BAILE, FITNESS I AMBIENTE DURANTE MOVIDA JUMP-FIT

Kralendijk,- Zumbadura ta invitá tur persona ku ke traha riba nan metanan di ehersisio pa 2026, pa e promé edishon di jump-fit, dia 6 di febrüari.

Un anochi yen di energia positivo, movementu i goso, kaminda “fitness” i ambiente ta bin huntu. E manera ideal pa traha riba bo metanan di “fitness” pa 2026 miéntras bo ta baila. E evento ta kuminsá 7:00 di anochi ku un ehersisio di zumba.

Ku of sin eksperensia, e ehersisionan akí ta fásil pa sigui i aksesibel pa tur hende. Disfrutá, miéntras bo ta den movementu na un manera ameno. Despues di e zumba, nos lo sigui ku animashon di DJ Marv ku semper ta pone bon ambiente i Real King Garcia, ku lo tei spesialmente for di Kòrsou pa hinka tur hende den un dushi “vibe”.

Bo por spera ritmo, ambiente i energia positivo, kaminda ehersisio i goso ta e punto sentral. Movida Jump-fit ta mas ku simplemente hasi ehersisio, e ta un eksperensia. Un momento pa topa otro, hari, baila i keda motivá pa biba un bida aktivo i salú.

Pa mas informashon, sigui e página di Facebook di Zumbadura òf tuma kontakto via +59996770490. No pèrdè e oportunidat akí i bin baila huntu ku nos durante Movida Jump-Fit by Zumbadura!

FUENTE: ZUMBADURA/LIVE99FM