lullen maar poetsen”.

KVK nummer: 11092, Algemene Federatie van Boneriaanse Werknemers. RBC bank rekening nummer: 8400000900032978

MCB bank rekening nummer: 418.767.09 CRIB nummer: 303008702

• Dunadónan di trabou.

Na tur e dunadónan di trabou Bonafide, pabien i sigui ku e bon trabou, ban mantené esaki.

Pa tur e dunadónan di trabou Malafide, mi ke pidi bosnan pa stòp ku e abuzu laboral aki na Boneiru. Stòp di uza bosnan trahadónan.

Stòp di traha kontratonan malu ku ta perhudiká e trahadó, e hòmber chikí.

Stòp di duna trahadónan 3 biaha 1 aña di kontrato i ora ku yega e momentu pa e haña su kontrato permanente, pa e por sigui konstruí su futuro ta “dump” e persona aki manera ta un opheto e ta, ta basta ku e práktika nan aki.

Si ta bèrdat bo ta “care” pa bo trahadónan, sera un CAO pa nan i halsa nan nivel di bida. I pa tur esnan ku ta bini aki i ke traha sèn i gana sèn, kòrda ta ken ta traha pa bo por gana sèn.

“Ban traha huntu, abo ta kontentu komo dunadó di trabou i trahadónan tambe ta kontentu”.

• Pa nos ku ta lider sindikal i miembronan di direktiva sindikal. Mi ke papia awe ku mi kompañeronan sindikal.

Laga nos trata otro komo kompañero, laga nos kontesta kartanan òf app nan, duna reakshon no keda sin hasi esaki, esaki ta mustra inmadures di un lider i no ta duna ningun klase di rèspèt.

Ser un persona ku ta trata otro meskos ku bo ke pa otro tratabu.

Kumpli ku bo responsabilidat nan di bo organisashon pa ku otro organisashonnan sindikal, ta un sindikato kumplidó.

Hasi e trabou, e tarea ku abo a tuma den direktiva di bo sindikato, kumpli ku bo tareanan.

Duna servisio na bo miembronan, yuda nan i skucha nan.

Sea un sindikato ku ta transparente pa ku bo maneho na bo miembronan. Sea un lider sindikal di bèrdat i traha na bienestar di e klase trahadó.

Ban laga tur diferensia personal un banda i ban den union pa ku e miembronan, e klase trahadó i riba nivel Makro pa e pueblo Boneriano den su totalidat, den union tin forsa. Si nos ke logra di bèrdat pa nos miembronan, trahadónan ta den union so,

nos por logra esaki.

“Hand in Hand, Kameraden”.

1. Pueblo Boneriano.

Lanta para i eksigí derecho igual. Ta basta ku e asuntu estatal ku nos ta den aki, “ni karni ni piska”. A traha un kos hinka nos aden i trapa nos derechonan humano i hasi nos suidadanonan di segundo i terser rango, e maldito artíkulo 132a.

Lesa e rapòrt di NCDR “Gelijkwaardigheid als grondwettelijke Opdracht, Ongelijkheid tussen Europees en Caribisch Nederland Doorbroken.

Na tur ku stima Boneiru, bira miembro di un organisashon i tuma tareanan di liderato. Bini huntu i lucha pa e kousa. Pueblo tuma bek loke ta di bo, no sinta i laga otro bin hasié pa bo, paso lo e hasié na su benefisio i no na bo benefisio.

Lanta i para pa bo responsabilidat.

Pueblo a yega e momentu pa manda un señal kla i raspa pa gobièrnu lokal i Den Haag. E señal mester ta kla, ta basta ku mitar mitar, e pueblo aki no ta kuminda mitar mitar. Trata nos na drechi, tin diferente ehèmpel i kada un presente mester por tin unu, sea den salubridat, enseñansa, sosial, hustisia, departamentu di belasting, etc enz.

“Ban huntu i eksigí nos derecho”.

I banda ku AFBW ta felisitá tur trahadó i nan famia, mi kier hasi dos yamada den e espíritu di e mensahe di gezaghèber.

1. Na tur trahadó. KONOSE BO DERECHO afiliá na AFBW i
2. Na tur Kro sindikal. BAN KUMPLI KU E KONVENSHON DI ILO. Laga nos tene man huntu i duna UNION SINDIKAL BONERIANO su lugá den komunidat. E BOS FUERTE di e trahadó ku ta eksigí RESPET, REKONOSEMENTU I REKOMPENSA HUSTU.

Trabou digno den un ambiente sigur i salú.

Danki na esnan ku a tendemi i danki tambe na esnan ku a skuchami awe mainta. Felis dia di labor / Felis dia di obrero.

FUENTE: CHEREL F KWIDAMA PRESIDENTE AFBW.