“BO SONRISA DI MAS BRIANTE PA E PRENSÈS”

Kralendijk – Awor akí ku por ainda, kuarenta alumno di grupo 5 di Skol Amplio Papa Cornes ta trein un par di biaha bou di dak di un plenchi algu despues di entrada di Washington Park.

Nan ta kanta ‘A bira tempu’, e kantika di ‘Festival di Planta Palu’ di STINAPA. Ta djamars 18 di novèmber, e di dos dia di e festival kaminda mucha di skol ta planta palu pa konservashon di naturalesa.

Akí algu mas ku un ora, t’asina leu. E ora ei e alumnonan ta yama prensès Beatrix bon biní ku kanto i baile den e parke. E grupo ta partí na dos. Seis mucha ta baila i kanta apart den un grupo chikitu, sobrá di e alumnonan ta para den rei na kantu ta baila i kanta huntu ku nan. Ora nan stòp un ratu, e muchanan di skol ta kai sinta ‘bou na suela.

Un hende a pone muzik toka. For di e spiker ta zona ‘Bon tardi’ di Kevv, un di e hitnan durante e kentura di Kampionato Mundial na Kòrsou. E klas ta kanta duru i hopi entusiasmá huntu ku e muzik. Un kamarógrafo for di Hulanda no a logra filma e muchanan durante e treinennan. E ta puntra si e muchanan ke kanta e kantika un biaha mas.

Ata nan ta kanta atrobe. E empleado di edukashon Diana Sint Jago di STINAPA ta para dilanti di e muchanan i miéntras e ta kanta i drai rònchi ku su mannan den haltu e ta enkurashá nan. Pará na banda e dosentenan ta duna e último instrukshonnan. ‘Move bo hep bunita riba e muzik.’ For di un distansia un alumno ta opservá kon e muchanan ta baila i kanta. Mas biaha e mucha akí tin molèster di su nanishi ku ta basha sanger i ata nèt awor akí esaki ta e kaso tambe.

Di ripiente tin manera un tenshon den aire. Fotógrafonan i kamarógrafonan ta para kla pa inmortalisá e momentu ku prensès Beatrix ta drenta parke i baha for di bùs. Un di e seis bailadónan ta asina eksitá ku e ta kuminsá bula bai bin. Na dado momentu e ta tapa su kara ku su mannan, komo si fuera ku hasiendo asina e por posponé e presentashon un ratu mas.

E presentashon ta kuminsá ora e prensès bin para dilanti di e plenchi. E prensès ta sagudí kabes den direkshon di e alumnonan pa mustra ku el a gusta e manera ku nan ta baila i kanta, i ku su wowonan e ta buska kontakto ku e grupo di seis. Na final e ta bati man pa nan: ku un man kontra e otro man ku e ta tene su garoti kuné.

E ora ei e presentashon di e muchanan di skol a kaba. E parti ofisial di e programa ta kuminsá ku diskurso di Arno Verhoeven, direktor di Dutch Caribbean National Alliance, siguí pa Melissa van Hoorn, e direktor nobo di STINAPA.

Entretantu e muchanan a forma algun grupo chikitu sintá abou. Pokopoko nan ta papia i hari ku otro. Nan no ta mira masha kos di e programa ofisial. E mucha ku su nanishi tabata basha sanger, tambe ta huntu ku nan, e sangramentu a stòp na tempu i e por a kanta i baila normalmente huntu ku su klas.

Den e último parti di e programa den un ‘golf cart’ e prensès ta bai e sitio kaminda huntu ku e alumnonan Elise i Kiano, miéntras Diana Sint Jago ta tene tur kos bon na bista, e ta planta algun palu endémiko chikí.

Nan por hasi bon uso di e tepnan ku e mesun mainta ei ainda e empleado di edukashon a ripití ku e muchanan. Huntu e alumnonan i e prensès ta kontrolá si e palu chikí ta para règt, òf si el a haña sufisiente awa, òf si no mester saka un piedra grandi for di den un buraku promé ku planta e palu.

Ku nan sapatu e muchanan i e prensès ta hala tera den e buraku ku e palu  aden , tin ora nan ta usa un skòp pa basha tera den e buraku.

Nan ta primi e tera ku nan pia. E intenshon tabata pa planta un palu so, pero nan ta  planta un par mas. Hende lo pensa ku nan tres a yega di traha mas biaha huntu.

Na final Elise i Kiano ta haña un kòmplimènt serka e prensès. ‘Boso ta hopi bon plantadó di palu.’ Elise ta reakshoná ku asina un sonrisa grandi.

