KÒRSOU: WARDAKOSTA TA INTERSEPTÁ BOTO KU DROGA, ARMA I MUNISHON.

Willemstad,- Awe marduga Wardakosta a señalá un kontakto sospechoso den serkania di Kòrsou.

Despues di a detektá e boto sospechoso, e Sentro Marítimo Operashonal di Wardakosta a dirigí un unidat di Metal Shark i e helikòpter den direkshon di e boto sospechoso pa opservá esaki.

Una bes ku e helikòpter di Wardakosta a yega na e sitio, e tripulashon di e helikòpter a mira e boto na St. Jorisbaai. E boto sospechoso a ser laga atras den e mondi di mangrove nan di St. Jorisbaai.

E dos personan ku tabata na bordo a huí drenta den e mondi di mangrove lagando e boto patras. Durante kontrol riba e boto Wardakosta i Polis a haña mas ku 770 kilo di droga riba e boto.

A haña tambe 7 arma di kandela i munishon na bordo. E droga, armanan i munishon a ser entregá na Kuerpo Polisial di Kòrsou i e droga entretantu a ser destruí

FUENTE: WARDAKOSTA/LIVE99FM

NEDERLANDS:

KUSTWACHT ONDERSCHEPT BOOT MET DRUGS, WAPENS EN MUNITIE

Willemstad,- De Kustwacht heeft afgelopen nacht een verdacht contact op zee nabij Curaçao gesignaleerd.

Het Maritiem Operatie Centrum van de Kustwacht heeft na detectie van het verdachte contact meteen een Metal Shark patrouilleboot en de kustwachthelikopter richting het verdachte vaartuig gedirigeerd om poolshoogte te nemen.

De bemanning van de helikopter zag, eenmaal op de locatie, een verdacht vaartuig bij St. Jorisbaai. Het vaartuig lag gestrand in het mangrovebos van St. Joris en de twee mannen die aan boord waren, waren op de vlucht geslagen.

De Kustwacht en Politie hebben in het vaartuig meer dan 770 kilo drugs gevonden. Daarbij troffen ze ook 7 vuurwapens en munitie aan boord.

De drugs, wapens en munitie zijn aan het Korps Politie Curaçao overgedragen. De drugs is inmiddels vernietigd.