KORSOU: METEO A RISIBÍ BISHITA DI SRA. MARJAN VAN GIEZEN

Willemstad,- Meteo a risibí bishita di sra. Marjan van Giezen, manager Luchtruim en Regionale Luchthavens di Ministerio di infrastruktura di Hulanda.

Un di e tareanan mas prinsipal di Servisio Meteorológiko Kòrsou ta di duna servisio na e sektor di aviashon. Meteo ku su stashon di wer na Aeropuerto Hato ta suministrá informashon meteorológiko tur momento na aviashon pa avionnan por baha i subi ku e seguridat nesesario. Alabes hasiendo uso di imágennan di satélite i radar di wer, ta vigilá e espasio aéreo di Kòrsou pa tur avionnan ku ta biaha dor di nos espasio aéreo por risibí informashon meteorológiko relashoná ku nan plan di buelo. E aeropuerto di Aruba, Bonaire i Kòrsou ta kai den nos espasio aéreo.      

E bishita tabata den kuadro pa formalisá un akuerdo di trabou pa hasi uso di e konosementu di Meteo Kòrsou.

Riba e imágen por mira: Sra. Marjan van Giezen i tambe direktor di Meteo dr. Albert Martis.

FUENTE:METEO KORSOU/LIVE99FM