KÒMBERSASHON TOKANTE SIGURIDAT DI KUMINDA I KONTINUASHON DI E PLAN DI MANEHO PA NATURALESA I MEDIO AMBIENTE.

Kralendijk – Durante un bishita di trabou resien na Den Haag, diputado Anjelica Cicilia, na nòmber di Entidat Públiko Boneiru a hiba algun kòmbersashon importante tokante progreso di e Plan di Maneho pa Naturalesa i Medio Ambiente (Natuur- en Milieubeleidsplan – NMBP) i tokante siguridat di kuminda.

No opstante e insiguridat polítiko aktual despues di kaida di gabinete hulandes, Reino a mustra su mes dispuesto pa traha huntu riba e temanan krusial akí.

Na Den Haag diputado Cicilia a papia ku entre otro sekretario di estado Jean Rummenie di Ministerio di Agrikultura, Piskamentu, Siguridat di Kuminda i Naturalesa (LVVN), i e direktor general di Naturalesa i Piskamentu, señor Mark Roskam Abbing.

E kòmbersashonnan a enfoká partikularmente riba importansia di un kontinuashon duradero di e metanan stratégiko di e Plan di Maneho pa Naturalesa i Medio Ambiente. Un punta di lansa importante ta mehorashon di maneho i prosesamentu di shushi, ku komo meta final seramentu di e sitio di depositá shushi na Lagun na aña 2030.

E Ministerio di Asuntunan Interno i Relashonnan den Reino (BZK) tin intenshon pa via ‘Nationaal Groeifonds’ pone 24 mion euro disponibel pa e seis islanan karibense.

Ta trahando riba lantamentu di un fondo rotatorio, ku kua empresarionan na e islanan por haña finansiamentu kontra un interes hopi abou.

Esaki tin ku fortifiká ekonomia lokal i kontribuí na desaroyo duradero di e islanan. Segun diputado Cicilia, elaborashon mas aleu di e fondonan ku ta disponibel ta di gran importansia pa yega na un aserkamentu dirigí i efektivo ku realmente ta fomentá produkshon lokal di kuminda. ‘

Ta krusial ku huntu ku Reino nos ta wak kua ta e intrumentonan ku ta funshoná mas mihó pa e sirkunstansianan spesífiko na e islanan, di manera ku nos por traha pa logra mas siguridat di kuminda i ménos dependensia di importashon’, segun Cicilia.

Diputado Cicilia ta enfatisá ku banda di medionan finansiero, ekspertisio i ampliashon di kapasidat tambe ta esensial: ‘Boneiru ta enfrentando desafionan grandi riba tereno di medio ambiente i sostenibilidat.

Solamente den kolaborashon estrecho ku Reino nos por atendé ku e desafionan akí.

E kòmbersashonnan na Den Haag ta mustra ku tin disponibilidat pa traha huntu.’

Den luna di mei Kolegio Ehekutivo a entregá un petishon klarito pa ayudo na Reino.

Hasiendo esaki, un biaha mas Kolegio Ehekutivo a suprayá ku solushonnan duradero pa maneho di shushi ta solamente posibel pa medio di esfuersonan konhunto di vários ministerio.

FUENTE: OLB/LIVE99FM

NEDERLANDS:

GESPREKKEN OVER VOEDSELZEKERHEID EN VERVOLG NATUUR- EN MILIEUBELEIDSPLAN (NMBP)

Kralendijk – Tijdens een recent werkbezoek aan Den Haag heeft gedeputeerde Anjelica Cicilia namens het Openbaar Lichaam Bonaire belangrijke gesprekken gevoerd over de voortgang van het Natuur- en Milieubeleidsplan (NMBP) en over voedselzekerheid.

Ondanks de huidige politieke onzekerheid na de val van het kabinet, toont het Rijk zich bereid om gezamenlijk op te trekken in deze cruciale thema’s.

In Den Haag sprak gedeputeerde Cicilia met onder anderen staatssecretaris Jean Rummenie van het Ministerie van Landbouw, Visserij, Voedselzekerheid en Natuur (LVVN), en de directeur-generaal Natuur en Visserij, de heer Mark Roskam Abbing.

De gesprekken richtten zich met name op het belang van een duurzame voortzetting van de strategische doelen van het NMBP. Een belangrijk speerpunt is de verbetering van afvalbeheer en -verwerking, met als einddoel het sluiten van de stortplaats bij Lagun in 2030

Het Ministerie van Binnenlandse Zaken en Koninkrijksrelaties (BZK) heeft het voornemen om via het Nationaal Groeifonds 24 miljoen euro beschikbaar te stellen voor de zes Caribische eilanden. Er wordt gewerkt aan de oprichting van een revolverend fonds, waarmee ondernemers op de eilanden tegen zeer lage rente financiering kunnen verkrijgen.

Dit moet de lokale economie versterken en bijdragen aan duurzame ontwikkeling. De verdere uitwerking van de beschikbare fondsen is volgens gedeputeerde Cicilia van groot belang om te komen tot een gerichte en effectieve aanpak die lokale voedselproductie daadwerkelijk bevordert.

“Het is cruciaal dat we samen met het Rijk kijken naar welke instrumenten het best werken voor de specifieke omstandigheden op de eilanden, zodat we kunnen toewerken naar meer voedselzekerheid en minder afhankelijkheid van import,” aldus Cicilia.

Gedeputeerde Cicilia benadrukt dat naast financiële middelen ook expertise en capaciteitsuitbreiding essentieel zijn: “Bonaire staat voor grote uitdagingen op het gebied van milieu en duurzaamheid. Alleen in nauwe samenwerking met het Rijk kunnen we deze uitdagingen aan.

De gesprekken in Den Haag tonen aan dat er bereidheid is om de handen ineen te slaan.”

Het Bestuurscollege heeft in mei een duidelijke hulpvraag neergelegd bij het Rijk.

Daarbij is opnieuw onderstreept dat duurzame oplossingen voor afvalbeheer slechts mogelijk zijn door gezamenlijke inspanningen van meerdere ministeries.