FUNDASHON MARIADAL TA BAI AMPLIA SU HUNTA DI DIREKTIVA.

Kralendijk,– 7 di ougùstùs 2024. Fundashon Mariadal dentro di poko ta bai amplia su Hunta di Direktiva ku reklutashon di un Direktor pa e parti Operashonal  i Finansa i un Direktor pa Kuido Médiko. E ampliashon ta nesesario pa motibu di kresementu di e organisashon i e komplehidat kresiente di e pakete di kuido.

Boneiru a eksperensiá un kresementu fuerte di su poblashon. Habitantenan ta biba mas largu i tin kestion di enbehesimentu (vergrijzing), di manera ku e demanda pa bon kuido tambe a oumentá. Fundashon Mariadal tambe a krese huntu ku esaki, tantu pa loke ta trata e pakete di kuido komo e kantidat di empleado. E kantidat di spesialismo médiko ku Fundashon Mariadal ta ofresé a oumentá konsiderabelmente for di 10-10-2010. Nos organisashon tin ambishonnan haltu i diariamente nos empleadonan ta traha ku dedikashon pa duna kuido na komunidat di Boneiru.

Ku bista riba Boneiru su futuro desaroyo i mirando e echo ku kuido médiko ta un parti importante di bienestar di nos komunidat, a skohe awor pa un Hunta di Direktiva ku ta konsistí di mas miembro. Ora ku yena e funshonnan akí, e Hunta di Direktiva ta konsistí di un Direktor pa Asuntunan General, awor akí drs Giovanni J.M. Frans, médiko ku MBA-Health, un Direktor pa e parti Operashonal  i Finansa i un Direktor pa Kuido Médiko. Fundashon Mariadal ta sigui desaroyá su mes kontinuamente ku e meta pa ofresé komunidat di Boneiru un kuido di e kalidat di mas haltu den e sentido mas amplio di palabra.

Dentro di poko e vakaturanan ta sali pa e dos funshonnan di Direktor den korantnan lokal i otro medionan di komunikashon. Ku esaki Fundashon Mariadal ta spera di atraé kandidatonan kapasitá i motivá pa e funshonnan desafiante i bunita akí.

Huntu nos ta sigui traha riba un kuido ku enfoke riba futuro i di kalidat haltu pa Boneiru!

FUENTE: FMA/LIVE99FM

NEDERLANDS:

FUNDASHON MARIADAL GAAT RAAD VAN BESTUUR UITBREIDEN

Kralendijk, – 7 augustus 2024. Fundashon Mariadal gaat binnenkort de Raad van Bestuur uitbreiden met het werven van een bestuurder Bedrijfsvoering en Financiën en een bestuurder Medische Zorg. De uitbreiding is nodig vanwege de groei van de organisatie en de toenemende complexiteit van het zorgpakket.

Bonaire heeft een sterke bevolkingsgroei doorgemaakt. De inwoners leven gemiddeld langer en er sprake van vergrijzing, waardoor ook de vraag naar goede zorg is toegenomen. Fundashon Mariadal is hierin meegegroeid, zowel in het zorgaanbod als in het aantal medewerkers. Het aantal medisch specialismen dat Fundashon Mariadal aanbiedt is sinds 10-10-2010 aanzienlijk toegenomen. De organisatie heeft hoge ambities en elke dag werken de medewerkers met toewijding aan de zorg voor de gemeenschap van Bonaire.

Met het oog op de toekomstige ontwikkeling van Bonaire en dat medische zorg een belangrijk onderdeel is van het welzijn van de gemeenschap, is er nu gekozen voor een meerkoppige Raad van Bestuur. Wanneer deze functies zijn ingevuld, bestaat de Raad van Bestuur uit een bestuurder Algemene Zaken, deze functie wordt nu bekleed door drs. Giovanni J.M. Frans, arts MBA-Health, een bestuurder Bedrijfsvoering en Financiën en een bestuurder Medische Zorg. Fundashon Mariadal blijft zich voortdurend ontwikkelen met het doel om de gemeenschap van Bonaire zorg van de hoogste kwaliteit te bieden in de breedste zin van het woord.

Binnenkort verschijnen de vacatures voor de twee bestuursfuncties in de lokale bladen en media. Fundashon Mariadal hoopt hiermee bekwame en gemotiveerde kandidaten aan te trekken voor deze uitdagende en mooie functies.

Samen bouwen we aan een toekomstgerichte en hoogwaardige zorg voor Bonaire!