KOMISHON DI SANTANA DI RINCON, KIER A REKORDÁ UN I TUR KU E SIMAN AKI 2 DI NOVEMBER TA DIA DI TUR NOS DEFUNTUNAN.

Kralendijk,- Pa tal okashon Santana lo ta habri tur dia manera ta e kustumber pa asina tur hende lo por yuda ku limpiesa di e último lugá di sosiegu di nan ser kerí.

Mirando ku ultimamente e yobidanan ku tabatin esaki a trese kune ku despues ku komishon a hasi un limpiesa Santana a bolbe yena ku masha hopi yerba i mata.

Ta bai un suplika na tur doño di kelder pa hasi un esfuerso i bai tira un bista rondo di bo kelder.

Komishon di Santana no ta responsabel pa limpia rondo di kelder di famia manera nos a trese dilanti diferente biaha, esey famia ta responsabel pe.

Laga kada famia ser responsabel pa ku nan kelder i wak e estado di nan kelder pa tene esaki limpi.

Si akaso bo mes no por hasi rondo di bo kelder limpi por tuma kontakto ku komishon ku por ponebo den kontakto ku persona nan ku por hasi e trabou di limpiesa pa e famia.

Ta pidi tur doño nan di kelder pa kuminsa ku limpiesa rondo di kelder di nan ser keri nan.

Ta un lastima pa bisa ku ta un berguensa pa mira kon tin famia ta dera nan defuntu i no ta ni bira wak patras mas pa ku e kelder di nan ser keri.

Tin di nan ku asta e krans nan di for di entiero a bira bieu i deskuida i a keda den e mesun posishon ku a pone nan i bai laga nan atras.

Komishon di Santana kier a bolbe rekorda tur famia ku nan ta responsabel pa tene rondo di nan kelder limpi.

Ta pidi na kada persona ku hasi nan kelder limpi pa deposita esaki nan na un manera responsabel den e container ku tin parti suit den Santana i no tira nan abou unda ku ta.

TENE NA KUENTA!

Alabes ta partisipá ku djasabra 2 di november 2024 pa 17:00 or di atardi lo tin un Santu Sakrifisio di misa na Santana mes pa tur nos sernan kerí.

Pa intenshon pa misa pa defuntu por akudí serka: Ada Albertus, Sira Molina, Mientje Pourier i Crusita Thielman pa skirbi nòmber di bo defuntu.

Kòrda ku Santana ta un lugá kaminda ku nos tur un dia lo mester bai aden, ta p’esei laga n yuda kontribuí pa tene Santana limpi, tantu pa nos mes komo pa nos sernan kerí ku ta sosegá den dje.

Si nos kada un kolabora i tene nos kelder i 50 cm rond di dje limpi santana lo keda basta limpi.

FUENTE: KOMISHON DI SANTANA RINCON/LIVE99FM