MISHON KOMERSIAL NA FERIA AGROALIMENTARIA 2025

Kralendijk –  For di dia 28 di mei te ku 31 di mei a tuma lugá e feria Agroalimentaira 2025 – e di nuebe edishon – na Santo Domingo.

Dominican Fiesta Hotel & Convention Center tabata e sitio di e evento. E feria akí a keda organisá pa Junta Agroempresarial Dominicanan Inc. i Pro Dominicana. Un feria internashonal di kuminda, bebida i tabaku.

Boneiru a partisipá ku 18 empresario. E evento tabatin mas di 200 kumpradó interna- shonal for di 33 pais.

Tabatin mas ku 2000 reunion di negoshi planiá ku 160 kompania dominikano di eksportashon. Esunnan ku a bishitá e feria por a eksperensiá un diversidat di produkto dominikano manera fruta tropikal (banana, bakoba, mango, piña, awakati), bèrdura di greenhouse òf bèrdura oriental, kòfi, kòkou, sigá, ròm, speserei i kuminda prosesá.

Kompanianan di CARICOM ku ta atendé ku prosesamentu di produkto agríkola i kompanianan agro-industrial tabatin e oportunidat pa ekshibí nan produktonan pa medio di Caribbean Export Development Agency den e stènt spesial yamá “Absolutely Caribbean Pavilion.”

Nos komersiantenan di Boneiru a haña informashon i konekshon riba hopi tereno manera: agrikultura i produktonan agríkola, prosesamentu i mashin di prosesamentu di produkto, material i mashin di empake pa produkto agríkola, mashin pa traha kuné den agrikultura, sertifikashon di prosesashon di produktonan di agrikultura.

Sektor di Konstrukshon

Den e delegashon di Boneiru tambe tabatin algun kompania di konstrukshon. Pa e grupo akí a tene reunionnan separá. E grupo a topa ku kompanianan di Santo Domingo  ku ta sòru pa material di konstrukshon, blòki i blòki pa dekorashon, material pa instalashon, material pa instalashon di èrko i otro tiponan di mashin. Loke ta interesante ta ku sierto di e kompanianan aki ta traha ku standart oropeo, loke ta hasi importashon di nan produktonan i materialnan mas fásil. Aparte di reunion tabatin posibilidat pa bishita sierto kompanianan tambe pa wak e produktonan i materialnan ku nan ta entregá.

Sektor logístiko

Servisionan logístiko tambe ta un parti importante. Empake, yena kònteiner, traslado di kònteiner. Tur esakinan a bin na bùrt. Tabatin kompanianan di “forwarding” i agensia di un kompania di transporte di kònteiner konosí aki na Boneiru ku a duna presentashon.

E parti aki ta hopi importante pa e karga por yega Boneiru.

Tambe e delegashon di Boneiru tabata di bishita na e planta di kòkou CONACADO, kaminda nan a haña un splikashon di e proseso di transformashon di e bonchinan di kòkou den chukulati. Aki nos ke yama danki na Holland House Caribbean ku a organisá e bishita akí.

Un danki ta bai pa Kámara di Komersio Boneiru ku for di un inisio a duna su aporte pa gobièrnu por a prepará e mishon akí. Un danki spesial ta bai pa Ronnie Batista, vise kònsùl di Repúblika Dominicana na Kòrsou enkargá ku e.o. komersio regional, kende a asistí e delegashon di Boneiru i a yuda organisá reunion ku diferente kompania.

FUENTE: OLB/LIVE99FM

NEDERLANDS:

HANDELSMISSIE BIJ DE AGROALIMENTARIA BEURS 2025

Kralendijk – Van 28 tot en met 31 mei vond de Agroalimentaria Beurs 2025 – de negende editie – plaats in het Dominican Fiesta Hotel & Convention Center in Santo Domingo. Deze beurs werd georganiseerd door Junta Agroempresarial Dominicana Inc. en Pro Dominicana. Een internationale beurs van eten, drank en tabak.

Bonaire heeft met 18 ondernemers deelgenomen. Het evenement telde meer dan 200 internationale kopers uit 33 landen. Er waren meer dan 2000 zakelijke bijeenkomsten gepland met 160 Dominicaanse exportbedrijven. Bezoekers konden kennismaken met een diversiteit aan Dominicaanse producten, zoals tropisch fruit (bakbanaan, de gewone banaan, mango, ananas, avocado), kasgroenten, oosterse groenten, koffie, cacao, sigaretten, rum, specerijen en bewerkte voedingsmiddelen.

CARICOM-bedrijven die zich bezighouden met de verwerking van landbouwproducten en andere agro-industriële bedrijven kregen de gelegenheid om hun producten tentoon te stellen via het Caribbean Export Development Agency in de speciale stand genaamd “Absolutely Caribbean Pavilion”.

Onze ondernemers uit Bonaire hebben informatie en connecties opgedaan op vele gebieden, zoals landbouw en landbouwproducten, verwerkingsmachines voor producten, verpakkingsmaterialen en -machines voor landbouwproducten, landbouwmachines en verwerking certificering van landbouwproducten.

Bouwsector

Enkele bouwbedrijven hebben ook deel uitgemaakt van de Bonairiaanse delegatie. Voor deze groep werden aparte bijeenkomsten gehouden. De groep heeft bedrijven uit Santo Domingo ontmoet die bouwmaterialen, betonblokken en sierblokken, installatiemateriaal, materialen voor de installatie van airconditioning en andere machines leveren. Interessant is dat sommige van deze bedrijven volgens Europese normen werken, wat de import van hun producten en materialen vergemakkelijkt. Naast de bijeenkomsten was er ook de mogelijkheid om bepaalde bedrijven te bezoeken om de producten en materialen die zij leveren te bekijken.

Logistieke sector

Logistieke diensten vormden ook een belangrijk onderdeel van de beurs. Verpakkingsmateriaal, het inladen van containers en containervervoer kwamen ook aan bod. Er waren expeditiebedrijven en een bekend Bonairiaans containertransportbedrijf heeft een presentatie gegeven. Ook dit onderdeel is erg belangrijk zodat de lading Bonaire kan bereiken. De Bonairiaanse delegatie bezocht ook de cacaofabriek van CONACADO, waar ze uitleg kregen over het proces van het verwerken van cacaobonen tot chocolade. Graag willen wij Holland House Caribbean bedanken voor het organiseren van dit bezoek voor de groep.

Een woord van dank gaat uit naar de Kamer van Koophandel Bonaire, die vanaf het begin haar bijdrage heeft geleverd, zodat het eilandbestuur deze missie kon voorbereiden.

Een speciale dank gaat ook uit naar Ronnie Batista, vice-consul van de Dominicaanse Republiek in Curacao, die onder andere belast is met de regionale handel. Hij heeft de de delegatie van Bonaire bijgestaan en hen geholpen met het organiseren van bijeenkomsten met verschillende bedrijven.