BIN BISHITÁ DIA DI CANON NA FONTEIN DIA 17 DI MEI.

DESKUBRÍ I REBIBÁ STORIA DI E LUGÁ SPESIAL AKÍ NA BONEIRU.

UN DIA DI FAMIA PERFEKTO PA EKSPERENSIÁ NOS STORIA, NOS HISTORIA I NOS KULTURA.

Kralendijk – For di desèmber 2025 Entidat Públiko Boneiru ta trahando riba e Canon di Boneiru. E Canon ta un liña di tempu moderno di Boneiru.

E ta presentá susesonan, hendenan, sitionan, edifisionan, músika, baile i storianan importante. E proyekto di Canon di Boneiru ta forma parti di e Agènda di Akshon Pasado di Sklabitut i direktorado di Komunidat i Kuido ta ehekutá e proyekto akí.

Den e periodo tras di lomba, direktorado di Planifikashon i Desaroyo a okupá su mes ku restorashon di e bakinan di awa. Nan a traha riba mehorashon di Fontein su aksesibilidat i e posibilidat pa kana den e plantashi akí. Nos ta invitá habitantenan di Boneiru pa nan mes bin eksperensiá esaki dia 17 di mei. Riba e dia akí pa promé biaha nos ta selebrá Dia di Canon na Boneiru i nos ta habri Fontein su portanan pa grandi i chikí pa e dia spesial akí.

Durante e evento ofisial di apertura di Canon di Boneiru dia 17 di mei, diferente rekorido ta bai tuma lugá na Fontein, kaminda nan ta konta e historia riku di e área akí. Parti mainta FuHiKuBo ta organisá e rekoridonan akí. Bishitantenan ta siña tokante e promé habitantenan, nan por wak e pinturanan den baranka i nan ta tende tokante rebelion i lantamentu durante e periodo di sklabitut. Tambe nan ta haña konosementu tokante e storianan tras di e bakinan di awa, nan ta siña mas tokante Segundo Guera Mundial i hopi mas. Banda di esaki lo tin un lùnch familiar konhunto. Durante un seshon interaktivo i diferente tayer parti mèrdia, bo por yuda pensa i skohe kua ta e tópikonan ku mester bini den e Canon di Boneiru.

Den e programashon di e Dia di Canon dia 17 di mei tin espasio ainda parti mèrdia pa komunidat proponé aktividat. Pensa por ehèmpel riba un tayer di Spoken Word, un tayer di Kuranderia òf un tayer di pintamentu. Bo tin un bon idea pa un aktividat riba Dia di Canon? Manda bo idea pa mas tardá djaluna 27 di aprel na daudi.cijntje@bonairegov.com

Spesialmente pa Dia di Canon di Boneiru, Entidat Públiko Boneiru tin bùs disponibel ku ta kore bai Fontein, debí na e oportunidat limitá pa stashoná outo na Fontein. Pa e motibu akí kordialmente nos ta supliká públiko pa hasi uso di e servisio spesial di bùs akí.

Entidat Públiko Boneiru lo tene públiko na altura di tur desaroyo tokante e promé Dia di Canon di Boneiru. Dentro di poko ta sigui mas informashon tokante kon públiko por registrá pa esaki i tokante e servisio spesial di bùs pa bai Fontein dia 17 di mei.     

FUENTE: OLB/LIVE99FM

NEDERLANDS:

KOM OP 17 MEI NAAR DE CANONDAG BIJ FONTEIN.

BELEEF EN ONTDEK HET VERHAAL VAN DEZE BIJZONDERE PLEK OP BONAIRE.

EEN PERFECTE FAMILIEDAG OM ONS VERHAAL, ONZE GESCHIEDENIS EN ONZE CULTUUR TE ERVAREN.

Kralendijk – Sinds december 2025 werkt het Openbaar Lichaam Bonaire (OLB) aan de Canon van Bonaire. De Canon is een moderne tijdbalk van Bonaire.

Deze presenteert belangrijke gebeurtenissen, mensen, locaties, gebouwen, muziek, dans en verhalen. Het project Canon van Bonaire is onderdeel van de Actieagenda Slavernijverleden en wordt uitgevoerd door de directie Samenleving en Zorg.

De directie Ruimte en Ontwikkeling heeft zich de afgelopen periode beziggehouden met het restaureren van de waterbassins. Zij hebben gewerkt aan het verbeteren van de bewandelbaarheid en toegankelijkheid van Fontein. Op 17 mei nodigen wij de inwoners van Bonaire uit om deze zelf te komen ervaren. Op deze dag vieren we voor het eerst Canondag op Bonaire en worden de deuren van Fontein voor jong en oud voor deze speciale dag geopend.

Tijdens het officiële openingsevenement van de Canon van Bonaire op 17 mei vinden er rondleidingen plaats bij Fontein waarbij de rijke geschiedenis van het gebied wordt verteld. Deze rondleidingen worden in de ochtend georganiseerd door FuHiKuBo. Bezoekers leren over de eerste bewoners, kunnen de rotstekeningen bekijken en horen over opstanden en verzet tijdens de periode van slavernij. Ook komen ze te weten over de verhalen achter de waterbassins, leren ze meer over de Tweede Wereldoorlog en nog veel meer. Daarnaast zal er een gemeenschaps- en familielunch zijn. Tijdens een interactieve sessie en diverse workshops in de middag kan je meedenken en kiezen welke onderwerpen in de Canon van Bonaire moeten komen.

In de programmering van de Canondag op 17 mei is in de middag nog ruimte voor de samenleving om activiteiten voor te stellen. Denk bijvoorbeeld aan een workshop ‘Spoken Word’, een workshop ‘Kuranderia’ of een schilderworkshop. Heb je een leuk idee voor een activiteit op de Canondag? Stuur jouw idee uiterlijk maandag 27 april naar daudi.cijntje@bonairegov.com

Het OLB heeft speciaal voor de Canondag van Bonaire bussen die rijden naar Fontein, vanwege beperkte parkeergelegenheid bij Fontein. Daarom verzoeken wij het publiek vriendelijk om gebruik te maken van deze speciale buslijn.