KOLEGIO EHEKUTIVO TA PIDI YUDANSA RÁPIDO DI HULANDA KONTRA PREISNAN KU TA SUBIENDO

Kralendijk – Kolegio Ehekutivo di Boneiru ta pidi gobièrnu hulandes pa intervení rápidamente. Debí na intrankilidat den Medio Oriente i problema den nabegashon marítimo, gastu di karga kada biaha ta bira mas haltu.

Pa e motibu akí kompra na supermarket i kombustibel na Boneiru ta menasá di bira hopi mas karu. Pa hopi habitante kada biaha ta bira mas difísil pa alkansá fin di luna.

Boneiru ta dependé kasi kompletamente di produkto for di eksterior. Ora transporte bira mas karu, e preisnan na nos isla tambe ta subi. Kolegio Ehekutivo ta atvertí ku esaki por tin konsekuensia grandi pa forsa di kompra di nos habitantenan i pa Boneiru su ekonomia.

Pa e motibu akí Kolegio Ehekutivo ta pidi pa dos medida temporal: 

1. Baha akseins riba gasolin di USD 31,86 pa USD 15,00 pa hektoliter.  

2. Adaptá kalkulashon di ABB, di manera ku temporalmente ta kalkulá esaki a base di balor di e produkto i no a base di e gastu di karga tambe ku a subi fuertemente.  

Según Kolegio Ehekutivo e situashon aktual no ta hustu. Pa motibu ku ta kobra impuesto riba gastu di karga ku ta mas haltu, pueblo ta paga impuesto èkstra, miéntras ya kaba tur kos ta birando mas karu. Kolegio Ehekutivo ta di opinion ku gobièrnu no tin mag di gana sèn for di un krìsis ku ta afektá nos habitantenan hopi duru.

Boneiru mes no por adaptá e impuestonan akí, pa motibu ku e reglanan akí ta den Lei di Impuesto BES. P’esei Kolegio Ehekutivo ta hasi un yamada riba Den Haag pa aktua rápidamente, por ehèmpel pa medio di un medida di urgensia òf un dekreto di maneho. Sin akshon rápido, pobresa i problemanan finasiero lo sigui oumentá na nos isla. 

FUENTA: OLB/LIVE99FM

NEDERLANDS:

BESTUURSCOLLEGE VRAAGT OM SNELLE HULP VAN NEDERLAND TEGEN STIJGENDE PRIJZEN

Kralendijk -Het Bestuurscollege van Bonaire vraagt de Nederlandse regering om snel in te grijpen. Door onrust in het Midden-Oosten en problemen in de scheepvaart worden vrachtkosten steeds hoger.

Daardoor dreigen boodschappen en brandstof op Bonaire veel duurder te worden. Voor veel inwoners wordt het steeds moeilijker om rond te komen.

Bonaire is bijna helemaal afhankelijk van producten uit het buitenland. Als transport duurder wordt, stijgen ook de prijzen op het eiland. Het Bestuurscollege waarschuwt dat dit grote gevolgen kan hebben voor de koopkracht van inwoners en voor de economie van Bonaire.

Daarom vraagt het Bestuurscollege om twee tijdelijke maatregelen:

1. Verlaag de accijns op benzine van USD 31,86 naar USD 15,00 per hectoliter.

2. Pas de berekening van de ABB aan, zodat deze tijdelijk wordt berekend over de productwaarde en niet ook over de sterk gestegen vrachtkosten.

Volgens het Bestuurscollege is de huidige situatie niet eerlijk. Doordat ook belasting wordt geheven over hogere vrachtkosten, betaalt de bevolking extra belasting terwijl alles al duurder wordt. Het Bestuurscollege vindt dat de overheid niet mag verdienen aan een crisis die inwoners hard raakt.

Bonaire kan deze belastingen niet zelf aanpassen, omdat deze regels in de Belastingwet BES staan. Daarom roept het Bestuurscollege Den Haag op om snel te handelen, bijvoorbeeld via een spoedmaatregel of een beleidsbesluit. Zonder snelle actie zullen armoede en financiële problemen op het eiland verder toenemen.