ONDERWIJS INSTITUUT CARIBISCH NEDERLAND (OICN) A KUMINSÁ KU ESTUDIO DI “ALGEMENE MANAGEMENTKENNIS” NA NIVEL DI HBO-AD

Kralendijk,- Onderwijs Instituut Caribisch Nederland (OICN) a bolbe kuminsá ku nan hbo-ad estudio i ku un diploma di Hulanda. Djárason dia 29 di òktober último OICN a kuminsá ku un estudio di “Algemene managementkennis” na nivel di hbo-ad i ku un diploma di IVIO Examenbureau na Hulanda.

E estudio aki tin un durashon di 6 luna, un bes pa siman riba djárason di 7pm pa 9pm. OICN ta super kontentu ku un bes mas a mustra ku OICN ta e instituto di enseñansa priva konfiabel di Boneiru, ku semper ta hasi tur posibel pa nos studiantenan kuminsá nan estudio i ta finalisá esaki ku éksito. OICN a kuminsá ku un grupo di 15 partisipante, 9 ku ta sigui esaki den un lokal aki na Boneiru, 1 na Saba virtual i 5 na Statia virtual.

OICN te bek ku hopi posibilidat pa e pueblo di Boneiru. Den luna di novèmber awor OICN lo kuminsá ku e promé grupo di e training “Basisopleiding Consumptief Krediet”, den koperashon ku NIBE-SVV na Hulanda, esaki ta speshal pa e institutonan finansiero aki nan Boneiru ku a laga nan personal sigui serka nos e training di “Basisopleiding Financiële Dienstverlening (BES), i ku djabièrnè último tur e partisipante nan a risbi nan diploma durante e entrega di diploma ku OICN a organisá. Tambe den luna di novèmber lo kuminsá ku e tayer di “Loodgieter” esaki lo ta 6 dia dos bes pa siman, di 6or pa 8or di anochi, tur partisipante lo risibí un kaha di hèrmèn ku e hèrmèn nan básiko pa nan por kuminsá hasi e trabou di pipefitter. OICN kier gradisí na e pueblo di Boneiru ku ketu bai ta sigui kere den nos, hopi a bini i a bai, pero OICN tei pa keda.

FUENTE: OICN/LIVE99FM