AKUERDO DI KOOPERASHON PA SENTRO DI KUIDO RESIDENSIAL NOBO ‘NOS BARIO’ NA BONEIRU

Kralendijk,- Stichting Zorg & Welzijn Groep (ZWG), Ministerio di Salubridat, Bienestar i Deporte (VWS) i Stichting Cocari II (Cocari) a firma un akuerdo di kooperashon pa realisá un sentro di kuido residensial na Boneiru.

Bou di e título provishonal ‘Nos Bario’, ta bai desaroyá un sentro ku kapasidat pa 108 hende grandi basá riba e prinsipio di desaroyo di embehesimentu aktivo, koheshon sosial & privasidat i inklushon di naturalesa i kultura. E inisiativa akí ta marka un paso importante den mehorashon di kuido pa hende grandi na Boneiru.

Boneiru tin un falta di kama di kuido pa hende grandi. Enbehesimentu ta oumentá, miéntras e kapasidat eksistente no ta sufisiente pa kumpli ku e nesesidat kresiente pa kuido. Pa e motibu ei ZWG, komo dunadó di kuido rekonosé pa VWS, i Cocari, komo desaroyadó eksperensiá, ta uni forsa pa realisá un solushon ku preparashon pa futuro.

“E sentro di kuido residensial akí ta hopi nesesario i un promé paso sumamente importante pa mehorá kuido pa hende grandi na Boneiru,” Genara Timp Silberi, direktor di ZWG ta bisa. “Mes momentu esaki ta un reto grandi tambe, spesialmente ora ta trata reklutamentu i entrenamentu di sufisiente personal kualifiká. Huntu ku tur partido enbolbí, nos lo sigui traha riba esaki.”

Herbert Barnard, direktor di programa Zorg en Jeugd Caribisch Nederland na VWS ta di akuerdo: “Ta tremendo ku nos por a hasi un komienso ku e kooperashon akí pa e fasilidat nobo akí ku ta altamente nesesario pa hende grandi na Boneiru”.

Konsepto di bibienda sostenibel i inklusivo
Nos Bario ta bira mas ku un sentro di kuido residensial: e ta bira un ambiente di biba den kua hende grandi por enbehesé kedando aktivo, koheshon sosial i privasidat ta den balansa i naturalesa i kultura ta hunga un ròl na un manera integrá. Esaki ta nifiká ku e diseño i e fasilidatnan ta kuadra ku nesesidatnan di hende grandi, ku atenshon pa espasio komun i privá, elementonan natural den ambiente i un konekshon fuerte ku kultura boneriano.

E arkitekto boneriano Carlo Abdul ta diseñá e sentro di kuido residensial. Ku su konosementu i eksperensia, el a krea un diseño ku ta kuadra perfektamente ku e estilo di bida i kultura di Boneiru. Pa sigurá ku e sentro di kuido residensial ta kumpli optimalmente ku deseonan i nesesidatnan di habitantenan i nan famianan, a organisá seminario i seshon di trabou ku e grupo di enfoke i partnernan. E enkuentronan akí a produsí idea balioso ku ta bai inkluí den e siguiente fase di e proseso di diseño.

Danki na e sosten aktivo di Kolegio Ehekutivo, Nos Bario ta haña un lugá sentral den e plannan pa kuido pa hende grandi i desaroyo espasial na Boneiru.

Siguiente pasonan
Pa konstrukshon, Entidat Públiko Boneiru (EPB) a pone un tereno disponibel ku ta keda entre Kaya Mendelssohn i Kaya Calixo. E tereno akí ta ofresé un sitio sentral pa e sentro di kuido residensial, loke ta hasié fásilmente aksesibel pa habitante, famia i personal di kuido.

Diputado di Espasio & Desaroyo, Anjelica Cicilia, ta enfatisá e ubikashon úniko i e diseño sostenibel di e proyekto: “Nos Bario no ta bira djis un sentro di kuido residensial; e ta bira un ehèmpel kon naturalesa i nos kultural por bai man den man ku fasilidatnan moderno di kuido. E sitio ta ofresé no solamente un ambiente di bida trankil i agradabel, sino tambe un solushon duradero ku ta kuadra ku e vishon di término largu di Boneiru.”

