Redakshon
Kralendijk,- Na e okashon presidente di Wolf-Pack Anthony Ignacio a dirigí palabra: “ Nos ta riba un dia bunita awe, presentá unifòrm nobo i mester gradisí Fundashon Wega di Number Boneiru (FWNB).
Semper nan tei pa yuda ku kualke deporte. Sinku aña pasà nos a kuminsá ku e práktikanan di weganan di beisbòl Bonaire Wolf-pack Fondation. E aña aki ta motibu pa selebrá. Ta bon pa bo ta bon uniformá pa momentu bo ta presentá riba tereno.”
Anne Marie di Fundashon Wega di Number Boneiru tambe tabata presente i a bisa: “Pa FWNB ta un plaser i nos ta hopi kontentu pa duna nos kontribushon na e muchanan ku unifòrm pa e aña aki. Sigur ta un bunita unifòrm. Semper nos tei pa yuda e muchanan ku loke nan mester sea ta beisbòl òf futbòl, nan por konta ku nos.”
E unifòrmnan ta koló poko mas skur e aña aki, ku e logo di e Wolf-Pack. E unifòrm kolo mas kla ta shusha rápido. P’esei a skohe un kolo poko mas skur pa awor. Despues a presentá e uniformá i Anne marie a basha zjampaña riba nan na Parke Lalan Baldomero Leandro Clarinda.
FUENTE: FITTIPALDI PIETERSZ/LIVE99FM
GIPHY App Key not set. Please check settings