ACU BONAIRE TA ANKRA SU MES DEN KOMUNIDAT BONERIANO KU INOUGURASHON DI SU ESTABLESIMENTU NOBO NA KAYA CARACAS #2

Kralendijk,-  Djasabra, 24 di mei 2025, a tuma lugá apertura ofisial festivo di e establesimentu nobo di Algemene Spaar- en Kredietcoöperatie ACU (ACU) situá na Kaya Caracas # 2 Boneiru.

Operashon di e establesimentu nobo akí ta marka un paso importante den desaroyo di ACU i ta suprayá e ambishon pa ta mas profundamente ankrá den e komunidat boneriano.

Durante su diskurso, sr. Eldrid Fos, gerente general di ACU, a enfatisá ku e establesimentu nobo akí no ta djis un simpel ekspanshon físiko, sino tambe un deklarashon di e direkshon stratégiko mas amplio di ACU: “Komo kooperativa, nos no ke ta solamente presente na Boneiru sino tambe realmente forma parti di e komunidat.

E lugá akí ta para pa konekshon, konfiansa i kooperashon. Huntu nos ta mas Fuerte – esei ta nos promesa.” ACU ta konstruí riba pilánan stratégiko: konfiansa, poder komunitario, inovashon i sostenibilidat – komo base pa relashonnan fuerte, embolbimentu lokal, solushonnan inovativo i responsabilidat sosial.

Señora Avery Brodie, Branch Manager di ACU Bonaire, ta guia un tim dinámiko ku ta hasi su máksimo pa duna sosionan sosten di un forma personal i aksesibel. Apertura di e brènch nobo akí ta brinda oportunidat pa sirbi tantu sosionan eksistente komo sosionan nobo aun mas mihó.

Sales & Service Manager di ACU, señora Nathalie van Sprang, a ekspresá su mes orguyosamente: “Ku esaki, nos ta marka un paso firme pa dilanti den nos abilidat di duna servisio, entre otro ku introdukshon di un produkto atraktivo di hipoték pa e merkado boneriano. Banda di esaki, nos ta preparando pa e promé edishon lokal di nos

‘Annual General Meeting & Convention 2025’, ku e tema ‘Mas Fuerte Huntu, e Poder di Kooperashon!” Diputado Nina den Heyer, na nòmber di Kolegio Ehekutivo di Entidat Públiko Boneiru, a felisitá ACU i a konfirmá e intenshon pa forma lasonan mas estrecho di kooperashon ku e kooperativa.

Komo símbolo di kresementu duradero, a hasi un seremonia di planta un palu riba tereno di e lokalidat. Despues a sigui un rekorido pa invitadonan i a sera e evento den forma festivo ku músika.

ACU Bonaire ta invitá komunidat di Boneiru den su totalidat pa forma parti di un kooperativa, kaminda konfiansa, kooperashon i progreso ta pará sentral.

FUENTE: ACU/LIVE99FM

NEDERLANDS:

MET DE OPENING VAN HAAR NIEUWE VESTIGING AAN DE KAYA CARACAS #2 ZET ACU BONAIRE EEN KRACHTIGE STAP RICHTING EEN HECHTERE GEMEENSCHAP, GEDREVEN DOOR VERTROUWEN, INNOVATIE EN DUURZAAMHEID

Kralendijk,- Op zaterdag 24 mei 2025 vond de feestelijke opening plaats van de nieuwe vestiging van de Algemene Spaar- en Kredietcoöperatie ACU (ACU) aan de Kaya Caracas #2 Bonaire.

De ingebruikname van deze vestiging vormt een belangrijke mijlpaal in de ontwikkeling van ACU en onderstreept de ambitie om nog dieper geworteld te zijn in het Bonairiaanse gemeenschapsleven.

Tijdens zijn toespraak benadrukte de heer Eldrid Fos, algemeen directeur van ACU, dat deze nieuwe vestiging niet enkel een fysieke uitbreiding is, maar een uiting van de bredere strategische koers van ACU: “We willen als coöperatie niet alleen aanwezig zijn op Bonaire, maar daadwerkelijk deel uitmaken van de gemeenschap.

Deze plek staat voor verbinding, vertrouwen en samenwerking. Samen zijn we sterker – dat is onze belofte.” ACU bouwt voort op vier strategische pijlers: vertrouwen, gemeenschapskracht, innovatie en duurzaamheid — als basis voor sterke relaties, lokale betrokkenheid, toekomstgerichte oplossingen en maatschappelijke verantwoordelijkheid.

Mevrouw Avery Brodie, vestigingsmanager van ACU Bonaire, leidt een enthousiast team dat zich inzet om leden op persoonlijke en toegankelijke wijze te ondersteunen.

De opening van de nieuwe vestiging biedt ruimte om zowel bestaande als nieuwe leden beter van dienst te zijn. Ook mevrouw Nathalie van Sprang, Sales & Service Manager, sprak haar trots uit:

“We zetten hiermee een stap vooruit in dienstverlening, onder meer door de introductie van een aantrekkelijk hypotheekproduct voor de Bonairiaanse markt. Daarnaast bereiden we de eerste lokale editie voor van onze ACU-conferentie 2025, onder het thema ‘Stronger Together, the Power of Cooperation!’” Gedeputeerde Nina den Heyer, namens het Bestuurscollege van het Openbaar Lichaam Bonaire, feliciteerde ACU en bevestigde de intentie tot intensievere samenwerking met de coöperatie. Als symbool van duurzame groei werd er tijdens de plechtigheid een boom geplant op het terrein van de vestiging.

Aansluitend volgde een rondleiding voor genodigden en een feestelijke afsluiting met live muziek. ACU Bonaire nodigt de gemeenschap van harte uit om deel te zijn van een coöperatie waarin vertrouwen, samenwerking en vooruitgang centraal staan.