Redakshon
Kralendijk, – Algun ratu pasa a tuma un insidente kaminda ku un dama ku tabata saliendo for di Courtyard Village situa den Kaya Sirena mester a bin topa ku un dama ku a bai purba bula e porta di kura di hèkwèrk ku ta sera e kompleho aki pero pa motibunan deskonosi mester a pèrdè balansa ku konsekuensia ku e la bin kai i keda kologa ya ku un di e puntanan di e porta di hèkwèrk mester a bora i pasa dor di e dama su pia.
E dama ku a bin topa ku e situashon mesora a bati alarma serka polisnan ku tabata den serkania atendiendo ku un aksidenté ku mesora a bai tuma nota di e situashon ku mesora a pidi sentral pa dirigí ambulans i tambe e personal di brantwer pa e sitio. Na yegada di e personal di ambulans na e sitio, mesora nan a kuminsa duna e dama e promé asistensia wardando yegada di e personal di brantwer na e sitio.
Na yegada di e personal di brantwer na e sitio mesora nan a kuminsá ku e tramitenan pa zag parti di e porta di manera ku por a libera e víktima for di su situashon i pa despues e keda transportá ku parti di e porta ku a bora e dama su pia ku urgensia pa poliklínika kaminda ku e dama mester bai keda opera mesora di manera ku por saka e punta ku a bora i pasa dor di e dama su pia.
Mester bisa ku varios tabata e patruyanan di polis tambe ku a yega na e sitio pa asina duna asistensia. Na e sitio por a kompronde ku mas den oranan di atardi e dama aki mester a hañe enbolbi den un aksidenté kaminda ku e mester a dal tras di un outo i a keda detené despues di a supla pa maneha bou di influensia di alkohol i ku algun ratu prome ku e insidente a kaba di keda laga den libertat.
FUENTE: LIVE99FM.
GIPHY App Key not set. Please check settings