SIMAN TRAS DI LOMBA A LAGA PUEBLO SERA KONOSÍ KU IDEANAN KU LO TA NA INTERES DI PUEBLO MANERA, GEZAGHÈBER A INISIÁ PROGRAMA DI BON GOBERNASHON BONAIRE.

Kralendijk,- No tin konfiansa den Grifir, MPB su lider ta drenta Konseho Insular na lugá di señor Junny Wout, lider di UPB ta lansa idea di un imperio nobo, Konseho Insular no ta kontentu ku Grifir

M21 no a logra nada segun su lider, delegashon di Konseho Insular a bai Aruba pa despues sigui pa Hulanda, mesa di klima di Bonaire a kuminsá ku un seri di enkuentro tokante efektonan di kambio di klima pa i na Bonaire.

diputado Abraham a bai Hulanda pa papia tokante Selibon, miembronan di Tweede Kamer a toka e punto di Selibon i ta resultá ku Selibon no por responsabilisá un suma di seis mion i mei. Na mi manera di wak e kosnan ta ku Konseho Insular i diputado Abraham ta laga pueblo na kaya pa motibu ku tin puntonan serio pa atendé manera; kas pagabel, pobresa, subida di preis, Selibon Lagun, lei di tráfiko, solushon pa e tankinan na èrpòrt  Hato (pa evitá tempu di guera ku Black Out) i proyekto di transporte públiko.

Pa traha na bienestar di pueblo ku ta tarea di Konseho Insular i Kolegio Ehekutivo mester pone derrière (pa nifikashon chèk dikshonario franses) na kas i legumai; biahamentu pa firma protokòl, MoU, ple tòf na Hulanda, eliminá e funshonnan di  Representante di Reino i di gezaghèber.

Loke Konseho Insular I diputado Abraham ta hasi tambe ta “Taakverwaarlozing” E gritu pa traha huntu mester kuminsá den Konseho Insular i Kolegio Ehekutivo.  Pa traha ku Hulanda e promé paso ta buska sanashon di e trouma nasé den tempu di sklabitut ku ta keda mira gobièrnu hulandes komo kolonial, ku ta diskriminá i ta apliká rasismo.  

Si M21 no a logra nada ta bon pa apliká e sòm di Eric Williams i Juancho Evertsz ku ta, 6-1 = 0. Pa Bonaire 5-1 tambe ta 0. No por sigui,  “gedoog” Selibon, R&O, tankinan na èrpòrt I Hato i Kolegio Ehekutivo.

FUENTE: ARTHUR SEALY/LIVE99FM