MUESTRA DI INKAPASIDAT

Kralendijk,- Despues di a skucha e progama di radio kaminda a entrevistá e presidente i e konsehal di MPB, mi mester bisa ku kaya ta haña nan tur dos inkapas!!

E dos polítikonan aki a kuminsá na bisa ku nan ta hiba polítika nobo, pero konforme kaya ta skuchando nan, tur hende a bin ripará ku nan forma ta negativo i ta manipulá e realidat.

Di akuerdo ku kaya, e úniko kos ku e dos miembronan di MPB a bin hasi ta di ataká Gobièrnu, pero sin ningun prueba.

Segun kaya, tantu e presidente komo e konsehal tabata tresiendo un punto dilanti kaminda ta kulpa diputado Abraham, mientras nan mes ta papiando di desishon ku nan a tuma den Konseho Insular.

Segun kaya kualkier beibi sa ku desishon ku ta wòrdu tumá den Konseho Insular ta wòrdu tumá dor di e konsehalnan den Konseho Insular, den kual e mesun konsehal Wout di MPB ta forma parti.

Prèt tabata ora ku e lokutor mes a puntra konsehal Wout mes dikon e no a bai kontra di e kambionan proponé. E la duna di konosé ku e no tabata t’ei presente!!!! Ta ki tipo di polítika nobo esaki ta anto!!!!

Bo no t’ei i or’ ta tuma desishon, bo ta bin kulpa un diputado ku no tin nada di bisa den Konseho Insular.

Den e mesun kapítulo aki tambe nan ta bolbe akusá e diputado mayó, di a kita sea $500.000 di BOG pa hinka den un fundashon ku no ta eksistí.

Pero ta kaya ta papia!!

Pa bai radio i trese e tipo di informashonnan asina sin base i tambe di otro parti dor di bo propio falta, ta mustra ku boso ta kompletamente inkapasitá.

Segun kaya e hendenan aki no tin un bèrgwénsa di ta representante di pueblo, ta bai radio i sinta formulá mentira mientras e bèrdat di e asuntu ta públiko

Ami no kier bai den muchu detaye di e karta di CFT, pero ta dikon e dos inkapas nan aki no a bisa  ku CFT, entre otro ta kontentu ku Gobièrnu e sòru pa kita e defisit ku e presupuesto ta den balansa i ku tin surplus riba presupuesto 2025.

Aki por mira klaramente ku a bin radio pa hiba polítika super bieu i manipulativo.

Esaki ta polítika nobo??

Otro punto ku kaya tin problema ku ne ta, ku e presidente ta papia di un griffir ku a ser kambiá kaba.

For di basta dia kaba, ta tin un griffir suplente i awor tin un nobo. Segun kaya all by all e dos persona nan aki a trese un kantidat di kos negativo dilanti kaminda nan mes tin falta!!!

Muestra klaro di un inkapasidat kompletu.

Di akuerdo ku kaya, ku pesei mes nan komo MPB tin e rekòrt, di tabata den e Gobièrnu di mas malu den historia polítiko di Boneiru.

Anto ela kuminsá ku e propio presidente di MPB aki, ku mester a baha komo diputado, dor ku e la okashoná un disaster den Gobièrnu i Boneiru.

Segun kaya, nan no por goberná i nan no por hiba oposishon tampoko.

P’esei mes hende nan ta bandoná nan partido.

Ta gaña nan ku polítika nobo ku mas bieu ku metusalèm

I mas ku tur kos nan no konosé nada di polítika!!!

Ta manera kaya ta papia, nan ta un bèrgwensa.

FUENTE:ALSI ANTONY/LIVE99FM