MONOPOLIO RIBA BERBAT

Kralendijk,- Mi ta trata di skirbi un parti di historia di polítika na Bonaire i no polítika di Bonaire. Di mes bo tin di kuminsá na hasi algun pregunta pa deliñá bo investigashon.

Nos ta reakshoná riba loke nos ta tende i lesa i saka konklushon kere ku ta esei ta esun korekto i no tin espasio pa dialogá i ta djis bisa nos di akuerdo pa no ta di akuerdo ku otro.

Mi ta sigur ku nos sa i ta rekonosé e sistema polítika ku tin na Bonaire. Unu ta konkluí ku ta un sistema korupto òf di patronahe òf diktatorial òf outokrátiko i ta diskriminatorio.

Otro lo bisa ta un sistema di igualdat, ta garantisá un estado di derecho, ta demokrasia, ta e manera pa ehersé poder òf e manera pa manehá nos komunidat òf ta anker di nos libertat.

Tur lo por ta bèrdat i tin ingrediente pa kere ku t’asina ta definí e sistema. Nos no ta puntra mes; kua òf ki ta e kondishon i mekanismonan ku ta duna forma na polítika den komunidat boneriano.

Mi a lesa ku CFT no ta kontentu ku e informashon tokante finansa. Tambe mi a lesa ku tin dos diputado ku ta kontra sierto idea di un otro diputado.

Si ta diputado mes a bisa esaki òf un persona a lèk huntu ku e problema di finansa  e konsekuensia di no tin konfiansa mester ta tuma retiru.

Tambe mi a lesa reakshon di gezaghèber riba akusashon ku den media e lo a tene konsientemente informashon atras tokante e investigashon di konstrukshon tokante famia di un eks diputado. Aunke tin kos a bai robes di akuerdo ku e investigashon gezaghèber ta pidi e medianan konserní pa rekonsiderá nan konklushon.

Prensa ku tin un ròl importante den un demokrasia lo tin di bisa gezaghèber hasi nos e petishon ei dilanti mesa bèrdè unda e doshé kompletu di e investigashon di e konstrukshon ta riba mesa.

FUENTE: ARTHUR SEALY