MAYORNAN PREOKUPA KU ENKUENTRO PA MAYORNAN TOKANTE SITUASHON EDUKASHON NA BONEIRU 

Kralendijk,- E Organisashon pa Derechonan Humano di Boneiru (BHRO) i e Asosiashon di Mayornan ‘Mayornan Preokupá’, lo organisá un enkuentro pa mayornan, djaweps próksimo 23 di aprel 2026.

Esaki ta despues di konfirmashon ku Tweede Kamer lo diskutí e keho di BHRO tokante e krisis den enseñansa di Boneiru den Parlamento, huntu ku desaroyonan relashoná ku mekanismonan di derechonan humano di Nashonnan Uní i e progreso na Liseo komo resultado di mediashon di BHRO.

Mayornan ku tin yu den enseñansa sekundario na Boneiru a ekspresá repetidamente nan preokupashon relashoná ku Liseo i SGB, ku kehonan presentá durante mas di sinku aña na maneho di e skol, defensor di pueblo, departamentu di Ministerio di Enseñansa (OCW) na Boneiru i gobièrnu di Boneiru, inkluso e diputadonan, tur sin resultado.

Medio 2025, despues di sinku aña di esfuerso sin éksito, un grupo grandi di mayor a aserká BHRO ku un petishon konfirmando problemanan sistémiko den sektornan di e skol, inkluyendo konsekuensianan lokal grave, eksklushon di partisipashon di mayornan den enseñansa di nan yu, koutela serka maestronan pa pleita asuntunan i deskriminashon basá riba antesedente kultural i lingwístika. Riba petishon, BHRO a intervení i a komprometé su mes ku mekanismonan di derechonan humano di Nashonnan Uní i Minister di Edukashon I Ministerio di Enseñansa, Siensia i Kultura (OCW) di Hulanda,  

BHRO tambe a traha aktivamente pa aumenta konsensiá den komunidat, yudando mayornan komprondé nan derechonan, asistiendo den formalisa kehonan, i ofresé un plataforma pa nan bos. Esaki a fortalese akshon kolektivo i a empoderá famianan ku anteriormente tabata luchando ku e problemanan sin ningun apoyo.

Medio september aña pasa, un delegashon di BHRO a biaha pa Ginebra pa asistí na audensianan di Nashonan Uni su Komite di Drechonan Ekonomiko, Sosial I Kultural tokante e séptimo rapòrtahe periódiko di Reino Hulandes. BHRO a presentá kehonan di mayornan di Boneiru direktamente na e Komité, ku a resultá—pa promé biaha den historia—den pregunta di e ekspertonan na e delegashon di Hulanda, basá riba preokupashonan di sosiedat sivil di Boneiru tokante situashon di edukashon na Boneiru, poniendo e problemnan aki riba agenda internashonal

Ministerio Hulandes di edukashon ta awor den komunikashon ku BHRO i a rekonosé formalmente resepshon i ta den diskushon tokante e keho, inkluyendo kontakto ku Komishon Fiho pa Edukashon, Kultura i Siensia, i a konfirmá ku e asuntu lo bai dilanti di Tweede Kamer.

E reunion aki lo ofresé aktualisashon, klaridat i siguiente pasonan, inkluyendo diskushon tokante e ròl i sosten di mekanismonan di derechonan humano di Nashonan Uní. Ta di suma importansia pa mayornan i komunidat asistí.

Fecha: Diahuebs 23 di aprel 2026

Ora: 7:00 PM

Lugá: AFBW, Kaya Korona

FUENTE: BONAIRE HUMAN RIGHTS ORGANIZATION