Kralendijk,- Riba djárason 29 di yanüari klientenan di FKPD (Fundashon Kuido pa Personanan Desabilitá) a eksperensiá un dia spesial na Isidel Beach Park na Boneiru.
Nan a hasi uso di e rampa ku resientemente a keda konstruí pa hende ku limitashon físiko, ku ta hasi posibel pa nan tin akseso fásil na laman. E rampa, ku ta dediká na sr. Edmundo (Eddy) Christiaan, for di luna di desèmber aña pasá ta forma parti di e parke i ta disponibel pa tur hende i e ta hasi posibel pa tur habitante di Boneiru gosa di laman, no opstante kualke limitashon físiko.
A yama e bishitantenan bon biní ku algu di bebe i nan por a hasi uso henter dia di e fasilidatnan di Isidel Beach Park. Nan a sera konosí ku señor Christiaan ku for di aña 1974 te aña 2000 a duna lès di landamentu na e sitio akí.
Entretantu e ruina di e waf kaminda e tabata duna lès a transformá den un di e sitionan di mas bunita di Boneiru pa snòrkel i sambuyá. Awor akí e parke ta brinda un ambiente trankil i aksesibel pa tantu habitantenan lokal komo turistanan.
Edilse Goeloe, direktor di FKPD, ta kontentu ku e desaroyo akí: “E fasilidat nobo akí ta un mehorashon importante pa aksesibilidat na Boneiru i e ta ofresé un oportunidat pa tur hende por disfrutá di e bunita laman i bich. Ta tremendo pa mira ku kada biaha nos komunidat ta haña mas posibilidat pa partisipá na aktividatnan rekreativo, no opstante nan limitashon físiko.”
Engrandesé inklusividat na Boneiru
E prome rampa nobo aki ta un paso importante den engrandesimentu di inklusividat na Boneiru i e ta brinda un manera seif i fásil pa hende ku limitashon di mobilidat gosa di Isidel Beach Park i di nos naturalesa.
Adely Susana-Jansen, direktor di BOG i alabes di Isidel Beach Park, ta orguyoso ku ampliashon di su fasilidatnan i e ta spera ku e inisiativa akí ta inspirá otronan pa sigui promové inklusividat na nos isla.
“E rampa pa aksesibilidat for di awor ta un parti permanente di e parke, i tur hende ta kordialmente bon biní pa hasi uso di esaki!”
Den e ‘gym’ na aire liber tin aparato pa hasi ehersisio tambe pa hende ku ta den ròlstul i den e parti di hunga riba petishon a pone un skòmel pa hende ku limitashon.
Mas informashon i reservashon
Pa mas informashon tokante Isidel Beach Park i e medidanan di aksesibilidat, i tambe tokante reservashon di e ròlstul pa den laman i e skòmel pa hende ku limitashon, bo por tuma kontakto ku e manehadónan di Isidel Beach Park via email: parkmanager@isidelbeachpark.com òf via telefòn/whatsapp +599 777 4262.
FUENTE: JERICETTE MONIZ MEDIA/LIVE99FM





NEDERLANDS:
FKPD MAAKT GEBRUIK VAN TOEGANKELIJKHEIDSHELLING BIJ ISIDEL BEACH PARK
Kralendijk,- Op woensdag 29 januari hebben cliënten van de stichting FKPD (Fundashon Kuido pa Personanan Desabilitá) een bijzondere dag beleefd bij Isidel Beach Park op Bonaire.
Ze maakten gebruik van de recent aangelegde helling voor mensen met lichamelijke beperkingen, die hen in staat stelde gemakkelijk toegang te krijgen tot de zee. Deze helling, die opgedragen is aan dhr. Edmundo ‘Eddy’) Christiaan, is sinds december vorig jaar permanent beschikbaar voor iedereen en maakt het mogelijk voor de gehele bevolking van Bonaire om te genieten van de zee, ongeacht fysieke beperkingen.
De bezoekers werden verwelkomd met een drankje en konden de hele dag gebruik maken van de faciliteiten van Isidel Beach Park. Ook maakten ze kennis met de heer Christiaan die op deze plek van 1974 tot en met 2000 zwemles gaf.
De ruïnes van de pier waar hij dit deed, zijn inmiddels getransformeerd tot één van de mooiste snorkel- en duikspots van Bonaire. Het park biedt nu een rustige en toegankelijke omgeving voor zowel lokale bewoners als toeristen.
Edilse Goeloe, directeur bij FKPD, is blij met deze ontwikkeling: “Deze nieuwe voorziening is een belangrijke verbetering voor de toegankelijkheid op Bonaire en biedt de mogelijkheid voor iedereen om van de prachtige zee en het strand te genieten. Het is geweldig om te zien dat de gemeenschap steeds meer mogelijkheden krijgt om deel te nemen aan recreatieve activiteiten, ongeacht hun fysieke beperkingen.”
Vergroten van de inclusiviteit op Bonaire
Deze eerste nieuwe helling is een belangrijke stap in het vergroten van de inclusiviteit op Bonaire en biedt een veilige en gemakkelijke manier voor mensen met mobiliteitsbeperkingen om van Isidel Beach Park en de natuur te genieten.
Adely Susana-Jansen, directeur bij BOG en tevens Isidel Beach Park, is trots op de uitbreiding van haar faciliteiten en hoopt dat dit initiatief anderen inspireert om inclusiviteit verder te bevorderen op het eiland.
“De toegankelijkheidshelling is vanaf nu een permanent onderdeel van het park, en iedereen is van harte welkom om er gebruik van te maken!” In de buiten gym is er ook oefenapparatuur voor rolstoelgebruikers en in het speelgedeelte is op verzoek een schommelstoel voor mindervaliden aangelegd.
Meer informatie en reserveringen
Voor meer informatie over Isidel Beach Park, de toegankelijkheidsmaatregelen alsook het reserveren van de waterrolstoel en mindervalide-schommel kunt u contact opnemen met de beheerders van Isidel Beach Park via email: parkmanager@isidelbeachpark.com of telefoon/whatsapp +599 777 4262.

GIPHY App Key not set. Please check settings