ENTIDAT PÚBLIKO BONEIRU I SELIBON TA FIRMA AKUERDO PA MEDIDA DI EMERGENSIA PA YEGA NA MANEHO RESPONSABEL DI SUSHI

Kralendijk – Awe Entidat Públiko Boneiru i Selibon NV a firma un akuerdo di ehekushon, den kua nan ta stipulá vários palabrashon tokante un pakete di medida di emergensia ku ta nesesario pa mehorá i stabilisá maneho di sushi na Boneiru.

Ku e akuerdo akí nan ta pone pasonan konkreto pa logra un ambiente di biba mas seif i mas limpi pa hende, naturalesa i bestia. ‘Huntu nos ta salbaguardiá kontinuidat di servisio, nos ta redusí e riesgonan na e lèntfel na Lagun te na momentu ku e sera, i nos ta fortifiká e operashon empresarial di Selibon na un manera struktural,’ segun diputado Clark Abraham.

Pa aña 2025, Entidat Públiko Boneiru tin un suma total di USD 3,8 mion disponibel pa atendé ku e problemanan di mas urgente. Den e akuerdo di ehekushon akí e partidonan ta stipulá pa kiko ta destiná e medionan akí. Ta bai ehekutá un ouditoria eksterno independiente pa loke ta trata e eksigensianan finansiero i organisatorio pa un operashon empresarial salú di Selibon. E resultadonan di esaki ta forma e base pa un stipulashon di tarifa i futuro eskohonan di maneho ku lo keda formulá den un akuerdo di servisio nobo.

E partidonan ta stipulá ku Selibon i Entidat Públiko Boneiru ta trahando pa yega na un sistema kaminda e tarifanan ta kubri e gastunan. Pa logra esaki Entidat Públiko Boneiru lo adaptá e Ordenansa di Produktonan Residual (Afvalstoffenverordening) i e maneho entrante aña 2027. Banda di esaki Entidat Públiko Boneiru ta preparando un akuerdo di servisio nobo ku Selibon, entrante 1 di yanüari 2026. Diputado Abraham ta enfatisá: ‘Ku e akuerdo akí nos ta pone un paso importante den direkshon di un maneho di shushi responsabel i resiliente pa futuro na Boneiru. E problemanan ta grandi, pero pa medio di palabrashonnan klarito, stabilisashon finansiero i kolaborashon intensivo, nos ta krea e base pa hasi e kompania públiko importante akí salú i konfiabel atrobe na interes di siudadanonan di Boneiru i na interes di nos naturalesa.’

Tin atenshon spesial pa e empleadonan di Selibon. Ta bai mehorá e CAO, ta bin un programa di kapasitashon i desaroyo i ta bin un investigashon médiko pa e empleadonan, ku enfoke èkstra riba e empleadonan ku ta traha na e sitionan di depositá sushi.

Banda di esaki, na aña 2025 Entidat Públiko Boneiru ta pone un prima di apresio disponibel pa tur empleado. Ta enbolbí e hendenan ku ta biba den bisindario di Lagun i Fundashon Pro Lagun tambe aktivamente via e konsulta periódiko, di manera ku transparensia i enbolbimentu di e bisindario ta keda salbaguardiá.

E direktor di Selibon Edsel Winklaar ta añadí: ‘Ku e sosten akí nos por mehorá nos servisio, fasilitá nos empleadonan mihó i kontinuá ku e modernisashon nesesario di nos organisashon. Esaki ta un paso importante pa nos empleadonan i pa nos komunidat.’   

FUENTE: OLB/LIVE99FM

NEDERLANDS:

OLB EN SELIBON TEKENEN OVEREENKOMST VOOR NOODMAATREGELEN NAAR VERANTWOORD AFVALBEHEER

Kralendijk –  Het Openbaar Lichaam en Selibon N.V. hebben vandaag een uitvoeringsovereenkomst ondertekend waarin zij afspraken vastleggen over een pakket aan noodzakelijke noodmaatregelen om het afvalbeheer op Bonaire te verbeteren en te stabiliseren.

Met deze overeenkomst worden concrete stappen gezet voor een  veiliger en schoner leefmilieu voor mens, natuur en dier. “Wij borgen samen de continuïteit van de dienstverlening, verminderen de risico’s op de stortplaats Lagun tot aan de sluiting en versterken de bedrijfsvoering van Selibon op structurele wijze,” aldus gedeputeerde Clark Abraham.

Voor 2025 heeft het OLB een totaalbedrag van USD 3,8 miljoen beschikbaar om de meest urgente problemen aan te pakken. In deze uitvoeringsovereenkomst leggen partijen vast hoe deze middelen worden besteed. Er komt een onafhankelijke externe audit uitgevoerd naar de financiële en organisatorische vereisten voor een gezonde bedrijfsvoering van Selibon. De resultaten hiervan vormen de basis voor duurzame tariefstelling en toekomstige beleidskeuzes die neergelegd zullen worden in een nieuwe dienstverleningsovereenkomst.

Partijen leggen vast dat Selibon en het OLB toewerken naar een systeem waarin tarieven kostendekkend zijn. Het OLB zal hiertoe de Afvalstoffenverordening en het beleid per 2027 aanpassen. Daarnaast wordt een nieuwe dienstverleningsovereenkomst (DVO) met Selibon voorbereid, met ingang van 1 januari 2026. Gedeputeerde Abraham benadrukt: “Met deze overeenkomst zetten we een noodzakelijke stap richting een verantwoord en toekomstbestendig afvalbeheer op Bonaire.

De problemen zijn groot, maar door duidelijke afspraken, financiële stabilisatie en intensieve samenwerking creëren we de basis om dit belangrijk publieke bedrijf weer gezond en betrouwbaar te maken in het belang van de burgers van Bonaire en onze natuur.”

Er is bijzondere aandacht voor de werknemers van Selibon. De CAO wordt verbeterd, er komt een opleiding- en ontwikkelingsprogramma en werknemers ondergaan een medisch onderzoek, met extra focus op medewerkers op de stortplaatsen. Daarnaast stelt het OLB in 2025 een waarderingspremie beschikbaar voor alle medewerkers. Ook omwonenden van Lagun en de Stichting Pro Lagun worden actief betrokken via periodiek overleg, zodat transparantie en omgevingsbetrokkenheid worden gewaarborgd.

Selibon-directeur Edsel Winklaar voegt toe: “Met deze steun kunnen wij onze dienstverlening verbeteren, onze werknemers beter faciliteren en de noodzakelijke modernisering van onze organisatie doorzetten. Dit is een belangrijke stap voor onze medewerkers én voor de gemeenschap.”