Mas tempran e mainta ei durante e treinen, un di e dosentenan a puntra e muchanan di skol pa regalá e prensès nan sonrisa di mas bunita. Serka Elise en todo kaso dos biaha e prensés a haña un sonrisa briante.

FUENTE: STINAPA/LIVE99FM

NEDERLANDS:

“JE MEEST STRALENDE GLIMLACH VOOR DE PRINSES”

Kralendijk – Veertig leerling van groep 5 van Skol Amplio Papa Cornes oefenen nu het nog kan een paar keer bij een overdekt plein iets voorbij de ingang  van Washington Park.

Ze zingen het  ‘A bira tempu/Het is tijd’, het lied van het ‘Festival di Planta Palu’  van STINAPA. Het is dinsdag 18 november, de tweede dag van het festival waarin schoolkinderen bomen planten voor het behoud van de natuur.

Over  ruim een uur is het zover. Dan verwelkomen de leerlingen prinses Beatrix met zang en dans bij het park. De groep is in tweeën gedeeld. Zes kinderen dansen en zingen apart in een groepje, de rest van de leerlingen staat  in rijen aan de kant mee te doen. De schoolkinderen gaan tussen  het oefenen door op de grond zitten.

 Iemand heeft muziek opgezet. Uit de speaker klinkt ‘Bontardi’ van Kevv,  één van de hits tijdens de WK koorts op Curaçao. De klas zingt dit nummer uit volle borst mee. Een cameraman uit Nederland heeft het niet gered om de kinderen tijdens de repetities te filmen. Hij vraagt of de kinderen het lijflied nog één keer willen zingen.

Daar gaan ze weer. Educatiemedewerker Diana Sint Jago van STINAPA staat  vooraan bij de kinderen en moedigt  hen al zingend en rondjes draaiend met de handen in de lucht aan. Vanaf de zijkant geven de leerkrachten de laatste aanwijzingen. ,,Beweeg mooi op de muziek met je heupen.” Een leerling observeert op afstand hoe de klasgenoten het doen. Het kind heeft wel vaker last van een bloedneus en dat is uitgerekend nu ook het geval.

De lucht is ineens geladen. Fotografen en cameramensen staan klaar om het  moment vast te leggen waarop prinses Beatrix het park binnen rijdt en uitstapt.

Een van de zes dansers uit het groepje begint van opwinding heen en weer te springen. Op een gegeven moment bedekt ze haar gezicht met de handen, alsof ze daarmee nog even het optreden kan uitstellen. Het optreden begint wanneer de prinses voor het plein staat.

De prinses knikt goedkeurend naar de dansen en zingende leerlingen, ze zoekt oogcontact met het groepje van zes. Aan het eind klapt ze met de ene hand tegen de andere hand met een loopstok eraan.

Dan zit het optreden van de schoolkinderen erop.

Het officiële deel van het programma begint met speeches van Arno Verhoeven, directeur van Dutch Caribbean National Alliance, gevolgd door Melissa van Hoorn, de nieuwe directeur van STINAPA.  De leerlingen hebben ondertussen op de grond groepjes gevormd en praten en lachen zachtjes met elkaar. Het officiële programma gaat aan hen voorbij.

Het kind dat een bloedneus had, zit er ook bij, het bloeden is op tijd gestopt en de leerling kon gewoon met de klas optreden.    

In het laatste deel van het programma rijdt de prinses in een golfkar naar de plaats waar ze met leerlingen Elise en Kiano onder het toeziend oog van Diana Sint Jago inheemse plantjes planten. De tips die de educatiemedewerker diezelfde ochtend nog voor de leerlingen herhaalde, komen goed van pas. Samen controleren de leerlingen en de prinses of de plant wel goed recht staat, of het wel genoeg water heeft gekregen, of een grote steen in een kuil niet weg moet voor het planten.

 

De leerlingen en de prinses schuiven met hun schoenen aarde in de kuil met de plant, ze gebruiken soms een schop om aarde in de kuil te doen.  Ze stampen de aarde aan met hun voeten. Het was de bedoeling om één plantje te planten, maar ze planten gewoon nog een paar.  Je zou denken dat de leden van het trio vaker samen hebben gewerkt.   

Na afloop krijgen Elise en Kiano een compliment van de prinses. “Jullie zijn hele goede boomplanters.” Elise reageert een al glimlach.

Eerder die ochtend had een van de leerkrachten tijdens de repetitie aan de schoolkinderen gevraagd om bij het optreden de prinses hun mooiste glimlach te schenken.  Van Elise heeft de prinses in ieder geval twee keer een stralende glimlach gehad.