MUSEO DI MUCHA BONEIRU TA ORGANISÁ PROMÉ AKTIVIDAT PILOTO DEN KOOPERASHON KU BIBLIOTEKA PÚBLIKO BONEIRU

Kralendijk, -Djasabra 17 di mei último, Museo di Mucha Boneiru orguyosamente a organisá su promé aktividat, den kooperashon ku Biblioteka Públiko Boneiru. E promé aktividat piloto akí ta marka un logro importante den preparashon pa yega na un lokalidat permanente pa e museo di mucha na Boneiru.

E piloto ta konsistí di un seri di tayer kreativo bou di e título “Studio di arte i Biblioteka: un mundu yen di maravia”, bou di guia di e artista hóben Qhyzhanne “Kiki” Martines. E promé dia muchanan di 5 te 6 aña a partisipá na e tayer. E sinku djasabranan ku ta bini ta sigui seshon pa gruponan di edat 7–9 aña i 10–12 aña.

Promé ku e tayer, Barbara Tedder, presidente di Fundashon Museo di Mucha Boneiru, i Ivy Adriaens Lo Tam Soen, sekretario di proyekto, a tene un presentashon kòrtiku. For di su lantamentu na 2023, e fundashon ta traha intensivamente na realisashon di un lugá kaminda muchanan di Boneiru por deskubrí, siña i hunga pa medio di eksperensia aktivo.

Dikon un museo di mucha na Boneiru?

E inisiadónan ta mira e museo komo un komplemento deseabel i nesesario pa e oferta eksistente na aktividat deportivo i kultural pa mucha. Museo di Mucha Boneiru ke ta un lugá aksesibel i inklusivo kaminda tur mucha por desaroyá nan mes. Ademas e museo ta ofresé un eksperensia di konekshon pa mucha i famia, kaminda edukashon i wega ta bai man den man.

Anteriormente Defensor di Mucha tambe a enfatisá e nesesidat pa mas posibilidat di desaroyo pa mucha na islanan BES. Museo di Mucha Boneiru ta spera di duna un aporte duradero na esaki.

Entre presentenan tabatin entre otro algun di e embahadornan di e museo, señornan Nolly Oleana i Rudy Domacassé.

Tambe tabata presente Robert Smaal, sekretario di direktiva, i Astrid Duyff, eskritor di e plan di proyekto. Tesorero Corine van der Hout lamentablemente tabata den eksterior. Tambe a para ketu na kontribushon di gezaghèber señor John Soliano, kende dos aña pasá a yuda formulá e mishon i vishon di e museo.

A terminá e presentashon na manera kreativo: presentenan a haña e oportunidat pa skirbi nan soño, deseo òf vishon pa e museo di mucha riba un blas – un metáfora kolorido pa futuro ku ainda ta kologá den laira, pero ku poko poko ta kuminsá haña forma.

Ku danki na nos partnernan

Museo di Mucha Boneiru ta gradisí ku hopi apresio su partnernan ku a yuda hasi e promé aktividat akí posibel:

• FKPD, pa su sosten balioso pa enbolbí muchanan ku limitashon
• Biblioteka Públiko Boneiru, pa pone espasio disponibel i sosten finansiero
• Children’s Museum Curaçao, pa hasi e seshon di train-de-trainer
• Kooyman Megastore Bonaire, pa suministro di material
• Greg Hooi, pa traha e bunita tipi di palu

Huntu nos ta traha na un lugá kaminda maravia, kreatividat i inklushon ta sentral pa nos muchanan!

FUENTE: RUDY DOMACASSE/LIVE99FM

NEDERLANDS:

KINDERMUSEUM BONAIRE ORGANISEERT EERSTE PILOTACTIVITEIT IN SAMENWERKING MET BIBLIOTEKA PÚBLIKO BONEIRU

Kralendijk,-  Kindermuseum Bonaire heeft op zaterdag 17 mei jl. met trots haar allereerste activiteit georganiseerd, in samenwerking met Biblioteka Públiko Boneiru.

Deze eerste pilotactiviteit markeert een belangrijke mijlpaal in de aanloop naar een vaste locatie voor het kindermuseum op Bonaire.

De pilot bestaat uit een reeks creatieve workshops onder de titel “Kunstatelier en Bibliotheek: een wereld vol verwondering”, begeleid door de jonge kunstenares Qhyzhanne “Kiki” Martines. Op de eerste dag namen kinderen van 5 tot 6 jaar deel aan de workshop. De komende vijf zaterdagen volgen sessies voor de leeftijdsgroepen 7–9 jaar en 10–12 jaar.

Voorafgaand aan de workshop werd een korte presentatie gegeven door Barbara Tedder, voorzitter van Stichting Kindermuseum Bonaire, en Ivy Adriaens Lo Tam Soen, projectsecretaris. Sinds de oprichting in 2023 werkt de stichting intensief aan de realisatie van een plek waar kinderen op Bonaire kunnen ontdekken, leren en spelen door middel van actieve beleving.

Waarom een kindermuseum op Bonaire?

De initiatiefnemers zien het museum als een wenselijke en noodzakelijke aanvulling op het bestaande aanbod aan sportieve en culturele activiteiten voor kinderen. Het Kindermuseum Bonaire wil een toegankelijke en inclusieve plek zijn waar alle kinderen zich kunnen ontwikkelen. Tevens biedt het museum een verbindende ervaring voor kind en familie, waarbij educatie en spel hand in hand gaan.

De noodzaak voor meer ontwikkelingsmogelijkheden voor kinderen op de BES-eilanden werd ook eerder benadrukt door de Kinderombudsman. Het Kindermuseum Bonaire hoopt hier een duurzame bijdrage aan te leveren.

Onder de aanwezigen bevonden zich onder meer een aantal van de ambassadeurs van het kindermuseum, de heren Nolly Oleana en Rudy Domacasse. Ook aanwezig waren Robert Smaal, secretaris van het bestuur, en Astrid Duyff, schrijfster van het projectplan. Penningmeester Corine van der Hout was helaas uitlandig. Er werd ook stilgestaan bij de bijdrage van gezaghebber de heer John Soliano, die twee jaar geleden meehielp bij het opstellen van de missie en visie van het museum.

De presentatie werd op creatieve wijze afgesloten: aanwezigen kregen de gelegenheid hun droom, wens of visie voor het Kindermuseum op een ballon te schrijven – een kleurrijke metafoor voor de toekomst die nog in de lucht hangt, maar langzaam vorm begint te krijgen.

Met dank aan onze partners

Het Kindermuseum Bonaire bedankt met grote waardering haar partners die deze eerste activiteit mede mogelijk hebben gemaakt:

• FKPD, voor hun waardevolle ondersteuning bij het betrekken van kinderen met een beperking
• Biblioteka Públiko Boneiru, voor het beschikbaar stellen van de ruimte én de financiële steun
• Children’s Museum Curaçao, voor het uitvoeren van de train-de-trainer-sessie
• Kooyman Megastore Bonaire, voor het leveren van materialen
• Greg Hooi, voor het vervaardigen van de prachtige houten tipi

Samen bouwen we aan een plek waar voor onze kinderen verwondering, creativiteit en inclusie centraal staan!