GEZAGHÈBER DEN KÒMBERSASHON KU REPRESENTANTENAN DI ORGANISASHONNAN DI IGLESIA

Kralendijk –  Relashoná ku e preokupashonnan ku a surgi despues di sierto ekspreshonnan durante e reunion públiko di orashon di fielnan dia 11 di yanüari di e aña akí, gezaghèber di Boneiru tabatin un enkuentro ku organisadónan di e evento.

E enkuentro tabatin komo meta pa promové komprendementu mutuo i pone énfasis riba balor di inklusividat.

Durante e kòmbersashon e organisadónan di e evento a kompartí nan perspektiva i nan a splika loke a pasa. Nan a aksentuá ku nan mensahe ta basá riba amor i rèspèt, i ku nan ke komprometé nan mes pa un aserkamentu kaminda tur grupo den nos komunidat ta sinti nan mes respetá.

Den e kòmbersashon gezaghèber a suprayá importansia di derechonan fundamental den nos komunidat, manera libertat di ekspreshon di opinion i di konvikshon di bida, i importansia di prevenshon di diskriminashon.

E tabatin apresio pa e aktitut yen di komprenshon di e organisadónan i pa e echo ku nan ta konsiente ku tur hende mester ta liber pa profesá nan opinion i fe, pero ku hasiendo esei naturalmente nan tin ku tene kuenta ku tur grupo di poblashon na Boneiru. Aunke ku pa hopi aña kaba nan ta organisá e evento ku un impakto predominantemente positivo, e organisadónan a splika tambe kiko a bai ménos bon e aña akí i pa esei nan a tuma responsabilidat tambe.

Komo tata di pueblo, gustosamente gezaghèber ta bai den kòmbersashon ku tur grupo den nos komunidat pa buska konekshon, no opstante sierto diferensianan di opinion. Pa e motibu akí tambe e ta satisfecho ku a hiba e kòmbersashon konstruktivo akí.

Solamente ku un diálogo habrí i rèspèt mutuo, nos por edifiká un komunidat harmonioso, kaminda kada individuo ta sinti su mes rekonosé i apresiá.  

FUENTE: OLB/LIVE99FM

NEDERLANDS:

GEZAGHEBBER IN GESPREK MET VERTEGENWOORDIGERS VAN KERKELIJKE ORGANISATIES

Kralendijk – Naar aanleiding van de verontrusting die is ontstaan na uitspraken tijdens de openbare gebedsbijeenkomst van gelovigen op 11 januari van dit jaar, heeft de gezaghebber van Bonaire een ontmoeting gehad met de organisatoren van het evenement.

De bijeenkomst had tot doel om wederzijds begrip te bevorderen en om de waarde van inclusiviteit te benadrukken.

Tijdens het gesprek hebben de organisatoren van het evenement hun perspectief gedeeld en toegelicht wat er is gebeurd. Ze benadrukten dat hun boodschap gebaseerd is op liefde en respect, en dat zij zich willen inzetten voor een benadering waarin alle groepen binnen de samenleving zich gerespecteerd voelen.

De gezaghebber heeft in het gesprek het belang onderstreept van fundamentele rechten in onze samenleving, zoals de vrijheid van meningsuiting en van levensovertuiging en het belang van het voorkomen van discriminatie.

Hij waardeerde de begripvolle houding en het bewustzijn bij de organisatoren dat eenieder vrij moet zijn om zijn mening en geloof te belijden maar daarbij natuurlijk rekening moet houden met alle bevolkingsgroepen op Bonaire.

Hoewel het evenement al jarenlang wordt georganiseerd met overwegend positieve impact, hebben de organisatoren ook toegelicht wat dit jaar minder goed is gegaan en hebben daarvoor ook de verantwoordelijkheid genomen. 

Als burgervader gaat de gezaghebber graag in gesprek met allerlei groepen in de samenleving om verbinding te zoeken ondanks verschillen in opvatting.

Daarom is hij ook tevreden met het constructieve gesprek dat is gevoerd. Alleen met een open dialoog en wederzijds respect kunnen wij een inclusieve en harmonieuze gemeenschap bouwen, waarin ieder individu zich erkend en gewaardeerd voelt.