AKSHON DI LIMPIESA PA DIA DI BONEIRU

Kralendijk – E lema pa Dia di Boneiru di e aña aki ‘Un Boneiru limpi. Nos deber, nos orguyo’ ta pone un énfasis spesial riba e insentivo pa semper tene nos isla limpi i bunita. Komo preparashon pa Dia di Boneiru, dia 17 di ougùstùs ta organisá akshon di limpiesa den sinku bario i algun otro sitio na nos isla. E akshonnan di limpiesa akí ta tuma lugá for di 7 or di mainta pa 4 or di atardi. Ta pidi habitantenan di Boneiru pa koperá ku e inisiativa positivo akí pa hasi nos isla limpi.

Kada bario lo tin un of dos punto di enkuentro ku fasilidatnan manera saku di sushi, kos di bebe i tambe músika pa krea un ambiente festivo. Selibon lo pone 16 baki di sushi grandi den e diferente barionan, kaminda e partisipantenan por depositá e shushinan ku nan a rekohé. Promé ku e aktividat tuma lugá, esta promé ku 17 di ougùstùs, miembronan di e komishon di Dia di Boneiru lo repartí saku di sushi. 

Komishon di Dia di Boneiru ta hasi un yamada masal na tur habitante di Boneiru, pa sea individualmente òf den grupo, yuda ku un ánimo festivo pa rekohé sushi den nan bario. Nos ta invitá tur habitante, bishitante, kompania i organisashon pa partisipá den e aktividat importante aki. Sushi riba kaya ta un problema persistente ku ta pidi nos esfuerso kolektivo. 

Durante un rueda di prensa ku a tuma lugá djárason mainta 7 di ougùstùs, diputado Nina den Heyer a bisa: “Un isla limpi ta fundamental pa nos salú i bienestar. Un Boneiru limpi ta reflehá nos amor pa nos isla i e orguyo ku nos ta sinti p’e.”

Pa mas informashon òf pa registrá grupo, por tuma kontakto ku e komishon di Dia di Boneiru via diadiboneiru@bonairegov.com.

Huntu nos ta kontribuí na un Boneiru mas limpi i mas bunita

.

FUENTE: OLB/LIVE99FM

NEDERLANS:

SCHOONMAAKACTIE VOOR BONAIREDAG – DIA DI BONEIRU  

Kralendijk – De slogan voor Bonairedag – Dia di Boneiru voor dit jaar ‘Een schoon Bonaire. Onze plicht, onze trots’ legt een bijzondere nadruk op de aansporing om ons eiland altijd schoon en mooi te houden. In voorbereiding voor Bonairedag – Dia di Boneiru worden op 17 augustus schoonmaakacties georganiseerd in vijf wijken en enkele andere plekken op ons eiland. Deze schoonmaakacties vinden plaats van 07.00 u tot 16.00 u. Aan de inwoners van Bonaire wordt gevraagd om mee te werken aan dit positieve initiatief om ons eiland schoon en mooi te maken.

In elke wijk zullen er een of twee ontmoetingspunten zijn met voorzieningen zoals afvalzakken, drinken en ook muziek om een feestelijke sfeer te creëren. Selibon zal 16 grote afvalbakken in de verschillende wijken plaatsen, waar de deelnemers het afval kunnen storten dat ze verzameld hebben. Voordat de activiteit plaatsvindt, dus vóór 17 augustus, zullen leden van de Dia di Boneiru-commissie afvalzakken uitdelen.

De Dia di Boneiru-commissie doet een massale oproep aan alle inwoners van Bonaire om, individueel of in groepen, met een feestelijke enthousiasme mee te helpen met het verzamelen van afval in hun wijk. Wij nodigen alle inwoners, bezoekers, bedrijven en organisaties uit om deel te nemen aan deze belangrijke activiteit. Afval op straat is een hardnekkig probleem dat om onze collectieve inzet vraagt.

Tijdens een persconferentie op woensdag 7 augustus heeft gedeputeerde Nina den Heyer het volgende gezegd: “Een schoon eiland is fundamenteel voor onze gezondheid en ons welzijn. Een schoon Bonaire laat de liefde zien die wij voor ons eiland hebben en hoe  trots wij op haar zijn.”

Voor meer informatie of om groepen in te schrijven, kan contact opgenomen worden met de Dia di Boneiru-commissie via diadiboneiru@bonairegov.com.

Samen dragen wij bij aan een schoner en mooier Bonaire.