QREDITS I MINISTERIO DI ASUNTUNAN EKONOMIKO I KLIMA TA INTRODUSÍ UN PROGRAMA NOBO DI EDUKASHON

Kralendijk, 19 di yüli 2024 – Despues di algun luna di preparashon, Qredits ta klá pa lansa un programa di edukashon nobo yamá ‘Introduction to Entrepreneurship’ (Orientashon Empresarial). E programa aki lo fungi komo un trayekto preliminar pa personanan sin konosementu previo di emprendementu i ku lo ke partisipá na ‘Small Business Academy’ of kualke otro programa mas avansá. Ministerio di Asuntunan Ekonomiko i Klima di Hulanda den su afan pa aportá na entre otro e desaroyo ekonómiko di Boneiru, Saba i Statia a subsidiá parti di e gastunan hasí pa por a krea e programa nobo aki.

‘Introduction to Entrepreneurship’ ta un programa edukashonal pa esnan ku ke orientá si emprendementu ta algu pa nan.  E ta un inisiativa di Qredits ku e meta pa introdusí e kursistanan ku e base di emprendementu pa asina nan por deskubrí nan abilidatnan empresarial. Pa medio di e kurso aki Qredits kier desaroyá i stimulá kualidatnan empresarial básiko di prinsipalmente e residentenan di islanan BES i pa asina garantisá desaroyo ekonómiko duradero.

E programa tin komo base e trahamentu di un ‘Business Model Canvas (BMC)’ pa un produkto òf servisio pa medio di un programa digital, esta ‘e-learning’. Via di e diferente seshon klasikal lo kubri diferente tema importante pa desaroyá i engrandesé abilidatnan i konosementu empresarial di e kursista i yud’é kompilá e informashon relevante pa su ‘Business Model Canvas’. Temanan manera entre otro kualidadesnan di un empresario, merkadeo i presentashon di un produkto òf servisio, maneho finansiero básiko lo keda tratá den e seshon nan. Na final di e kurso, e kursistanan lo presentá nan mes komo empresario i introdusí nan produkto òf servisio pa medio di un ‘pitch’ dilanti di un panel di ekspertonan.

Qredits Boneiru for di aña 2021 a ekspandé e programa di ‘Small Business Academy’ ku 4 siman di lès durante kual e kursistanan ta haña informashon basiko di emprendementu. Esaki ku e meta pa 1) nan ta konsiente kiko emprendementu ta kome i bebe, 2) kiko emprendementu ta eksihí di nan i kon pa prepará, i 3) kon pa skohe un produkto i/òf servisio ku e kursista por trese riba merkado. Komo prueba final, e kursistanan mester a introdusí nan mes komo un futuro empresario i e produkto i/òf servisio ku nan ke trese riba merkado pa medio di un ‘pitch’.   Despues di evaluashon di e panel, kursistanan a tende si nan por a sigui ku e parti ofisial di ‘Small Business Academy’ òf si nan mester sigui otro trayekto di desaoryo i asta den algun kaso risibí e konseho pa no emprendé. Dor di e konosementu i eksperensia básiko aki, e kursistanan ku a sigui e lèsnan ofisial di ‘Small Business Academy’ tabata mas sigur di nan mes i tabata tin mas chèns di finalisá henter e trayekto ku éksito.

Mirando e impakto grandi ku e 4 siman nan di lèsnan adishonal ariba menshoná a bin ta hasi, Qredits a aserká Ministerio di Asuntunan Ekonomiko i Klima di Hulanda na 2023 ku e proposishon pa krea un programa ofisial, bou di nòmber ‘Introduction to Entreprenuership’. E ministerio den su afan pa kontribuí na e desaroyo empresarial i ekonómiko di entre otro islanan BES, a brasa e proposishon dor di aportá na e gastunan di desoryá e programa. Awe nos por konta ku un programa mas konsistiendo di un ‘E-learning’, un buki di trabou i un seri di lès. Pues un danki inmenso na e Ministerio pa yuda nos realisá esaki.

