in

FONDO PA PROYEKTO PERIODÍSTIKO SPESIAL TA PRESENTÁ POSIBILIDATNAN PA SUPSIDIO NA BONEIRU

Kralendijk – For di 5 te ku 8 di febrüari e Fondo pa Proyekto Periodístiko Spesial (Fonds Bijzondere Journalistieke Projecten – Fonds BJP) ta hasi un bishita di trabou na nos isla, ku komo meta pa sera konosí ku periodistanan i kreadónan den área karibense.

Durante e biahe di trabou akí Joëlle Terburg, direktor di e Fondo pa Proyekto Periodístiko Spesial, i Wensley Francisco, kreadó di programa i dokumental, ta spera di haña sa mas tokante nesesidatnan spesífiko di periodismo lokal, i pa trese e posibilidatnan ku e Fondo ta ofresé bou di atenshon di periodistanan i profeshonalnan di medionan di komunikashon lokal.

E Fondo pa Proyekto Periodístiko Spesial ta un fondo di supsidio ku ta sostené periodistanan i kreadónan ku supsidio di proyekto pa produkshonnan periodístiko mas grandi, manera dokumental, reportahe (wèp), podcast i obranan skirbí.

Banda di esaki e fondo ta hunga un ròl importante den desaroyo di talento di periodista, pa medio di lugá pa eksperensia di trabou i beka pa kurso i kapasitashon. Te ku awor e aktividatnan di e fondo tabata enfoká prinsipalmente riba Hulanda Oropeo, pero e kantidat di petishon for di e área karibense ku ta keda tras i e deseo pa sinkronisá e areglo mas mihó ku e nesesidatnan di periodistanan for di e área ei, a kondusí na e plannan pa e biahe di trabou akí.

Joëlle Terburg ta duna splikashon tokante e biahe: ‘Nos ta mira ku tin hopi kalidat i talento na e islanan akí, pero nos ta mira tambe ku tin desafionan spesífiko ku kisas nos por sostené mas mihó ku nos fondo. A bira tempu pa nos hala mas aserka i drenta den kòmbersashon ku e periodistanan i kreadónan pa tende kiko realmente nan tin nesesidat di dje.’

E Fondo pa Proyekto Periodístiko Spesial ta brinda diferente forma di sosten, for di supsidio di proyekto te beka pa desaroyo periodístiko. Banda di e formanan di sosten akí tin tambe e Programa di Formashon i Trabou (traineeship) pa Periodismo di Investigashon i e Beka pa Desaroyo Periodístiko pa periodistanan (freelance) ku ke sigui desaroyá nan mes mas aleu.

Tambe e fondo ta organisá enkuentro pa promové interkambio i kolaborashon entre periodistanan i e ta brinda oportunidat pa eksperimentá ku formanan nobo di narativo i di publikashon.

Tokante e Fondo pa Proyekto Periodístiko Spesial
E Fondo pa Proyekto Periodístiko Spesial a ser lantá na aña 1990 i e ta duna sosten na periodistanan. E finansiamentu ta bini for di e Presupuesto di Kultura i Medionan di Komunikashon di e Ministerio di Enseñansa, Kultura i Siensia i tin komo meta pa sostené produkshon di proyektonan periodístiko independiente i pa stimulá desaroyo di periodistanan.

Durante e biahe di trabou e fondo no ta keda presentá solamente komo fuente di finansiamentu, pero e Fondo pa Proyekto Periodístiko Spesial ta spera di por kontribuí tambe na periodismo lokal. Pa mas informashon i e areglonan disponibel, por akudí riba www.fondsbjp.nl. Aktualmente e wèpsait ta disponibel solamente na hulandes.

Pa mas informashon tokante e bishita di trabou na Boneiru, pa traha un sita personal òf pa partisipá na e enkuentro/tayer informativo, tuma kontakto ku e kordinadó di e bishita di trabou, Jericette Moniz, via info@jericette.com i/òf telefòn +599 787 3183.

