ATENSHON I RESPETU PA E TRAHADÓNAN DI BONAIRE TA FUNDAMENTAL PA LOGRA METANAN KU TA BENEFISIÁ NOS KOMUNIDAT DEN SU TOTALIDAT.

Kralendijk,- For di 1995, mi ta traha pa fortalecé e sindikatonan i pa garantisá ku kada trahadó ta risibí e respetu, atenshon i protekshon ku nan meresé.

Na e momentu aki, nos ta fokus riba tres punto esensial pa bienestar di komunidat di Bonaire:

1. Terreno pa kada famia.

2. Un supermercado kaminda ta posible pa kumpra produkto na preis preferensial.

3. Un penshon general pa tur trahadó.

Bonaire, 2027 E parti sindical lo tin un ròl hopi importante den tur loke ta koncerní un penshon general. P’esey, for di awor mi ta konsehá tur trahadó pa kuminsá afiliá nan mes ku nan sindicato, pasobra afiliashon sindical ta un instrumento clave pa defendé derechonan laboral i pa garantisá un penshon general hustu den futuro.

Trabadónan stimá di Bonaire, Ora mi a kuminsá na 1995 pa yama atenshon di e partidonan sindical na Bonaire, esaki no tabata ku mal intenshon, sino ku e meta di mehorá e sistema.

Mi a hasi esaki pa ku boso, komo trahadó, por sinti konfiansa den boso sindicato, i pa ku e sindicato por brindá boso e atenshon i e respetu ku boso meresé komo miembronan sindical.

Respetu pa e trahadónan ta di gran importansia pa nos por logra nos metanan. Tin trahadónan riba e isla ku tin posibilidat di un penshon general, pero desafortunadamente, e gran mayoria ainda no ta disfrutando di esei.

Ku respecto na e trahadónan inmigrante, nan tambe por benefisiá di un penshon general, siempre ku nan ta afiliá na un sindicato.

Esaki ta di gran importansia, pasobra hopi trahadó na Bonaire awe dia no tin un penshon kompletamente arreglá.

Nos mester traha pa ku nan ingreso por subi, pa asina garantisá nan un futuro mas sigur, i al mes tempu rekonosé e esfuerzonan ku nan a hasi pa kontribuí na desaroyo di Bonaire.

Un penshon general ta un derecho i un aportashon ku kada trahadó meresé. Nos lo sigui traha huntu pa hasi esaki bira un realidat. Uni pa un futuro mihó Solamente si nos ta afiliá na un sindicato nos por logra esaki.

Sin embargo, nos no por hasi esaki nos mes so; nos mester traha huntu ku e gobièrnu, pasobra sin kolaborashon gubernamental, e metanan aki no por wòrdu realisá.

P’esey, den 2027, Santana ta kla pa traha huntu, uni, pa bienestar i futuro di tur trahadó di Bonaire i nan famianan.

FUNETE:RAFAEL SANTANA