Diputado di Komunidat & Kuido, Nina den Heyer, ta enfatisá urgensia di e proyekto akí: “Frankamente e situashon relashoná ku bibienda pa hende grandi na Boneiru ta preokupante i urgente. Nos ta mira ku e demanda pa bibienda i fasilidat di kuido adekuá ta oumentá rápidamente, miéntras e kapasidat aktual no ta sufisiente. P’esei mi ta kontentu tambe ku huntu ku Ministerio di VWS i nos partnernan ZWG i Cocari, nos por dal e paso importante akí pa ofresé nos hendenan grandi un ambiente di biba digno i adekuá. Ademas e enfoke spesial  di ‘enbehesimentu aktivo’ ta esensial pa kalidat di bida di nos hendenan grandi i ta kontribuí na un komunidat salú i komprometí.”

Tokante e partnernan di kooperashon
* Ministerio di Salubridat, Bienestar i Deporte (VWS) pa loke ta trata maneho i finansa ta responsabel pa kuido di hende grandi na Hulanda Karibense.

VWS ta sostené realisashon di e sentro di kuido residensial komo parti di un maneho mas amplio pa mehorá infrastruktura di kuido na Boneiru.

* Stichting Cocari II (Cocari) ta desaroyadó di e sentro di kuido residensial i tin eksperensia amplio ku proyektonan na Boneiru dirigí riba hende grandi. Pa un tempu kaba, Cocari i ZWG ta traha huntu na Rincon, kaminda ZWG ta dunadó di kuido i Cocari doño di e kompleho di Cocari.

* Zorg & Welzijn Groep (ZWG) ta un dunadó di kuido rekonosé na Boneiru i ta responsabel pa eksplotashon di e sentro di kuido residensial. Pa basta aña kaba, e organisashon ta duna servisio di kuido i bienestar na hende grandi na Boneiru i ta hunga un ròl klave den desaroyo di kuido pa hende grandi ku preparashon pa futuro.

FUENTE: ZWG/LIVE99FM

NEDERLANDS:

SAMENWERKINGSOVEREENKOMST GETEKEND VOOR NIEUW WOONZORGCENTRUM ‘NOS BARIO’ OP BONAIRE.

Kralendijk,- Stichting Zorg & Welzijn Groep (ZWG), het Ministerie van Volksgezondheid, Welzijn en Sport (VWS) en Stichting Cocari II (Cocari) hebben een samenwerkingsovereenkomst ondertekend voor de realisatie van een nieuw woonzorgcentrum op Bonaire.

Onder de werktitel ‘Nos Bario’ wordt een centrum ontwikkeld dat plaats biedt aan 108 ouderen en is gebaseerd op de ontwikkelprincipes actief oud worden, sociale cohesie & privacy en natuur en cultuur inclusief. Dit initiatief markeert een belangrijke stap in het verbeteren van de ouderenzorg op het eiland.

Bonaire kampt met een tekort aan verpleegbedden voor ouderen. De vergrijzing neemt toe, terwijl de bestaande capaciteit onvoldoende is om in de groeiende zorgbehoefte te voorzien. Daarom slaan ZWG, als door VWS erkende zorgaanbieder, en Cocari, als ervaren ontwikkelaar, de handen ineen om een toekomstbestendige oplossing te realiseren.

“Dit woonzorgcentrum is hard nodig en een ontzettend belangrijke eerste stap om de ouderenzorg op Bonaire te versterken,” zegt Genara Timp Silberi, directeur van ZWG. “Tegelijkertijd is het ook een flinke uitdaging, vooral als het gaat om de werving en opleiding van voldoende gekwalificeerd personeel. Samen met alle betrokken partijen zullen we ons hiervoor blijven inzetten.”

Herbert Barnard, programmadirecteur Zorg en Jeugd Caribisch Nederland bij VWS sluit daar bij aan: “Het is mooi dat we met deze samenwerking een start hebben kunnen maken voor deze nieuwe voorziening die hoog nodig is voor ouderen op Bonaire”.

