DIPUTADONAN NOBO DEN E PRÓKSIMO KOLEGIO EHEKUTIVO

Kralendijk- Konsehal Benito Dirksz, lider di frakshon Union Patriotiko Boneriano

(UPB) a tuma nota di diferente reakshon via di medionan sosial, tanto positivo komo negativo

pero tambe di algún komentario hasta denigrante i deskriminante den direkshon di diputado señora Jennifer Mohamedjoenoes.

E motibu ta simpel, hendenan ku no por haña informashon, pa nos keda nèchi i  yam’é informashon, riba medionan sosial a ranka Sali ku e kampaña pa destruí e diputado en kestion.

Frakshon di UPB kier hasi e siguiente aklarashon pa asina tur hende por tin e informashon

korekto.

Diputado Jennifer Mohamedjoenoes ta un persona ku ta bon konosí ku nos isla di Boneiru pasobra ela traha na Boneiru. Ta bai mas aleu, ainda diputado Jennifer Mohamedjoenoes ta biba na Boneiru kaminda ku e ta registra legalmente komo siudadano di Boneiru.

Diputado Jennifer Mohamedjoenoes tin su estudio akademiko ku un background konosí den mundu finansiero i tin eksperensia den institutonan den mundo finansiero entre otro na Aruba, Boneiru, Korsou i islanan ariba ku a base di su reputashon, konosementu i konfiansa. Su enkargonan spesífiko ta

dirigí riba maneho, restrukturashon i planifikashon finansiero pa esnan ku ta konfia den su

persona a base di su kapasidat i resultadonan positivo.

Frakshonnan di UPB, MPB i Serberie a skohe konsientemente e tres diputadonan aktual, Jennifer

Mohamedjoenoes, Joselito Statia i Timoteo Silberie. Den konsenso i a base di nan kapasidat

profeshonalismo, konfiansa, responsabilidat i kompromiso ku Boneiru pa por hasi e trabou den e

periodo kortiku ku a sobra promé ku e próksimo elekshon pa Konseho Insular na Mart 2027.

Nos ta konvensí i tin e pleno konfiansa ku diputado Jennifer Mohamedjoenoes lo sa di hasi su máksimo huntu ku su koleganan pa restablesé konfiansa i trankilidat ku primeramente mester tin pa nos komunidat i tambe entre e kuerpo di amtenar i konseheronan di trabou ku ta traha den e aparato gubernamental, Kolegio di Supervishon finansiero (CFT), BZK i e diferente ministerionan na Hulanda.

Hendenan ku kier mal informá ta pretendé ku ta un elekshon tabatin i ku mester a forma un gobièrno nobo pero esei ta leu for di e realidat. No tabata nada fásil pa a haña un persona dispuesto pa asumi e

responsabilidat komo diputado enkarga ku e parti di finansas públiko p’esei nos frakshon ta

sumamente agradesido na diputado Jennifer Mohamedjoenoes  ku a pone su mes disponibel pa a tuma e reto grandi i pisa pa ta na timon di e direktorado di B&O enkargá entre otro ku e parti finansiero di nos isla.

Awor ta na nos tur huntu pa duna Kolegio Ehekutivo e espasio nesesario pa nan por traha pa

Boneiru.

FUENTE: BENITO R. DIRKSZ, LIDER DI FRAKSHON DI UPB