Redakshon
Kralendijk,– Alfred Burgos di e partido polítiko M21 ta un suidadano preokupá. E motibu pa esaki sr Burgos ta deskribí komo lo siguiente: ‘En prinsipio e sistema di impuesto mester ta un sistema hustu i bon organisá, ku suidadanonan mester por konfia riba dje. Sinembargo mi eksperensia resien ku servisio di impuesto di Hulanda Karibense a afektá mi konfiansa den e instansia akí seriamente. Segun nan na aña 2023 mi lo no a paga $ 838 di impuesto di vehíkulo di motor (motorrijtuigenbelasting – MRB), loke a resultá den un but di $ 140. Mi tin ku bisa ku debidamente mi a hasi e pago akí, pero servisio di impuesto no ta rekonosé esaki. Esaki no ta solamente frustante, pero e ta inhustu tambe.’
Indiferensia atministrativo i but
Alfred Burgos ta splika mas aleu ku den korespondensia ku servisio di impuesto nan a bis’é lo siguiente: ‘Sin bo komprobante di pago nos no por buska bo pago i buk esaki riba bo anslag ku ta habrí.’ Segun sr Burgos esaki ta impliká ku e pagadónan di impuesto tin ku entregá prueba, di manera ku servisio di impuesto por hasi su trabou. ‘Ta apsolutamente inakseptabel ku un instansia ku ta risibí miónes di sèn di impuesto, ta asina indiferente i desorganisá ku nan no por verifiká pago den un forma independiente, sin ku un suidadano tin ku entregá prueba pa esaki.’
Un peso dòbel pa suidadano
‘Ya ta hopi fastioso kaba ku mi tin ku proba ku mi a paga e impuesto di vehíkulo di motor. Pa kaba koroná obra, dia 19 di yüni mi a risibí un rekordatorio pa ‘grondbelasting’ di aña 2023, ku tambe mi a paga kaba. E rekordatorio akí ta fechá 11 di yüni 2024, i mi a hasi e pago asina lat, pa motibu ku mi a hasi opheshon kontra altura di e impuesto. Despues ku servisio di impuesto a aprobá mi opheshon, mi a paga e suma ahustá mas ku un siman promé ku e fecha ei’, segun Alfred Burgos.
Keho i retraso
Sr Burgos a entregá un keho serka e Defensor di Pueblo Nashonal (Nationale Ombudsman), Reinier van Zutphen. Tokante esaki e ta bisa: ‘Entretantu mi ta wardando riba un kontesta di e Defensor di Pueblo. Te na e momentu ei mi ta verwagt ku servisio di impuesto mes ta buska mi pagonan. Ta inakseptabel ku servisio di impuesto ta traha di e sistema akí i den un forma inhustu ta imponé kobransa i but riba suidadanonan.’
Yamada pa akshon
Segun Alfred Burgos e artíkulo akí kaminda e ta duna su opinion, ta un yamada na tur hende ku a yega di konfrontá problemanan similar: ‘Nos tin ku uni nos bosnan i eksigí ku servisio di impuesto ta bai traha na un manera mas efisiente, mas transparente i mas hustu. Pa medio di traha huntu nos por pone un fin na e inhustisia akí. A bira tempu pa servisio di impuesto asumí su responsabilidat i stòp di imponé but i kobransa, sin averiguá promé si debidamente a hasi e pago kaba. Laga nos lucha huntu pa un sistema di impuesto mas hustu!’
FUENTE: M21/LIVE99FM
DE ONRECHTVAARDIGHEID VAN DE BELASTINGSYSTEMEN IN CARIBISCH NEDERLAND: EEN EEN PERSOONLIJK PROTEST
Kralendijk, – Alfred Burgos van de politieke partij M21 is een bezorgde burger. De reden hiervoor omschrijft de heer Burgos als volgt: ‘Het belastingstelsel zou in principe een rechtvaardig en goed georganiseerd systeem moeten zijn waar burgers op kunnen vertrouwen. Echter, mijn recente ervaringen met de belastingdienst van Caribisch Nederland hebben mijn vertrouwen in deze instantie ernstig aangetast. In 2023 zou ik de nodige $838 aan motorrijtuigenbelasting (MRB) niet hebben betaald, wat resulteerde in een boete van $140. Mijn betaling is nochtans wel degelijk verricht, maar dit wordt door de belastingdienst niet erkend. Dit is niet alleen frustrerend, maar ook oneerlijk en onrechtvaardig.’
Administratieve laksheid en boetes
Alfred Burgos vertelt verder dat hij in de correspondentie met de belastingdienst het volgende te horen kreeg: ‘Zonder uw betaalbewijs kunnen wij niet naar uw betaling zoeken en deze dan ook op de openstaande aanslag boeken.’ Volgens dhr Burgos impliceert dit dat belastingbetalers bewijzen moeten aanleveren, zodat de belastingdienst haar werk kan doen. ‘Het is te gek voor woorden dat een instantie die miljoenen aan belastinggeld ontvangt, zo laks en ongeorganiseerd is dat zij niet in staat is om zelfstandig betalingen te verifiëren zonder dat de burger daar bewijzen voor moet aandragen.’
De dubbele last voor de burger
‘Het is al erg genoeg dat ik moest bewijzen dat ik de MRB had betaald. Tot overmaat van ramp ontving ik op 19 juni, een aanmaning voor grondbelasting 2023, die ik ook al heb betaald. Deze aanmaning dateert van 11 juni 2024, en de betaling is zo laat gedaan omdat ik bezwaar had gemaakt tegen de hoogte van de belasting. Na goedkeuring van mijn bezwaar door de belastingdienst, heb ik het aangepaste bedrag ruim een week daarvoor voldaan’, aldus Alfred Burgos.
Klachten en vertraging
Dhr Burgos heeft een klacht ingediend bij de Nationale Ombudsman, Reinier van Zutphen. Daarover zegt hij: ‘Ondertussen wacht ik op een antwoord van de Ombudsman. Tot die tijd verwacht ik dat de belastingdienst zelf naar mijn betalingen zoekt. Het is onaanvaardbaar dat de belastingdienst op deze manier werkt en de burger belast met onterechte vorderingen en boetes.’
Oproep tot actie
Volgens Alfred Burgis dient dit opiniestuk als een oproep aan iedereen die met soortgelijke problemen te maken heeft gehad: ‘We moeten onze stemmen verenigen en eisen dat de belastingdienst efficiënter, transparanter en rechtvaardiger gaat werken. Door samen te werken kunnen we een einde maken aan deze onrechtvaardigheid. Het is tijd dat de belastingdienst van Caribisch Nederland haar verantwoordelijkheid neemt en stopt met het onnodig opleggen van boetes en vorderingen zonder eerst na te gaan of betalingen daadwerkelijk zijn gedaan. Laten we samen strijden voor een eerlijker en rechtvaardiger belastingstelsel!’
GIPHY App Key not set. Please check settings