Bo ke orientá si emprendementu ta algu pabo i ke risibí un introdukshon básiko di emprendementu? Por manda nos un mail na smallbusinessacademybonaire@qredits.nl òf tuma kontakto ku nos via 717-1412 pa mas informashon. Tambe por sigui página di Facebook i Instagram di Qredits Boneiru pa mas update. Pograma ‘Introduction to Entrepneurship’

FUNETE:QRIDITS/LIVE99

=========================================================================

NEDERLANDS:

QREDITS EN MINISTERIE VAN ECONOMISCHE ZAKEN EN KLIMAAT INTRODUCEREN EEN NIEUW EDUCATIEPROGRAMMA

Kralendijk, 19 juli 2024 – Na enkele maanden van voorbereiding is Qredits klaar om een nieuw educatieprogramma te lanceren genaamd ‘Introduction to Entrepreneurship’ (Oriëntatie op Ondernemerschap). Dit programma zal dienen als een voorbereidende cursus voor mensen zonder enige voorkennis van ondernemerschap die graag aan de ‘Small Business Academy’ of een ander vervolgprogramma deel willen nemen. Het Ministerie van Economische Zaken en Klimaat, in zijn streven om bij te dragen aan de economische ontwikkeling van onder anderen Bonaire, Saba en Statia, heeft een deel van de kosten gesubsidieerd om dit nieuwe programma mogelijk te maken.

‘Introduction to Entrepreneurship’ is een educatieprogramma voor degenen die willen onderzoeken of ondernemerschap iets voor hen is. Het is een initiatief van Qredits met als doel de cursisten kennis te laten maken met de basisprincipes van ondernemerschap, zodat zij hun ondernemersvaardigheden kunnen ontdekken. Via deze cursus wil Qredits de basis ondernemerskwaliteiten van de bewoners van voornamelijk de BES-eilanden ontwikkelen en stimuleren om zo duurzame economische ontwikkeling te waarborgen.

Het programma heeft als basis het verwerken van een ‘Business Model Canvas (BMC)’ voor een product of dienst via een digitaal programma, namelijk ‘e-learning’. Tijdens de verschillende klassikale sessies zullen belangrijke onderwerpen worden behandeld om de ondernemersvaardigheden en kennis van de cursist te ontwikkelen en hen te helpen bij het samenstellen van de relevante informatie voor hun ‘Business Model Canvas’. Onderwerpen zoals de kwaliteiten van een ondernemer, marketing en presentatie van een product of dienst, en basis financieel beheer zullen aan bod komen tijdens de sessies. Aan het einde van het programma zullen de cursisten zichzelf introduceren als ondernemer en hun product of dienst presenteren via een ‘pitch’ voor een panel van experts.

Qredits Bonaire heeft sinds 2021 het ‘Small Business Academy’ programma uitgebreid met 4 lesweken waarin de cursisten basisinformatie over ondernemerschap ontvangen. Dit met als doel dat zij bewust worden van wat ondernemerschap inhoudt, wat ondernemerschap van hen zal vergen, hoe ze zich kunnen voorbereiden, en hoe ze een product en/of dienst kunnen kiezen om op de markt te brengen. Als eindtoets moesten de cursisten zichzelf introduceren als toekomstig ondernemer en hun product en/of dienst via een ‘pitch’ aan het panel presenteren. Na evaluatie door het panel kregen de cursisten te horen of ze verder konden met het officiële deel van de ‘Small Business Acedemy’ of dat ze een ander ontwikkeltraject moesten volgen en in sommige gevallen het advies om niet te ondernemen. Door deze basiskennis en ervaring was de mate van zelfverzekerdheid van de cursisten die de officiële lessen van ‘Small Business Academy’ volgden hoger en hadden ze meer kans om het hele traject succesvol af te ronden.

Gezien de grote impact die de genoemde additionele lesweken hebben gehad, benaderde Qredits het Ministerie van Economische Zaken en Klimaat in 2023 met het voorstel om een officieel programma te creëren onder de naam ‘Introduction to Entrepreneurship’. Het ministerie, in zijn streven om bij te dragen aan de ontwikkeling van ondernemerschap en de economie van onder andere de BES-eilanden, heeft het voorstel omarmd door bij te dragen aan de kosten voor de ontwikkeling van het programma. Deze nieuw educatieprogramma bestaande uit een ‘e-learning’, een werkboek en een serie lessen is een moeie toevoeging aan het aanbod van programma’s

aangeboden door Qredits. We zijn zeer dankbaar aan het ministerie voor hun steun bij het realiseren van het programma.

Wil je oriënteren of ondernemerschap iets voor jou is en wil je een basisintroductie krijgen in ondernemerschap? Stuur ons een e-mail naar smallbusinessacademybonaire@qredits.nl  of neem contact met ons op via 717-1412 voor meer informatie. Je kunt de Facebook en Instagram pagina van Qredits Bonaire ook voor meer updates volgen.