FUENTE: FONDSBJP/LIVE99FM

NEDERLANDS:

FONDS BIJZONDERE JOURNALISTIEKE PROJECTEN PRESENTEERT SUBSIDIEMOGELIJKHEDEN OP BONAIRE

Kralendijk – Van 5 tot en met 8 februari 2025 brengt het Fonds Bijzondere Journalistieke Projecten (Fonds BJP) een werkbezoek aan ons eiland, met als doel kennis te maken met journalisten en makers in het Caribisch gebied.

Tijdens deze werkreis hopen Joëlle Terburg, directeur-bestuurder van het Fonds BJP, en Wensly Francisco, programma- en documentairemaker, meer te leren over specifieke behoeften van de lokale journalistiek, en de mogelijkheden die het Fonds biedt onder de aandacht te brengen bij lokale journalisten en mediaprofessionals.

Fonds BJP is een subsidiefonds uit Nederland dat journalisten en makers ondersteunt met projectsubsidies voor grotere journalistieke producties, zoals documentaires, (web)reportages, podcasts en geschreven werken.

Daarnaast speelt het een belangrijke rol in de talentontwikkeling van journalisten, door middel van werkervaringsplaatsen en beurzen voor cursussen en trainingen. Tot nu toe waren de activiteiten van het Fonds vooral gericht op Europees Nederland, maar het achterblijvende aantal aanvragen uit het Caribisch gebied en de wens om de regeling beter af te stemmen op de behoeften van journalisten daar, heeft geleid tot het plannen van deze werkreis.

Joëlle Terburg licht de reis toe: “We zien dat er veel kwaliteit en talent is op de eilanden, maar ook dat er specifieke uitdagingen zijn die we met ons fonds misschien beter kunnen ondersteunen. Het is tijd dat we dichterbij gaan staan en in gesprek gaan met journalisten en makers om te horen waar zij écht behoefte aan hebben.” Het Fonds BJP biedt verschillende vormen van ondersteuning, van projectsubsidies tot beurzen voor journalistieke ontwikkeling.

Naast deze vormen van ondersteuning zijn er ook de Traineeship Onderzoeksjournalistiek en de Beurs Journalistieke Ontwikkeling voor (freelance) journalisten die zich verder willen ontwikkelen. Ook organiseert het Fonds bijeenkomsten om uitwisseling en samenwerking tussen journalisten te bevorderen en biedt het kansen om te experimenteren met nieuwe vertel- en publicatievormen.

Over het Fonds Bijzondere Journalistieke Projecten
Fonds Bijzondere Journalistieke Projecten is opgericht in 1990 en ondersteunt journalisten. De financiering komt uit de Cultuur- en Mediabegroting van het Ministerie van OCW en heeft als doel de productie van onafhankelijke journalistieke projecten te steunen en de ontwikkeling van journalisten te stimuleren.

Tijdens de werkreis wordt het Fonds niet alleen gepresenteerd als financieringsbron, Fonds BJP hoopt ook bij te dragen aan de lokale journalistiek. Voor meer informatie en de beschikbare regelingen, kan men terecht op www.fondsbjp.nl.

De website is momenteel alleen beschikbaar in het Nederlands. Voor meer informatie over het werkbezoek op Bonaire, het maken van een persoonlijke afspraak of het bijwonen van de informatieve bijeenkomst/workshop, neem dan contact op met de coördinator van het werkbezoek, Jericette Moniz, via info@jericette.com en/of telefoon +5997873183.

What do you think?

Written by Redakshon

Leave a Reply

Your email address will not be published. Required fields are marked *

GIPHY App Key not set. Please check settings

‘BLUEBERRY’ DI ALBERT HEIJN POSIBLEMENTE KONTAMINÁ KU HEPATÍTIS A.

MINISTER DI HUSTISIA I SIGURIDAT A BISHITÁ BKCN NA BONEIRU.