Duurzaam en inclusief woonconcept

Nos Bario wordt meer dan een woonzorgcentrum: het wordt een leefomgeving waarin ouderen actief oud kunnen worden, sociale cohesie en privacy in balans zijn en natuur en cultuur een geïntegreerde rol spelen. Dit betekent dat het ontwerp en de voorzieningen zijn afgestemd op de behoeften van ouderen, met aandacht voor gezamenlijke en private leefruimtes, natuurlijke elementen in de omgeving en een sterke verbinding met de Bonairiaanse cultuur.

Het woonzorgcentrum wordt ontworpen door de Bonairiaanse architect Carlo Abdul, die met zijn kennis en ervaring een ontwerp heeft gecreëerd dat naadloos aansluit op de leefstijl en cultuur van Bonaire. Om ervoor te zorgen dat het woonzorgcentrum optimaal tegemoetkomt aan de wensen en behoeften van de bewoners en hun families, zijn er seminars en werksessies georganiseerd met de doelgroep en stakeholders. Deze bijeenkomsten hebben waardevolle inzichten opgeleverd die worden meegenomen in het verdere ontwerpproces.

Dankzij de actieve steun van het bestuurscollege krijgt Nos Bario een centrale plek binnen de plannen voor ouderenzorg en ruimtelijke ontwikkeling op Bonaire.

Vervolgstappen

Het Openbaar Lichaam Bonaire (OLB) heeft voor de bouw een terrein beschikbaar gesteld, gelegen tussen Kaya Mendelssohn en Kaya Calixo. Dit terrein biedt een centrale locatie voor het woonzorgcentrum, waardoor het goed bereikbaar is voor bewoners, familie en zorgpersoneel.

Gedeputeerde Ruimte & Ontwikkeling, Anjelica Cicilia, benadrukt de unieke ligging en het duurzame ontwerp van het project: “Nos Bario wordt niet zomaar een woonzorgcentrum; het wordt een voorbeeld van hoe natuur en onze cultuur hand in hand kunnen gaan met moderne zorgvoorzieningen. De ligging biedt niet alleen een rustige en prettige leefomgeving, maar ook een duurzame oplossing die aansluit bij de lange termijnvisie van Bonaire.”

Gedeputeerde Samenleving & Zorg, Nina den Heyer, benadrukt de urgentie van dit project: “De situatie rondom ouderenhuisvesting op Bonaire is ronduit zorgelijk en urgent. We zien dat de vraag naar geschikte woon- en zorgvoorzieningen snel toeneemt, terwijl de bestaande capaciteit onvoldoende is. Ik ben dan ook verheugd dat we nu samen met het Ministerie van VWS en onze partners ZWG en Cocari deze belangrijke stap kunnen zetten om onze ouderen een waardige en passende woonomgeving te bieden. Daarnaast is de bijzondere aanpak van ‘actief oud worden’ essentieel voor de kwaliteit van leven van onze ouderen en draagt deze bij aan een gezonde en betrokken gemeenschap.”

Over de samenwerkingspartners

Het Ministerie van Volksgezondheid, Welzijn en Sport (VWS) is beleidsmatig en financieel verantwoordelijk voor de ouderenzorg in Caribisch Nederland. VWS ondersteunt de realisatie van het woonzorgcentrum als onderdeel van het bredere beleid om de zorginfrastructuur op Bonaire te verbeteren.

Stichting Cocari II (Cocari) is de ontwikkelaar van het woonzorgcentrum en heeft ruime ervaring met projecten op Bonaire gericht op ouderen. Cocari en ZWG werken al langer samen in Rincon, waar ZWG als zorgaanbieder en Cocari als verhuurder van het Cocari-complex betrokken zijn.

Zorg & Welzijn Groep (ZWG) is een erkende zorgaanbieder op Bonaire en verantwoordelijk voor de exploitatie van het woonzorgcentrum. De organisatie biedt al jaren zorg- en welzijnsdiensten aan ouderen op het eiland en speelt een sleutelrol in de ontwikkeling van toekomstbestendige ouderenzorg.