Kralendijk,- Fundashon ‘Union di Imigrantenan Boneriano’ (FUIB) ta partisipá ku tur djasabra for di 4’or te 6’or di atardi lo tin un konsultorio hurídiko pa migrante- y refugiadonan na Boneiru.
E konsultorio aki ta wòrdu organisá na ofisina di abog. Bijkerk na Antriol. Abogado Bijkerk huntu ku un miembro di direktiva di FUIB lo ta presente pa konsehá tur migrante- of refugiado ku mester di informashon of konseho hurídiko.
No ta hasi diferensia si e migrante of refugiado ta legal of ilegal na Boneiru.
Tur migrante of refugiado tin derecho pa hasi pregunta pa haña sa kiko su derechonan ta. Y kiko por hasi pa normalisá su situashon a base di lei.
Por ehèmpel, hopi refugiadonan no sa ku por pidi asilo polítiko na Boneiru konforme lei. No semper e refugiado lo haña chèns pa keda legalmente na Boneiru.
Pero tin biaha sí. Ta dependé di su situashon. Tambe nos por menshoná e situashon di imigrantenan ilegal femenino ku a bai den prostitushon pa sobreviví. Tin biaha ta posibel pa yuda nan sali for di nan situashon y haña un pèrmit di estadia. Ta dependé di sirkunstansianan. Por yama 796 2650 (abog. Bijkerk) of 787 2373 (FUIB).
FUENTE: FUIB/LIVE99FM

GIPHY App Key not set. Please check settings