TREMENDO REKONOSEMENTU NA GLENN THOMAS NA BONEIRU, SELEBRASHON DÒBEL DI SU PROGRAMA SHOWMUSIKAL I FECHA NATAL.

Kralendijk,- E selebrashon tabata na Kaybuya Ranch djadumingu 3 di novèmber. Pader Marc Hooijschuur a hasi orashon pa asina inisiá e selebrashon Glenn Thomas.

Promé biaha e ta selebrá pafó di studio na Kòrsou. Esei ta loke el a bisa. “Boneiru ta bendishoná. Danki tur hende ku a yuda organisá e dia aki, spesialmente Elba Mercera i su tim,’ Glenn a ekspresá durante e selebrashon. 
El a laga Lulu Chikí papia i nan a sunchi otro i kombersá di pasado, kon nan a konosé otro i mas. Glenn ta yam’e doño di Show Musikal. Por imaginá kuantu kos nan dos a pèrkurá pe dilanti tur presente i live di Big Papa.
Konosido kantante i eskritor di Kòrsou, Elia Isenia tambe tabata na Boneiru pa presensiá e momentu bunita, dòbel selebrashon pa Glenn Thomas.
25 aña di e programa Showmusikal i un aña mas di bida, un kantidat di regalo Glenn a risibí na e okashon. El a haña regalo dimes serka su amor Lulu Chikí i e yunan a gradisí Glenn pa e amistat di 25 aña ku nan mama i niun hende no por separá nan.
Famia Diaz tambe a regalá Glenn regalo presente Chana i su yu Lucy, Nel Piar a regal’é un tremendo kuarta, obra di Nel mes. Un hende di Hulanda tambe a regalá Glenn un regalo. Junny Gill na nòmber di INDEBON tabata presente na e okashon.

Despues e tim di Elba a regal’é regalo i a gradisié pa e keda ku nos. Elba a forma un komishon pa por a selebrá riba Glenn su fecha natal e 25 aña showmusikal. Pero e ta kumpli 25 aña dia 21 di Desèmber. E komishon ta forma pa Elba, Judessa, Miraluska, Thea, Sonny i Ramses. E komishon ta yama danki na tur ku a hasi e atardi posibel, tambe na tur agrupashon musikal krioyo, pa nan bunita presentashon i Big Papa, un danki di kurason di parti e komishon.

Agrupashon musikal MFK i Tuti Fruti a pèrkurá pa bon ambiente e mèrdia Elia Isenia tambe a kanta poko na e okashon.

FUENTE:FITTIPALDI PIETERSZ/LIVE99FM