KOLEGIO EHEKUTIVO: “AKSHON TA ESENSIAL; DILIGENSIA ATMINISTRATIVO DI REINO TA KRUSIAL”

Kralendijk –  Kolegio Ehekutivo di Entidat Públiko Boneiru a tuma nota di e ekspreshonnan resien durante e konferensia di prensa ku e sekretario di estado di Relashonnan den Reino i Digitalisashon, señor Zsolt Szabó. Kolegio Ehekutivo ta kompletamente di akuerdo ku e yamada pa kita e enfoke for di solamente palabra i poné riba akshon konkreto pa por atendé na un manera efektivo ku e desafionan na Boneiru. Netamente pa e motibu akí Kolegio Ehekutivo ke aksentuá algun punto krusial ku tin influensia direkto riba progreso i forsa di ehekushon di nos isla.

Durante e konferensia di prensa a menshoná vários invershon importante, entre otro un suma di 24 mion euro destiná pa agrikultura i 16 mion euro pa mehorashon di kaminda. Kolegio Ehekutivo ta kompartí e urgensia i deseo pa atendé diligentemente ku e proyektonan akí na interes di pueblo di Boneiru. Sinembargo, te ku awe Entidat Públiko Boneiru no a haña ningun desishon ofisial ainda for di Reino pa e medionan primintí akí. Sin e aprobashon formal akí, pa Entidat Públiko Boneiru ta imposibel pa pone e sumanan akí riba presupuesto, pone nan riba merkado den forma di destaho i realmente hasi uso di nan pa proyektonan aspirá. 

 

LEI DI REINO

Kolegio Ehekutivo ta mustra riba e echo ku e Lei di Finansa di e entidatnan públiko Boneiru, Sint Eustatius i Saba (FinBES), ku ta kai bou di responsabilidat di Ministerio di Asuntunan Interno i Relashonnan den Reino, ta pone kuadronan estrikto. E regulashon akí ta prohibí Entidat Públiko Boneiru pa hasi gastu òf asumí kualke obligashon sin un pòst riba presupuesto destiná pa esaki ku un desishon risibí ta kubri. 

NO TIN AKSHON TA TUMANDO LUGÁ

Un ehèmpel klave di e manera ku prosesonan atministrativo i finansiero di parti di Reino ta influensiá e kapasidat lokal pa tuma akshon den un forma rápido i desisido, ta e kompensashon liber. Ta te den luna di sèptèmber i òktober di aña 2024 Entidat Públiko Boneiru a risibí e kartanan di Ministerio di Asuntunan Interno di mei i yüni 2024 tokante esaki. Esaki tabatin komo konsekuensia ku ta te den e aña presupuestario 2025 por a inkluí e medionan oumentá akí strukturalmente, loke Entidat Públiko Boneiru a hasi debidamente tambe.

Mas preokupantenan ainda ta sinembargo ku pa e aña aktual 2025 akí, te ku awe Entidat Públiko Boneiru no a risibí ningun pago di e kompensashon liber, ku konforme e presupuesto e tin derecho riba dje. Esaki ta pone un preshon konsiderabel riba e posishon di likides i e kapasidat di Entidat Públiko Boneiru pa ehekutá su tareanan i obligashonnan regular. E tipo di retrasonan akí den komunikashon, registrashon í pago formal ta difikultá un planifikashon i ehekushon na tempu seriamente.

Ku duele Kolegio Ehekutivo ta konstatá ku e palabranan i ambishonnan ekspresá for di Reino, no tur ora ta bai kompañá pa e aktonan atministrativo i finansiero ku ta nesesario pa realisá e ambishonnan akí riba nivel lokal. Esaki ta kondusí na retraso i frustrashon, i alabes ta mina e aspirashon pa yega na resultadonan rápido i visibel pa nos siudadanonan.   

PALABRA TIN KU BIRA AKSHON

Pa e motibu akí Kolegio Ehekutivo di Boneiru ta hasi un yamada urgente riba Ministerio di Asuntunan Interno i Relashonnan den Reino pa tuma akshon i hasi loke nan ta bisa. Nos ta di akuerdo ku e nesesidat pa akshon i nos ta kla pa tuma nos responsabilidat. Sinembargo pa por hasi esaki, nos ta dependé di kolaborashon korekto i na tempu di Reino. Konkretamente nos ta pidi pa un pronto emishon di e desishonnan nesesario pa e fondonan pa agrikultura i nos kamindanan, í pago inmediato di e kompensashon liber pa aña 2025 ku ya kaba a keda primintí i presupuestá, di manera ku nos por realisá i kontinuá ku e proyektonan krusial akí i ku nos tareanan regular pa komunidat boneriano.

