QREDITS BONEIRU TA INKREMENTÁ MONTANTE MÁKSIMO DI MIKROKRÉDITO

Kralendijk,–  Qredits Boneiru ta inkrementá e montante máksimo finansiá via di su mikrokrédito di $50,000 pa $100,000 pa sostené empresarionan ku ta deseá pa hasi invershon mas grandi pa realisá e metanan di kresementu i desaroyo di nan kompania.

Empresanan chikí i mediano ku ta operando pa mas ku dos aña i ku por presentá relato finansiero di e kompania por bini na remarke pa e un finansiamente di mas ku $50,000.

Empresanan chikitu i mediano eksistente tin mas i mas e nesesidat pa hasi invershon nan grandi pa por realisá nan metanan di kresementu i stabilidat, motibu pa kual a yega na e desishon pa inkrementá e limite di e mikrokrédito. E interes aplikabel ta 9,95% i e término máksimo di e mikrokrédito di un montante riba $50,000 lo ta di 7 aña. Dor di e ahuste aki di e montante máksimo finansiá, Qredits Boneiru ta spera di por aportá na e éksito di e empresanan aki i hasi e rekursonan disponibel  pa yudanan sigui krese. “Ku e espasio di finansiamentu adishonal aki nos por yuda mas empresario realisá nan metanan empresarial,” segun Milagros Blanken, Branch Manager Qredits Boneiru. Pa empresanan nobo ainda ta konta un montante di finansiamentu máksimo di $50,000.

Banda di e inkremento di e limite di e mikrokrédito, Qredits Boneiru lo sigui ofresé coaching i training den diferente area na su klientenan. ‘’Esaki no solamente por yuda nan mantené nan empresanan finansieramente stabil, pero tambe yuda e empresario sa kon pa krese na un manera stratégiko i kon pa dil ku desafíonan na un maneranan efektivo’’, Milagros Blanken ta sigui splika.

Empresarionan ku ke mas informashon tokante di nos mikrokrédito i otro produkto finansiero òf ku ke apliká pa e finansiamentu mas amplio por bishitá nos website bonaire-po.qredits.com. Pa mas informashon òf pregunta, por tuma kontakto ku e tin di Qredits Boneiru via bonaire@qredits.nl òf via +599 717-1412.

FUENTE:QREDITS/LIVE99FM