HÒMBER TA KEDA ATRAKÁ RIBA KAMINDA LAC

Kralendijk, – Riba djadumingu 4 di ougùstùs, alrededor di 2.45 or di mardugá, ‘meldkamer’ sentral a risibí notifikashon ku un atrako a kaba tuma lugá riba Kaminda Lac. Un hòmber ku tabata kana bai kas na pia despues di a sali un anochi na un establesimentu di hóreka, a keda aserká pa un hòmber deskonosí riba un skuter.

E hòmber deskonosí a ofresé e víktima un left ku pago. Na momentu ku e víktima a kue su pòtmòni, e hòmber deskonosí a indiká ku ta trata di un atrako i a eksigí tur sèn di e víktima. E víktima a entregá e pòtmòni, despues di kua e hòmber deskonosí a saka e sèn for di dje i a kore bai den direkshon di Playa.

E víktima a deklará ku e hòmber deskonosí probablemente tabata den poseshon di un arma di kandela. Ta investigando e kaso.

FUENTE: KPCN/LIVE99FM