KONSEHO INSULAR UNÁNIMAMENTE TA SOSTENÉ PROPÓSISHON PA PONE SEGURIDAT DI ĖKSISTENSHA RÍBA AGENDA DI HULANDA!

Kralendijk ,- Durante reuníon di Konseho Insular di djaweps 27 di November, lider di frakshon di UPB den Konseho Insular a presentá un konsepto di ‘desishon’, pa Boneiru huntu ku Saba y Statia pone seguridat di éksistensha riba agenda di ministerio di asuntunan sosial pa asina por inísia e trayektó pa yega na ampliashon di e area aki pa Boneiru, Saba y Statia.

Konsehal Dirksz a ékspresa su gradesimentu na kóleganan den Konseho Insular a mira e importansha di e tópiko aki y a sóstene e desishón aki unánimamente . Seguridat di éksistensha ta ánkra den artikulo 30 di konstitushon Hulandes y ta enserá generalmente ku gobiernu tin e obligashon di  garantisá ku tur suidadano mester por hiba un bida desénte y na órdu.

Seguridat di éksistensha ta mas amplio ku solamente seguridat sosial y seguridat fínansiero. Esaki y e echo ku seguridat di eksistensha ta ankrá den konstitushon, ta pone ku e ta un instrumentú kláve den kualke maneho pa kombatí pobresa. Derecho riba un kas, derecho riba trabóu, kóntinuidat y séguridat finansiero y sosial, derecho di por partisipá, derecho riba enseñansa, derecho riba un maneho sosial na órdu y derecho riba un maneho di kombatimentu di pobresa, huntu ta forma seguridat di eksistensha y e báse pa un komúnidat na unda tur suidádano por partisipá y den kua derechonan básiko di tur suidádano ta wórdu respetá.

Konsehal Dirksz ta di opinion ku derechonan basiko manera seguridat di éksistensha no por wórdu aplíka riba un base désigual. Por ehempel; si den Hulanda Europeo un trahadó, despues di 2 aña  di a rísibi kompensashon a basé di malesa laboral, ta wordu kargá dor di un otro lei (WIA y/of penshon di malesa), esaki mester ta aplikabel pa Boneiru tambe.

Si na Hulanda Europeo un trahadó  ku pérde trabou tin derechí riba 70% di su salarío, esaki mester ta aplíkabel na Boneiru tambe. Esaki ta lei kónstitushonal y a bira tempu pa nos kuminsa e proseso pa elimina e désigualdat déskriminatorio aki.

Konsehal Dirksz ta termina bisando ku dentro di póko e lo éntrega un plan basikó pa huntu ku Saba y Statia inísia e trayekto di preparashón di un dokumentó ku mester fungí manera un guión pa realisá e meta aki.

FUENTE: FRAKSHON UPB/LIVE99FM