A bira tempu pa akshonnan konhunto i konkreto i pa ménos palabra, di manera ku huntu nos por traha pa logra un futuro próspero i sostenibel pa Boneiru. 

FUENTE: OLB/LIVE99FM

NEDERLANDS:

BC: “DADEN ESSENTIEEL; ADMINISTRATIEVE VOORTVARENDHEID RIJK CRUCIAAL”

Kralendijk – Het Bestuurscollege van het Openbaar Lichaam Bonaire (OLB) heeft kennisgenomen van de recente uitlatingen tijdens de persconferentie met de staatssecretaris van Koninkrijksrelaties en Digitalisering, de heer Zsolt Szabó. Het College onderschrijft volledig de oproep om de focus te verleggen van woorden naar concrete daden om de uitdagingen op Bonaire effectief aan te pakken. Juist daarom wil het Bestuurscollege enkele cruciale punten benadrukken die de voortgang en de uitvoeringskracht van het eiland direct beïnvloeden.

Tijdens de persconferentie werden belangrijke investeringen genoemd, waaronder een bedrag van 24 miljoen euro bestemd voor landbouw en 16 miljoen euro voor de verbetering van wegen. Het Bestuurscollege deelt de urgentie en de wens om deze projecten met voortvarendheid op te pakken in het belang van de Bonairiaanse bevolking. Echter, tot op heden heeft het Openbaar Lichaam Bonaire voor deze toegezegde middelen nog geen officiële beschikkingen mogen ontvangen van het Rijk. Zonder deze formele toekenningen is het voor het OLB onmogelijk om deze gelden te begroten, aan te besteden en daadwerkelijk in te zetten voor de beoogde projecten.

RIJKSWETTEN

Het Bestuurscollege wijst erop dat de Wet financiën openbare lichamen Bonaire, Sint-Eustatius en Saba (Finbes), die onder de verantwoordelijkheid van het Ministerie van Binnenlandse Zaken en Koninkrijksrelaties valt, strikte kaders stelt. Deze regelgeving verbiedt het Openbaar Lichaam om uitgaven te doen of verplichtingen aan te gaan zonder een daartoe strekkende begrotingspost die gedekt is door een ontvangen beschikking.

DADEN BLIJVEN UIT

Een sprekend voorbeeld van hoe administratieve en financiële processen aan de kant van het Rijk de lokale daadkracht beïnvloeden, betreft de vrije uitkering. De circulaires van het Ministerie van Binnenlandse Zaken van mei en juni 2024 hieromtrent, werden door het Openbaar Lichaam Bonaire pas in september en oktober 2024 ontvangen. Dit had tot gevolg dat deze verhoogde middelen pas vanaf het begrotingsjaar 2025 structureel konden worden opgenomen, hetgeen door het OLB ook daadwerkelijk is gedaan.

Verontrustender is echter dat het Openbaar Lichaam Bonaire voor het lopende jaar 2025 tot op heden nog geen enkele uitbetaling heeft mogen ontvangen van de vrije uitkering waar het volgens de begroting recht op heeft. Dit plaatst een aanzienlijke druk op de liquiditeitspositie en het vermogen van het OLB om zijn reguliere taken en verplichtingen uit te voeren. Dergelijke vertragingen in de formele communicatie, vastlegging én uitbetaling bemoeilijken een tijdige planning en uitvoering ernstig.

Het Bestuurscollege constateert met spijt dat de geuite woorden en ambities vanuit het Rijk niet altijd direct gepaard gaan met de administratieve en financiële handelingen die nodig zijn om deze ambities op lokaal niveau te verwezenlijken. Dit leidt tot vertraging en frustratie, en ondermijnt het streven naar snelle en zichtbare resultaten voor onze burgers.

DAAD BIJ WOORD

Daarom doet het Bestuurscollege van Bonaire een dringend beroep op het Ministerie van Binnenlandse Zaken en Koninkrijksrelaties om de daad bij het woord te voegen. Wij onderschrijven de noodzaak van actie en staan klaar om onze verantwoordelijkheid te nemen. Om dit echter te kunnen doen, zijn wij afhankelijk van de tijdige en correcte medewerking van het Rijk. Wij vragen concreet om de spoedige afgifte van de benodigde beschikkingen voor de fondsen voor landbouw en wegen, én de onmiddellijke uitbetaling van de reeds toegezegde en begrote vrije uitkering voor 2025, zodat wij deze cruciale projecten en onze reguliere taken voor de Bonairiaanse gemeenschap kunnen realiseren en voortzetten. Het is tijd voor gezamenlijke, concrete daden en minder woorden, zodat we samen kunnen werken aan een welvarende en duurzame toekomst voor Bonaire.