“E WESU DI LOMBA DI NOS KOMUNIDAT” – KOLEGIO EHEKUTIVO TA DUNA REKONOSEMENTU NA TRAHADÓNAN DI SELIBON

Kralendijk – Kolegio Ehekutivo di Entidat Públiko Boneiru (OLB) e siman akí a ekspresá su apresio profundo pa e personal di SELIBON.

Den un mensahe personal pa e trahadónan, Kolegio Ehekutivo a enfatisá ku e esfuerso di e tim, spesialmente bou di e sirkunstansianan desafiante di e último añanan, ta di balor inestimabel pa e isla. Komo un gesto tangibel di gratitut, a entregá un pakete di fin di aña na tur  trahado.

Segun Kolegio Ehekutivo, e trahadónan den maneho di sushi ta forma e wesu di lomba di komunidat boneriano. Apesar di un situashon di trabou hopi biaha difísil i medionan limitá, e personal di SELIBON a sigi perkurá dia aden dia afó pa higiena i habitabilidat di nos isla. “Sin nan esfuerso inkansabel, e salubridat públiko i e bunitesa natural di Boneiru lo tabata na peliger. Nan trabou ta esensial i meresé nos rèspèt” segun diputado Clark Abraham.

Invershonnan den futuro

Kolegio Ehekutivo ta rekonosé ku den e último periodo a pidi hopi di e forsa i resistensia di e personal. P’esei a skohe un kaminda kla pa hasi SELIBON finansieramente i operashonalmente salú atrobe. Manera a anunsiá anteriormente, OLB a hasi e promé invershonnan nesesario e aña akí. Tambe den e añanan binidero Kolegio Ehekutivo lo sigi invertí den e maneho di e empresa i den material.

E meta di e invershonnan akí ta dòbel: optimalisá e servisio na e siudadano i mehorá e kondishonnan di trabou. “E personal ta sentral den e renovashon akí. Nan mester por hasi nan trabou ku material moderno i den un ambiente sigur ku ta hustifiká nan fishi i abilidat.”

Apresio den echo

Banda di e invershonnan struktural den e empresa, Kolegio Ehekutivo tabata deseá di gradisí e trahadónan tambe na un manera personal pa nan perseveransia durante e aña ku a pasa. Komo muestra di apresio pa nan trabou duru, a entregá un pakete di fin di aña na tur trahadó.

Kolegio Ehekutivo ta konkluí ku un bista yen di speransa riba futuro: “Nos ta sigi konta riba e pashon di e trahadónan di SELIBON. Huntu, ku rèspèt mutuo i e invershonnan nesesario, nos ta traha na un Boneiru mas bunita, mas limpi i mas mihó.”

FUENTE: OLB/LIVE9FM

NEDERLANDS:

“DE RUGGENGRAAT VAN ONZE SAMENLEVING” – BC ZET WERKNEMERS SELIBON IN HET ZONNETJE

Kralendijk – Het Bestuurscollege van het openbaar lichaam Bonaire (OLB) heeft deze week zijn diepe waardering uitgesproken voor het personeel van SELIBON NV.

In een persoonlijke boodschap aan de werknemers benadrukte het Bestuurscollege dat de inzet van het team, juist onder de uitdagende omstandigheden van de afgelopen jaren, van onschatbare waarde is voor het eiland. Als tastbaar gebaar van dank is er dit jaar een speciaal eindejaarspakket aan alle medewerkers uitgereikt.

De medewerkers in het afvalbeheer vormen volgens het Bestuurscollege de ruggengraat van de Bonaireaanse samenleving. Ondanks een vaak moeilijke werksituatie en beperkte middelen, is het personeel van SELIBON dag in dag uit blijven zorgen voor de hygiëne en leefbaarheid van ons eiland. “Zonder hun onvermoeibare inzet zou de volksgezondheid en de natuurlijke schoonheid van Bonaire in het geding komen. Hun werk is essentieel en verdient ons grootste respect,” aldus gedeputeerde Abraham.

Investeringen in de toekomst

Het Bestuurscollege erkent dat er de afgelopen periode veel van de veerkracht van het personeel is gevraagd. Daarom is er een duidelijk traject ingezet om SELIBON weer financieel en operationeel gezond te maken. Zoals eerder aangekondigd, heeft het OLB dit jaar de eerste noodzakelijke investeringen gedaan. Ook in de komende jaren zal het Bestuurscollege blijven investeren in de bedrijfsvoering en het materieel.

Het doel van deze investeringen is tweeledig: het optimaliseren van de dienstverlening aan de burger én het verbeteren van de werkomstandigheden. “Het personeel staat bij deze vernieuwing centraal. Zij moeten hun werk kunnen doen met modern materieel en in een veilige omgeving die recht doet aan hun vakmanschap.”

Waardering in daden

Naast de structurele investeringen in het bedrijf, wilde het Bestuurscollege de medewerkers ook op een persoonlijke manier bedanken voor hun doorzettingsvermogen in het afgelopen jaar. Ter waardering voor hun harde werk is er aan het voltallige personeel een eindejaarspakket uitgereikt.

Het Bestuurscollege sluit af met een hoopvolle blik op de toekomst: “Wij blijven rekenen op uw passie. Samen, met wederzijds respect en de nodige investeringen, bouwen we aan een mooier, schoner en beter Bonaire.”