KORSOU: NOS TAMBE MESTER TA PREPARA PA UN TSUNAMI?

Willemstad,- Riba e anochi di 22 di aprel 2026, Servisio Meteorológiko Kòrsou, den kolaborashon ku Universidat di Kòrsou (UoC), lo ta anfitrion di un lektura públiko ku e título “Nos tambe mester prepará pa un Tsunami?”.

E evento tin komo meta pa konsientisá nos komunidat i duna un mihó komprendementu tokante riesgonan di tsunami na Kòrsou.

E lektura lo trese ekspertonan lokal i internashonal huntu pa deliberá ku e públiko na un manera interaktivo, e posibel impakto di un tsunami den region Karibe i e importansha di preparashon, tantu na nivel individual pero tambe na un nivel di komunidat.

Partisipantenan lo haña un mihó komprendementu kon un tsunami ta forma, e posibilidat di e tipo di evento aki por afektá Kòrsou i medidanan práktiko ku por tuma pa redusí riesgonan i fortifiká resilensia.

Maske tsunami no ta komun den nos region, organisadónan ta enfatisá ku konsientisashon i preparashon ta komponentenan esensial den maneho efektivo di riesgo di desaster.

E inisiativa aki tin komo meta pa oumentá seguridat públiko i preparashon general, dor di mantené e komunidat informá.

E evento lo tuma lugá den ouditorio di Universidat di Kòrsou (UoC) for di 19:00 pa 21:00. Entrada ta grátis i tur miembro di komunidat ta keda invitá pa asistí.

Detaye di Evento:

•           Fecha: 22 di aprel 2026

•           Ora: 19:00 – 21:00

•           Lugá: University of Curaçao (UoC)

•           Entrada: Gratis

Pa mas informashon i pa registrá, usa e siguiente lenk òf skèn e QR-code riba e flyer ofisial:

https://forms.gle/xLFpRJ5wFQdRncZdA