M21 TA INFORMÁ PUEBLO DI BONEIRU TOKANTE E REALIDAT KU TA EKSISTÍ NA VENEZUELA AKTUALMENTE

Kralendijk,- M21 a tuma nota di e karta emití riba 6 di yanüari 2026 ku Minister di Relashonnan Eksterior di Hulanda a emití dia 6 di yanüari 2026 dirigí na Presidente di Tweede Kamer hulandes, tokante e desaroyonan aktual na Venezuela.

Riba e punto akí M21 ta mustra rèspèt pa e opinion ekspresá den e informe akí i ta apresiá e informashon ofisial suministrá. M21 ta indiká ku pa hopi tempu kaba den un forma permanente i sistemátiko nan ta sigui e situashon polítiko, sosial i di siguridat na Venezuela, pa medio di análisisnan di diferente fuente i kontakto direkto ku vários persona na e pais akí.

Den e konteksto akí M21 ta klarifiká enfátikamente ku na e momentu akí nan no ta tuma posishon riba e echonan ku a tuma lugá dia 3 di yanüari último relashoná ku e aresto di Nicolás Maduro. E interes prinsipal di M21 na e momento akí no ta pa hasi huisio polítiko, sino pa logra klaridat, bèrdat i konfirmashon di e echonan ku ta tumando lugá aktualmente.

No tin stabilidat

Repòrtenan resien ku ta bini fo’i siudadanonan ku ta na Caracas i den otro regionnan di Venezuela ta deskribí un situashon ku ta hopi leu for di e stabilidat ku gobièrnu di Merka tabata spera despues di aresto di Maduro. Testimonionan ta señalá presensia aktivo di gruponan sivil armá (“kolektivo”), presuntamente koordiná pa strukturanan polítiko ku tin relashon ku sierto figuranan di e gobièrnu na mando. Tin kaso di aktuashon fuerte di órganonan di siguridat di estado pa loke ta trata tareanan di kontròl, intimidashon i represhon. Segun informashon risibí, e situashon akí lo por kontradesí kompromisonan polítiko ku supuestamente a keda asigná na e vise presidente den su funshon di Presidente Enkargá, entre nan kontròl di e kolektivonan armá i órden públiko di e pais, ku e meta pa fasilitá un transishon demokrátiko organisá i na pas. E presunto inkumplimentu ku e kompromisonan akí lo por krea tenshonnan nobo i, posiblemente, akshonnan adishonal di parti di gobièrnu di Merka.

Konsekuensia pa Boneiru

M21 ta atvertí ku si e situashon na Venezuela sigui meskos òf si e bira pió, esaki por krea posibilidat pa otro atake di parti di Merka. E konsekuensia mas inmediato i mas grave pa Bonaire lo ta un oumento signifikativo di preshon migratorio i humanitario, huntu ku riesgonan direkto pa siguridat i stabilidat ekonómiko di nos isla. Esaki lo por resultá den un fluho iregular di persona via laman, mas tenshon riba servisionan públiko, e por afektá komersio regional i e por tin un impakto negativo riba turismo, ku ta un sektor fundamental pa nos ekonomia lokal. E serkania geográfiko tambe ta oumentá e riesgo di insidente di siguridat na frontera, loke lo obligá outoridatnan lokal pa reforsá medidanan di kontròl i vigilansia.

Informashon verídiko

M21 ta reafirmá ku su intenshon prinsipal ta informá pueblo di Boneiru na un manera kla, oportuno i verídiko tokante e realidat ku tin na Venezuela awor akí. Finalmente, M21 ta reafirmá tambe su kompromiso ku un opservashon responsabel, ophetivo i kontinuo di e akontesimentunan, i lo sigui kompartí informashon basá riba diferente fuente verifikabel i testimonionan direkto, semper ku prioridat pa loke ta bèrdat, protekshon di nos poblashon i rèspèt pa derechonan humano.

FUENTE:M21/LIVE99FM

NEDERLANDS:

M21 INFORMEERT DE INWONERS VAN BONAIRE OVER DE HUIDIGE REALITEIT IN VENEZUELA

Kralendijk,- M21 heeft kennisgenomen van de brief van 6 januari 2026 van de Minister van Buitenlandse Zaken van Nederland, gericht aan de voorzitter van de Tweede Kamer, betreffende de actuele ontwikkelingen in Venezuela.

M21 respecteert de in deze brief geuite mening en waardeert de verstrekte officiële informatie. M21 geeft aan dat zij de politieke, sociale en veiligheidssituatie in Venezuela al lange tijd op permanente en systematische wijze volgt door middel van analyses van diverse bronnen en direct contact met verschillende personen in Venezuela. In deze context wil M21 nadrukkelijk verduidelijken dat zij op dit moment geen standpunt inneemt over de gebeurtenissen van 3 januari jongstleden met betrekking tot de arrestatie van Nicolás Maduro. Het voornaamste doel van M21 is momenteel niet het vellen van politieke oordelen of het uiten van waardeoordelen, maar het verkrijgen van duidelijkheid, waarheid en bevestiging van de feiten die zich momenteel afspelen.

Geen stabiliteit

Recente berichten van burgers die zich in Caracas en andere regio’s van Venezuela bevinden, beschrijven een situatie die totaal niet beantwoord aan de stabiliteit die de  regering van de Verenigde Staten na de arrestatie van Maduro verwachtte. Getuigenissen wijzen op de actieve aanwezigheid van gewapende burgergroepen (“collectieven”), vermoedelijk gecoördineerd door politieke structuren die banden hebben met bepaalde figuren binnen de regering die aan de macht is. Er zijn gevallen bekend van hardhandig optreden van de staatsveiligheidsdiensten in de vorm van toezicht, intimidatie en repressie. Volgens ontvangen informatie zou deze situatie in strijd kunnen zijn met de politieke toezeggingen die de vicepresident in haar functie als waarnemend president zou hebben gekregen, waaronder de controle over de gewapende groepen en de pacificatie van het land, met als doel een georganiseerde en vreedzame democratische transitie te faciliteren. De vermeende schending van deze toezeggingen zou nieuwe spanningen en mogelijk verdere acties van de regering van de Verenigde Staten kunnen veroorzaken.

Gevolgen voor Bonaire

M21 waarschuwt dat als de situatie in Venezuela hetzelfde blijft of verslechtert, dit de mogelijkheid kan scheppen voor een nieuwe aanval van de Verenigde Staten. Het meest directe en ernstige gevolg voor Bonaire zal een aanzienlijke toename van de migratie- en humanitaire druk zijn, samen met directe risico’s voor de veiligheid en economische stabiliteit van ons eiland. Dit kan leiden tot een onregelmatige toestroom van mensen over zee, een grotere druk op de openbare diensten, gevolgen voor de regionale handel en een negatieve impact op het toerisme, een fundamentele sector voor onze lokale economie. De geografische nabijheid vergroot ook het risico op incidenten aan de grens, waardoor versterking van controle- en bewakingsmaatregelen noodzakelijk wordt.

Betrouwbare informatie

M21 bevestigt dat het haar voornaamste doel is om de inwoners van Bonaire op een duidelijke, tijdige en waarheidsgetrouwe manier te informeren over de huidige situatie in Venezuela. Tot slot bevestigt M21 ook haar inzet voor een verantwoordelijke, objectieve en continue observatie van de gebeurtenissen en dat zij informatie zal blijven delen op basis van meerdere verifieerbare bronnen en directe getuigenissen, waarbij de waarheid, de bescherming van onze bevolking en het respect voor de mensenrechten altijd prioriteit hebben.