A FINALISÁ INVESTIGASHON RIBA KAIDA FATAL – SOSPECHOSO A KEDA PONÉ DEN LIBERTAT

Kralendijk,- Ministerio Públiko BES a finalisá e investigashon riba un aksidente trágiko riba 12 di febrüari, kaminda un hòmber a fayesé despues di a kai for di su balkon.

Entretantu, a laga e dama ku tabata detené komo sospechoso relashoná ku e insidente aki, den libertat. E insidente a tuma lugá despues di un diskushon entre e hòmber i su pareha.

Komo parti di e investigashon, a realisá un outopsia riba kurpa di e víktima. For di e outopsia aki i investigashon mas aleu, no a haña ningun echo òf sirkunstansia ku ta indiká ku ta trata di un krímen. E resultadonan di e investigashon ta sostené e deklarashon ku e dama a duna.

A base di e resultadonan aki a konkluí ku no tin motibu pa asumí ku a kometé un krímen den e kaso aki. Ministerio Públiko BES pues no ta mira motibu pa sigui ku e persekushon penal.

FUENTE: OM/LIVE99FM

NEDERLANDS:

ONDERZOEK NAAR DODELIJKE VAL AFGEROND – VERDACHTE IN VRIJHEID GESTELD

Kralendijk,- Het Openbaar Ministerie BES heeft het onderzoek afgerond naar een tragisch ongeval op 12 februari, waarbij een man na een val van zijn balkon om het leven kwam.

De vrouw die in verband met dit incident als verdachte was aangehouden, is inmiddels in vrijheid gesteld. Het incident vond plaats na een ruzie tussen de man en zijn partner. Als onderdeel van het onderzoek werd sectie verricht op het lichaam van het slachtoffer.

Uit deze sectie en het verdere onderzoek zijn geen feiten en omstandigheden naar voren gekomen die duiden op een misdrijf. De bevindingen uit het onderzoek ondersteunen daarbij de verklaring zoals deze door de vrouw werd afgelegd.

Op basis van deze bevindingen is geconcludeerd dat er in deze zaak geen reden is om uit te gaan van een misdrijf. Het Openbaar Ministerie BES ziet daarom geen aanleiding voor verder onderzoek en heeft de strafrechtelijke vervolging beëindigd.