ADRIÁN FERNANDEZ OJEDA I MINELLY WU GANADORNAN DI TORNEO ‘LOVERS ICE CREAM’.

Kralendijk,- Djasabra ultimo BJSC, klup hubenil di ahedres di Boneiru a organisá un toreno komershal patronisá pa Lovers Ice Cream. 17 hungadó a partisipá.

E meta ta pa popularisá e wega di ahedres i drenta den e barionan. E wega di ahedres ta un wega tremendo pa dibèrti i ku ta yuda e hungadó pa pensa, planea i tuma desishon lokual ta nesesario den biba real. Hungando ahedres por influensia resultadonan na skol tantu den matematica, aritmetica i idioma. Tambe ta siña dil ku pèrdida ora esaki presenta.

Tabata un eksperensha dushi pa e hobennan. Tambe nos tabatin presensha di Emanuel Lont, un èkshungadó ku a domina pa años tantu den klup i a gana diferente torneo na Korsow i Aruba.

Tabatin dos grupo, uno di shete damitanan i e otro di 10 mucha hòmber.

Serka e damitanan Minelly Wu a dominá e torneo ganando tur su seis weganan.

Lisa Plantaz a keda na di dos lugá ku sinku ganá. Elisabeth Klinger a keda ku kuater ganá.

Na di kuater lugá a keda Sara Plantaz ku tres punto.E promé tres hungadonan a risibi un medaya.

Den e grupo maskulino tabata Adrián i Daniel, dos ruman ku a batataya pisa pa e prome puesto. Daniel a empata ku Matthew Wu i tambe ku Adrián. Adrián a empata ku su ruman i tambe Matthias.

Daniel i Adrián mester a bai un wega di diskite pa e promé puesto, ku Adrián a gana.

E tabla di posishon final serka e mucha hòmbernan tabata:

1. Adrián Fernandez Ojeda                             8 punto                                ganadó
2. Daniel Fernandez Ojeda                             8 punto
3. Matthew Wu                                                     7 punto i mei
4. Jerónimo Lont                                                  5 punto
5. Matthias Mendoza                                         4 punto i mei
6. Nathan Guitierez                                            4 punto

E promé hungadónan  risibi nan medaya korespondiente.

Finalmente nos kier gradisi sr Jarrod Dijkhuizen di ‘Lovers Ice Cream’ pa e koperashon ku nos por a òrganisá un bunita torneo pa e hobennan di ahedres. Tambe nos kier gradisi sra Julie Morgan i Edson Pietres (Fittypaldi), Charles Lont, Emanuel Lont I Kathiusca Ojeda pa nan presensia i koperashon.

FUENTE: CHARLES LONT/LIVE99FM