KOMPETENSIA BONAIRE INTERNATIONAL SPORTS WEEK 2025, STEPHEN SALAS GANADÓ APSOLUTO. 

Kralendijk,- E di tres Bonaire International Sportsweek, patrosiná dòr di Indebon i FWNB a ranka

sali djadumingo dia 13 di april último.

Tirabon ku a kumpli 51 aña di eksistensia dia 30 di mart ultimo, tambe ta parti di e diferente

deporte nan ku lo tin nan kompetensia. Pa ta èksakto un total di 15 deporte lo tin nan

kompetensia den e próksimo dianan.

Djásabra último riba fecha 26 di april 2025 Tirabon a organisá un éksitoso kompetensia di tiru.

En total lo bai tin 2 parkúr, 1 pa wòrdu tirá parti mainta i e otro parti atardi, despues di e

pousa. Na final di e kompetensia lo kue e dos skornan i wak ken ta sali ganadó.

Di akuerdo

ku Tirabon ta e intenshon pa despues organisá mas kompetensia internashonal na Boneiru,

i tambe kompetí pafó di Boneiru kual ya a tuma lugá kaba.

Stephen salas a resultá di tabata e ganadó apsoluto. Na segundo lugá, Ethuriel Nicolaas. Na di terser lugá Peter Silberie.

Partisipantenan tabata Eric Soleana, Peter Silberie, Jadyr da Silva Piloto, Stephen Salas, Flavio Maestroni, Andrew Tweeboom, John Peters, Martien van der Valk, Ethuriel Nicolaas i tambe Svenski Santaris. 

Na final di e kompetensia, e hermandat di deportistanan presente kada unu a hiba palabranan felisitando Stephen ku su logro.

Manera ta kustumber, despues di e kompetensia, a sigui pa e parti, kaminda ku deportistanan tiradó a sosialisá un ku otro. Sin por keda afó tabata tin algu pa pasa boka i e deportistanan tiradó a pasa un ratu ameno ku otro.

Un danki inmenso na tur nos sponsor nan ku a hasi e kompetensia aki posibel.

FUENTE: TIRABON/LIVE99FM