ELESIËR ANGEL DIREKTORA NOBO DI TOURISM CORPORATION BONAIRE.

Kralendijk – Ku orguyo, Bonaire Holding Maatschappij N.V. (BHM) ta anunsiá ku dia 1 di yanüari 2025, Elesiër ‘Ely’ Angel a keda nombrá komo direktora statutario di Tourism Corporation Bonaire (TCB).

Despues di un proseso di solisitut ekstenso, na fin di 2024, BHM a postulá Ely Angel na su akshonista, Entidat Públiko di Boneiru, komo direktora nobo di TCB. E postulashon akí a tuma lugá despues ku e direktor anterior, Miles Mercera, a baha komo tal. Dia 22 di aprel 2025, Entidat Públiko di Boneiru a aprobá Ely su nombramentu ofisialmente. El a ser nombrá pa un periodo di sinku aña komo direktora statutario di TCB. Ku e nombramentu akí, BHM ta reiterá su kompromiso pa ku e importansia di un selekshon kuidadoso i bon maneho.

Trayektoria
Ely Angel a nase i lanta na Boneiru. For di un edat hóben, e tin un laso fuerte tantu ku e isla akí komo ku turismo. El a kuminsá traha den sektor turístiko for di su 12 aña. Despues, el a haña su diploma di master den Tourism Destination Management na universidat di Breda, Hulanda. E estudio akí a dun’é e konosementu i preparashon nesesario pa funshoná den e sektor di turismo internashonal aktual. Ely ta traha na TCB for di 2021. Ei, el a hunga un ròl importante den desaroyo di diferente plan i proyektonan ku a kontribuí na kresementu di turismo na Boneiru. El a kolaborá estrechamente ku e tim pa fortifiká imágen di nos isla. Su nombramentu komo direktora ta garantisá kontinuidat i ta konektá bon ku e trabounan realisá bou di maneho di Miles Mercera.

Adely Susana-Jansen, direktora di BHM, a komentá: ‘Ta un honor di por konfia un talento lokal hóben manera Ely ku maneho di TCB. Mi por a mira kon el a krese den e tim durante e último kuater añanan. E ta un persona dediká ku konosé Boneiru manera su plant’i man, i un inovadó ku ta sinti un kompromiso fuerte ku turismo sostenibel. Mi ta konvensí ku huntu ku e tim di TCB, Ely ta bai alsa nivel di turismo na Boneiru.’ Komo direktora, Ely lo sigui desaroyá Boneiru komo un destinashon turístiko sostenibel i atraktivo, trahando den kolaborashon estrecho ku e komunidat lokal. BHM tin pleno konfiansa ku bou di su maneho, sektor turístiko lo sigui krese na un manera ku ta kuadra bon ku e identidat úniko di Boneiru.

FUENTE: BHM/LIVE99FM

NEDERLANDS:

ELESIËR ANGEL WORDT NIEUWE DIRECTEUR VAN TOURISM CORPORATION BONAIRE

Kralendijk – Bonaire Holding Maatschappij N.V. (BHM) maakt met trots bekend dat Elesiër ‘Ely’ Angel per 1 januari 2025 is benoemd tot statutair directeur van Tourism Corporation Bonaire (TCB).

Na een uitgebreide sollicitatieprocedure heeft BHM eind 2024 Ely Angel voorgedragen aan haar aandeelhouder, het Openbaar Lichaam Bonaire, als nieuwe directeur van TCB. Deze voordracht volgde op het vertrek van voormalig directeur Miles Mercera. Op 22 april 2025 gaf het Openbaar Lichaam Bonaire officieel toestemming voor haar benoeming. Ely is nu voor een periode van vijf jaar aangesteld als statutair directeur van TCB. Met deze benoeming onderstreept BHM het belang van een zorgvuldige selectie en goed bestuur.

Achtergrond

Ely Angel is geboren en getogen op Bonaire en heeft al vanaf jonge leeftijd een sterke band met het eiland én met toerisme. Op haar twaalfde begon ze al in de toeristische sector. Ze behaalde later een master in Tourism Destination Management aan de universiteit in Breda, Nederland. Deze studie gaf haar de juiste kennis en vaardigheden om in de huidige internationale toerismesector te werken. Sinds 2021 is Ely werkzaam bij TCB.

Daar speelde ze een belangrijke rol in de ontwikkeling van plannen en projecten die bijdroegen aan de groei van het toerisme op Bonaire. Ze werkte nauw samen met het team aan het versterken van het imago van het eiland. Haar benoeming als directeur zorgt voor continuïteit en sluit goed aan bij het werk dat onder leiding van Miles Mercera is gedaan.

Adely Susana-Jansen, directeur van BHM, zegt hierover: “Het is een eer om een jong lokaal talent als Ely het vertrouwen te geven om TCB te leiden. Ik heb haar de afgelopen vier jaar zien groeien binnen het team.

Ze is betrokken, kent Bonaire door en door, denkt vernieuwend en zet zich sterk in voor duurzaam toerisme. Ik ben ervan overtuigd dat zij, samen met het team van TCB, het toerisme op Bonaire naar een hoger niveau zal tillen.”

Als directeur zal Ely zich richten op het verder ontwikkelen van Bonaire als duurzame en aantrekkelijke toeristische bestemming, in nauwe samenwerking met de lokale gemeenschap.

BHM heeft er alle vertrouwen in dat onder haar leiding de toeristische sector blijft groeien op een manier die past bij de unieke identiteit van Bonaire.