GOBERNASHON DEMOKRAT, M21 I FRAKSHON VROLIJK TA KUMPLI DEBIDAMENTE.

Kralendijk,- Di akuerdo ku konsehal Dani Crestian e gobièrnu nobo konsistí di partido Demokrat, M21 i frakshon Vrolijk ta kumpli debidamente ku e 50 punto nan di gobernashon.

Esaki apesar di e echo ku tin un kantidat di empleado públiko i ku ta kompinchi nan polítiko ta buska tur manera pa opstakulisá i bòikotiá e proyekto nan di gobièrnu.

Pa mi esaki ta kosnan hopi tristu, pasobra ta imposibel ku e ámtenar nan aki a huramentá pa sirbi i traha na bienestar di Boneiru.

Anto e prèt ta ku ta nan mes ta esnan ku ta kana bròkèst ku konseho nan ta wanta i ta gobièrnu su falta!

Kisas tin hopi hende den pueblo no sa pero, un diputado mes no por saka un konseho!!

Ta ámtenar mes ku ta kana reklamá i skonde e petishon nan ta esun ku ta responsabel pa esei.

Ta su trabou!!!!!

Pero komo un gobernashon responsabel i determiná, nos ta sigui traha na bienestar di Boneiru.

Anto na un manera HUSTU i DURADERO!!!!

Wak for di mi no sa kuantu aña kaba e mucha di Rincon mihó konosí komo

Rotònde, ta primintí di traha e kaminda di Broertje Janga.

Aki nos ta papia di hopi aña di promesa.

Ata den un tempu kòrtiku  e gobièrnu di e otro mucha di Rincon SI a bini ku e plan ei i e sèn pa traha e kaminda di Broertje Janga.

Ata e mesun gobièrnu ku segun rotònde no ta hasi nada a kuminsá drecha e kaminda di Rincon ku e mesun mes diputado di  rotònde NO a sikiera mantené ni drech’é pa mas ku 20 aña.

Ata e gobièrnu nobo aki drecha e kaya nan malu den Rincon, ku e mesun eks diputado di rotònde aki NO  por a drecha a keda drechá.

E gobièrnu aki a aliviá e habitante nan di e dam ku tabata trese hopi molèster pa nan.

Tantu promesa falsu,  djis pa laga pueblo kere un kos pa otro ata otro mucha (nan) di Rincon SI ta kumpli, miéntras ku nan ta den gobièrnu!!

Nos a bin pa traha i drecha tur kos nan ku a bai robes den spesialmente e gobièrnu nan ku e eks diputado di rotònde ta den pa mas ku 20 aña.

I apesar e echo ku tur dia e ta yama su kompinchi nan polítiko den entre otro R&O pa bisa kua pèrmit tin mag di sali i kua NO, anto pa e ku su kompinchinan kana bisa ku kos nan ta wantá, tòg proyekto nan HUSTU i DURADERO ta sali pa e Pueblo di Boneiru!

Nos sa tambe ku esaki ta hasi nan hopi pero hopi nèrvioso.

Tambe nos sa ku NAN sa ku tin hopi mas proyekto HUSTU i DURADERO pa sali den tempu binidero aki i ku e gobièrnu aki ta bai hasi e DIFERENSIA.

Nos ta komprondé ku tur e proyekto nan aki ta hasi nan hopi doló, i ku por kousa nan pa pèrdè elekshon aki 1 aña i mei.

Pero miéntras ku e gobièrnu aki ta den gobernashon NO tin kos nan straño ku no por mira lus di dia.

Tampoko no tin trahamentu parotin.

E partido nan ku ta forma e koalishon ta e DIFERENSIA i awor ta traha segun regla i ta traha pa un Boneiru HUSTU i DURADERO.

FUENTE: DANI CRESTIAN/LIVE99FM