Redakshon
Philipsburg, – Varios pasahero ku tabata tin komo destinashon St. Maarten a keda pega awor aki na Kòrsou pa motibu di e bankarota di JetAir ku no a sperá, kual tabata esun ku mester a hiba e parsahero Sint Maarten. Mester bisa ku tin hopi hende na St. Maarten ku e deseo pa bai bishita famia i amigu na Kòrsou, tambe ta sufri pa motibu di desparishon di JetAir. Minister di Turismo, Ekonomiko, Transport i Telekomunikashon Sra. Grisha Heyliger-Marten, a tuma akshon di inmediato ora ku su persona a risibí informashon di CEO di WINAIR tokante di e situashon krusial ku a presenta ku ta afektá e konekshon entre St. Maarten i Kòrsou. Sra.Heyliger-Marten a tuma kontakto ku prome minister di Korsou Sr. Pik Pisas i minister Charles Cooper di Kòrsou pa haña nan yudansa pa aselera e aprobashon nesisario mas lihé, ku lo permití WINAIR pa oumentá su frekuensia di bulonan pa Kòrsou ku kuater vuelo ekstra semanal.
Autoridat di Aviashon Sivíl di Kòrsou (CCAA) a indiká ku e proseso lo bai dura almenos un siman promé ku por a tuma un desishon tokante aplikashon di WINAIR pa oumentá su frekuensia di vuelo pa Kòrsou. E tardansa den e toma di desishon aki ta pone ku WINAIR lo no por oumentá su vuelo riba e ruta aki promé ku 8 di yüli. WINAIR ta insistí pa haña un aprobashon mas rapido ku ta posibel pa motibu di e nesisidat urgente pa atende i alivia e interupshon di buelonan ku a surgi pa motibu di e bankarota di JetAir. Mester bisa ku tin hopi pasahero ku a kumpra nan tiket serka JetAir di manera ku nan por a yega St. Maarten pa por a partisipa na konferensianan i otro eventonan na St. Maarten, pero ku awor aki no por biaha pa motibu di falta di transport aéreo. Tin ku bisa ku tin un resort prominente ku ya a reportá un pèrdida di $20,000 na ingreso pa e siman aki pa motibu di e problemanan ku a surgi pa ku e bankarota di Jetair.
Despues di un kombersashon entre Sra. Heyliger-Marten i Minister Cooper, su persona a akordá pa temporaralmente permití e aumento di buelonan di WINAIR pa Kòrsou pa un temporada di 2 te 3 siman kual ta permití WINAIR pa operá vuelonan ekstra pa Kòrsou kual lo alivia e problema di biahe di inmediato te ku na momentu ku yega na un solushon permanènte. Segun Sr.Heyliger-Marten, e gobièrnu di St. Maarten i Kòrsou ta trahando huntu di manera ku por garantisá un solushon rápido pa e asunto aki pa di e forma aki mantené konnektividat regional fuerte i sostené e nesisidatnan di pasaheronan i e ekonomía di e islanan.
Danki na Minister Heyliger-Marten pa su akshon rapido pa defendé WINAIR, asina e CEO di aerolínea Sr. Hans van der Velde a bisa na dje i a bisa ku, “Nos lo por kambiá nos skema i fasilità kuater vuelo ekstra kuminsando for di 1 di yüli, i atsa lo por ta posible un par di dia promé ku fecha di 1 di yüli, si nos haña un kontesta awe of mañan.”
𝑭𝑼𝑬𝑵𝑻𝑬: 𝑳𝑰𝑽𝑬99𝑭𝑴
GIPHY App Key not set. Please check settings