ENTIDAT PÚBLIKO BONEIRU: “EDIFIKÁ HUNTU KU REINO UN AMBIENTE DI BIBA RESILIENTE PA FUTURO”

Kralendijk -Entidat Públiko Boneiru ta yama bon biní na e konseho resien di e Hunta pa Ambiente di Biba i Infrastruktura (Raad voor de leefomgeving en infrastructuur – Rli), ku ta pidi atenshon pa e ambiente di biba físiko na Boneiru, Sint Eustatius i Saba.

Den e konseho ‘Samen naar beter – Huntu pa mihó’ nan ta suprayá ku kolaborashon struktural i invershon dirigí ta nesesario pa inkluí nos islanan na un manera ekivalente den maneho di Reino pa ambiente di biba. Diputado Anjelica Cicilia a risibí e konseho na nòmber di entidat públiko Boneiru.

Kompartí ambishon i responsabilidat

Boneiru ta enfrentá retonan grandi riba tereno di konstrukshon di bibienda, infrastruktura i ordenamentu teritorial.

Tin oportunidatnan evidente pa mehorá kalidat di bida na nos isla na un manera duradero. Pa logra esaki ta esensial ku Reino i e islanan karibense konhuntamente ta formulá ambishonnan klarito i tradusí esakinan den plannan konkreto i sosten struktural.

Solamente asina konhuntamente nos por edifiká un ambiente di biba ku ta realístiko i hustu pa tur habitante di Hulanda.

Mehorashon struktural ta rekerí un aserkamentu konhunto

Ku rason e konseho di e Hunta pa Ambiente di Biba i Infrastruktura ta menshoná ku falta di finansiamentu struktural i insufisiente konekshon a base di maneho na e parti oropeo di Hulanda ta forma un opstákulo. Ehekushon di proyektonan importante ta rekerí sufisiente kapasidat, un repartishon di tarea klarito i enbolbimentu atministrativo di ámbos banda.

Boneiru ta mira den e konseho akí un oportunidat importante pa fortifiká e kolaborashon ku Reino i pa sigui edifiká riba programanan eksistente. Un ampliashon di e Programa Nashonal pa Regionnan Vital (Nationaal Programma Vitale Regio’s) pa Hulanda Karibense lo ta un paso lógiko i balioso.

Enbolbimentu tempran ta esensial

Entidat Públiko Boneiru ta djòin e yamada di e Hunta pa Ambiente di Biba i Infrastruktura pa inkluí Hulanda Karibense for di inisio den trahamentu di maneho. Esaki ta rekerí un sistema di traha struktural, kaminda ta enbolbí e islanan ku areglonan, legislashon i programanan di desaroyo nashonal. Boneiru ta dispuesto pa kontribuí aktivamente na esaki i ta buskando un posishon ekivalente den desaroyo di maneho, den sinkronisashon estrecho ku habitantenan i empresarionan na nos isla.

Huntu na kaminda pa un ambiente di biba di kalidat igual

Entidat Públiko Boneiru ta spera un kolaborashon mas intensivo ku Reino, basá riba konfiansa mutuo, metanan kompartí i planifikashon riba término largu. Entidat Públiko Boneiru ta hasi un yamada riba gabinete hulandes pa no djis tuma nota di e rekomendashonnan di e Hunta pa Ambiente di Biba i Infrastruktura, pero pa realmente tradusí esakinan den maneho i akshon. Ekivalensia no ta un kestion di kopiamentu di maneho, pero di trabou na midí i ‘partnership’. E konseho akí ta ofresé un bon punto di salida pa esaki.

FUENTE: OLB/LIVE99FM

NEDERLANDS:

OPENBAAR LICHAAM BONAIRE: “SAMEN MET HET RIJK BOUWEN AAN EEN TOEKOMSTBESTENDIGE LEEFOMGEVING”

Kralendijk -Het Openbaar Lichaam Bonaire (OLB) verwelkomt het recente advies van de Raad voor de leefomgeving en infrastructuur (Rli), dat aandacht vraagt voor de fysieke leefomgeving op Bonaire, Sint-Eustatius en Saba.

In het advies ‘Samen naar beter’ wordt onderstreept dat structurele samenwerking en gerichte investeringen nodig zijn om de eilanden op gelijkwaardige wijze mee te nemen in het rijksbeleid voor de leefomgeving. Gedeputeerde Anjelica Cicilia nam het advies namens het OLB in ontvangst.

Ambitie en verantwoordelijkheid delen

Bonaire staat voor grote opgaven op het gebied van woningbouw, infrastructuur en ruimtelijke ordening. Er liggen duidelijke kansen om de kwaliteit van leven op het eiland duurzaam te verbeteren.

Daarvoor is het essentieel dat het Rijk en de Caribische eilanden gezamenlijk heldere ambities formuleren en deze vertalen naar concrete plannen en structurele ondersteuning. Alleen dan kunnen we gezamenlijk bouwen aan een leefomgeving die recht doet aan alle inwoners van Nederland.

Structurele verbeteringen vragen om een gezamenlijke aanpak

Het advies van de Rli benoemt terecht dat het ontbreken van structurele financiering en onvoldoende beleidsmatige aansluiting bij het Europees deel van Nederland belemmerend werkt. De uitvoering van belangrijke projecten vraagt om voldoende capaciteit, duidelijke taakverdeling én bestuurlijke betrokkenheid van beide zijden.

Bonaire ziet in dit advies een belangrijke kans om de samenwerking met het Rijk te versterken en voort te bouwen op bestaande programma’s. Een uitbreiding van het Nationaal Programma Vitale Regio’s naar Caribisch Nederland zou een logische en waardevolle stap zijn.

Vroegtijdige betrokkenheid essentieel

Het Openbaar Lichaam Bonaire sluit zich aan bij de oproep van de Rli om Caribisch Nederland vanaf de start mee te nemen in beleidsvorming. Dit vraagt om een structurele werkwijze waarin de eilanden worden betrokken bij landelijke regelingen, wetgeving en ontwikkelprogramma’s. Bonaire is bereid om hierin actief bij te dragen en zoekt naar een gelijkwaardige positie in de beleidsontwikkeling, in nauwe afstemming met bewoners en ondernemers op het eiland.

Samen naar een leefomgeving van gelijke kwaliteit

Het OLB kijkt uit naar een intensievere samenwerking met het Rijk, gebaseerd op wederzijds vertrouwen, gedeelde doelen en langetermijnplanning. Het OLB roept het kabinet op om de aanbevelingen van de Rli niet slechts ter kennisgeving aan te nemen, maar daadwerkelijk te vertalen in beleid en actie. Gelijkwaardigheid is geen kwestie van kopiëren van beleid, maar van maatwerk en partnerschap. Dit advies biedt daarvoor een goed vertrekpunt.