LOKE A PASA DEN MARDUGÁ DI 8 DI YÜNI A SHÒK KOMUNIDAT I MESORA A SURGI E DISKUSHON RIBA SIGURIDAT DEN KOMUNIDAT SIN TOKA E PUNTO DI RESPONSABILIDAT DI POLÍTIKA.

Kralendijk,- Ku tin tur instrumento pa garantisá siguridat. Ta tira falta sí riba mayornan ku ta neglishá nan responsabilidat den edukashon di nan yunan.

Diputado a duna di konosé ku e gruponan di riesgo ta konosí sin menshoná faktornan ku a kondusí pa stèmpel e gruponan komo gruponan di riesgo i kon instansianan riba tereno di bienestar sosial a atendé ku e gruponan.

Ta un obligashon pa bini un investigashon profundo den e instansianan aki pa sa si nan a i ta funshoná pa duna sosten, ayudo i guia na e gruponan menshoná. 

Awor tin áreanan di riesgo pa siguridat ku no ta nada mas ku un indikashon ku ta barionan problemátiko ku mal uso di alkohòl, uso di supstansianan prohibí, komportashon malu, molèster di zonido i peliger di tráfiko.

Pa tal motibu ta bini ku reglanan represivo. Ta pone lus negativo riba área i abitantenan i kere ku abitantenan lo koperá.

Konseho Insular i kolegio Ehekutivo ta kere ku nan ta e sistema i e sistema ta nan formando nan mes komo grupo di riesgo pa demokrasia na Bonaire.

Na 1966 relashoná ku e guera na Vietnam Boudewijn de Groot a kanta e kantika “Welterusten Mener de President” Un parti di e kantika ta kuadra pa nos mandatario i gruponan sosial. “Boso drumi dushi kaminda esnan ku poder di karga arma ta tene warda pa boso gloria i poder.

No spanta si den boso soño tende bos di esnan ku a pèrdè nan bida puntra ki dia ta bini un fin na e sufrimentu i miseria aki.

No skucha bos di esnan ku ta kontra violensia, inhustisia i ta kere den derecho di hende. Sigui soña di boso viktoria,gloria i poder.  

FUENTE:ARTHUR EWART SEALY/LIVE99FM